ჩემი შვილი მოკლეს და ჩამოკიდეს - 16 წლის პატიმრის, მამა. შეყვარებულის ახლობლებმა ჩაუშვესო

რა მოხდა ს ი ნ ა მ დ ვ ი ლ ე შ ი ქუთაისის საპატიმროში?

"რა დაემართა ისეთი ჩემს ბავშვს, ციხეში ერთი დღის მისულმა, მეორე დილას თავი მოიკლა..."

- როდესაც გოგა ქუთაისში ციხეში გადაყავდათ, მითხრა, მამა, იქ პრობლემები მაქვსო, ვკითხე, რა ხდება-მეთქი, არადა, ვფიქრობდი, ქუთაისი უფრო ახლოს არის და უფრო ხშირად ვინახულებთ შვილს-მეთქი... ჩხუბი მოგვივიდა და ერთ-ერთს ყბა გავუტეხე, ის კი, იმ ახალ ”ზონაში” ”მაყურებელია” და ვიცი, მასთან კონფლიქტი გაგრძელდებაო. მე მაინტერესებს, დაახლოებით, დღის 3-4- საათზე მიყვანილ ჩემს ბავშვს რა დაემართა ისეთი, რომ რამდენიმე საათში, მეორე დილას თავი მოიკლა... თანაც, ციხის უფროსის სახელზე განცხადება დაწერა, ჩემს სიცოცხლეს საფრთხე ემუქრება და გთხოვთ, ცალკე კამერაში მომათავსოთო. მოათავსეს კიდეც ცალკე კამერაში, ანუ ციხის უფროსიც იყო საქმის კურსში, თუ რა ხდებოდა პატიმრებს შორის და ჩვენ რატომ არაფერი შეგვატყობინეს ან რამე ზომები რატომ არ მიიღეს?..

- როგორ ფიქრობთ, რა გახდა ტრაგედიის მიზეზი?

- ეს პატიმრები ციხის ხელმძღვანელობას ხომ აბარია, განა იმათვე არ უნდა აგონ პასუხი? თუ ციხის უფროსს მხოლოდ ხელფასის აღება ევალება?.. გოგა ჯერ მოკლეს და შემდეგ ჩამოკიდეს. მე ვნახე ჩემი შვილის ცხედარი, მე მას ვიცნობდი, ჯერ კიდევ ბავშვი იყო და ისე წვრილად, პროფესიონალურად ვერაფრით დაახვევდა ზეწარს, ისეთი წვრილი ზოლი აქვს ყელზე, მოუკვდეს მამა... ეტყობა, ჯერ შემოაკვდათ და შემდეგ ჩამოკიდეს... არ ვიცი, პატიმრებს შემოაკვდათ თუ ვის, მაგრამ ჩემი შვილი თავს არ მოიკლავდა.

http://www.kvirispalitra.ge/justice/18993-...eli-versia.html

სუბარი, ვერ გევიგე?

ერთიანი თემის პირველ პოსტში ჩავასწორებ ..