"ვინ ფლობს კურორტ საირმეს"
ბალნეოლოგიური კურორტი საირმე საბჭოთა საქართველოში სახელმწიფოს ეკუთვნოდა. საბჭოთა კავშირის დანგრევის შემდეგ მისი ნაწილ-ნაწილ პრივატიზაცია დაიწყო. 2011 წელს კურორტი მთელი თავისი ინფრასტრუქტურით და მიმდებარე ნაკვეთებით სახელმწიფომ „ნაციონალურ მოძრაობასთან“ დაახლოებულ ბიზნესმენს, ბაღდათის მაჟორიტარ დეპუტატს (2008-20012წწ.), თემურ კოხოძეს, 60 ათას ლარად გადასცა და მრავალმილიონიანი ინვესტიციის განხორციელება დაავალა.
კოხოძის კომპანიამ კურორტი საირმე განავითარა, მოაწყო თანამედროვე ინფრასტრუქტურა, ააშენა 4-ვარსკვლავიანი სასტუმრო, სპა და გასართობი ცენტრები.
ბოლო წლებში კურორტის განვითარება საირმის ძველ საზღვრებს გასცდა, მომიჯნავე სოფელ მამანეთში აშენდა სასროლეთი, საჯინიბო, გაფართოვდა თერმული წყლების სპაცენტრი და მას ახალი საირმე ეწოდა.
კოხოძე და მისი კომპანიები იმ პერიოდში „ნაციონალური მოძრაობის“ მსხვილი დამფინანსებლები იყვნენ.
„საერთაშორისო გამჭვირვალობა - საქართველომ” 2012 წლის 31 ოქტომბერს გამოქვეყნებულ ბლოგში ასე აღწერა საირმის გარშემო განვითარებული მოვლენები: 2010 წელს კურორტ საირმეში დაახლოებით 20-მდე ადგილობრივმა მეწარმემ, 1 კვირის განმავლობაში სახელმწიფოს საჩუქრად გადასცა უძრავი ქონება. მოგვიანებით „ნაჩუქარი” ქონების მესაკუთრედ საჯარო რეესტრში მაჟორიტარი დეპუტატის თემურ კოხოძის კომპანია დარეგისტრირდა. კოხოძე მაშინ მიწების იძულებით დათმობასთან კავშირს უარყოფდა.
ის ახლაც უარყოფს იმ ნაკვეთებით დაინტერესებას, რომლებსაც პროკურატურა საირმელ მესაკუთრეებს ედავება.
გელა სოსელია ფიქრობს, რომ მას სწორედ კურორტის მფლობელის, თემურ კოხოძის ინტერესის გამო დევნიან.
„ეჭვით ასე ვფიქრობ, მისდღემჩი დაინტერესება არ ყოფილა ამ ადგილზე, მოდავე არ გვყოლია არასდროს, მის მერე დაიწყო პროცესი და თქვენ ჩემს ადგილზე რას იფიქრებდით?!“
კოხოძე ადასტურებს, რომ სოსელიას ნაკვეთის დათმობა შესთავაზა, მაგრამ უარყოფს პროკურატურის გამოძიებასთან კავშირს. ამბობს, რომ გამოძიება პროკურატურამ 4 თვით ადრე დაიწყო, ვიდრე ის სოსელიას ნაკვეთის დათმობას სთხოვდა.
https://www.radiotavisupleba.ge/a/31953910.html#2 
როგორ დაეპატრონა ქოცკოხოძე საირმის ტყეებსა, და ვანის მთას
