შოთა მალაშხია-"საპრეზიდენტო არჩევნების მეორე ტური, აუცილებლად გაიმართება"

"საპრეზიდენტო არჩევნების მეორე ტური აუცილებლად გაიმართება"
12:03 19.07.2013
საპარლამენტო უმცირესობის წევრი შოთა მალაშხია მიიჩნევს, რომ საპრეზიდენტო არჩევნების მეორე ტური აუცილებლად გაიმართება.

როგორც მალაშხიამ "პრაიმტაიმის" პრესკლუბში გამართულ პრესკონფერენციაზე განაცხადა, დღეს "ქართული ოცნების" საპრეზიდენტო კანდიდატს 29%-იანი რეიტინგი აქვს, მაშინ როცა მის პარტიას – 50%.

"მის პარტიას გაცილებით მეტი რეიტინგი აქვს. რაც არ უნდა გაიზარდოს "ქართული ოცნების" საპრეზიდენტო კანდიდატის რეიტინგი, ის 50%-ს ვერ მიაღწევს. ამიტომ პირველ ტურში შედეგი ვერ დადგება. ჩვენ გვაქვს 10%-იანი რეიტინგი, როცა კანდიდატი არ გვყავს. კანდიდატის დასახელების შემდეგ რეიტინგი გაიზრდება. ვფიქრობ, რომ მეორე ტური აუცილებლად გაიმართება", - განაცხადა მალაშხიამ.

რაც შეეხება "ნაციონალური მოძრაობის" პრაიმერს, იგი შაბათს – ზუგდიდში, შემდეგ კი ბათუმში გაიმართება. 27 ივლისს კი პრაიმერის საბოლოო ტური თბილისში ჩატარდება. ზუგდიდის პრაიმერის თემა საგარეო პოლიტიკა იქნება.

ვის შევჩივლო! რუსთაველი მკვდარია!