უსამართლო ხარისხი სამართლიანი უხარისხობის წინააღმდეგ

სუპერ დილემურ სიტუაციაშია ქართული საზოგადოება და ამომრჩეველი
ბიძინა ივანიშვილმა აბსოლუტურად ვიწრო პირადი ინტერესებიდან გამომდინარე წამოაყენა აბსოლუტურად უხარისხო კანდიდატურა გამომდინარე იქიდან რომ მხოლოდ ასეთი უხარისხო კანდიდატურა იქნებოდა აბსოლუტურად მართვადი. დღევანდელმა დღემ ეს ცალსახად დაადასტურა.

ხალხს აქვს სრულიად დაუმსახურებელი არჩევანი: ერთის მხრივ უსამართლო, ცუდი პოლიტიკური წარსულის მქონე მაგრამ ხარისხიანი კანდიდატი ბურჯანაძის და ბაქრაძის სახით და მეორეს მხრივ შედარებით სამართლიან პოლიტიკურ პლატფორმაზე მდგარი მაგრამ აბსოლუტურად უხარისხო კანდიდატი მარგველაშვილის სახით.

საკითხი დგას ასე: გავაკეთოთ არჩევანი სიმართლესა თუ ხარისხს შორის?

გავყვეთ:
რაში გვარგია ხარისხი? ამ საპრეიდენტო უფლებამოსილებებით თითქმის არაფერში, მეტიც, მეტი პოლიტიკური დემაგოგიის, მასაზე მანიპულირების და უკეთესად წარმოებული საგარეო ვოიაჟების სახით მხოლოდ.

რაში გვარგია სამართლიანობა? ისიც პირობით: არც ეს არაფერში პრინციპში, ეს სამართლიანობა არის პირობითი და მოჩვენებითი რადგან არის მართვადი. მართვადი კანდიდატი თუნდაც მართალი კაცის მხრიდან მართული სამართლიანად ვერ ჩაითვლება. არადა ხალს არ სურს უსამართლო, საშინელი პოლიტწარსულის მქონე კანდიდატურაც.

რა უნდა ქნას ხალხმა, ამომრჩეველმა?
ივანიშვილო რა დილემის წინაშე დააყენე ხალხი, ესაა ხალხის და ქვეყნის სიყვარული?

სუპერ დილემა სინამდვილეში სუპერ ტრივიალურია

მთავარია, ვინ იქნება შემდეგი პრემიერი. პრეზიდენტი არაფერია