ჩემი მრწამსი, გამოკითხვა ქრისტიანებისთვის

მინდა რომ ყველა ქრისტიანმა დააფიქსიროს თავისი აზრები სხვადასხვა ფუნდამენტურ საკითხებზე თავის მრწამსთან დაკავშირებით.

რომელ ”კონფესიას” მივეკუთვნები?
1) მართლმადიდებელი ეკლესიის წევრი
2) ლუთერანელი
3) ბაპტისტი
4) იეჰოვას მოწმე
5) გნოსტიკოსი
6) კათოლიკური ეკლესიის წევრი
7) ორიენტარული ეკლესიის წევრი
8) ნესტორიანელი
9) ორმოცდაათიანელი
10) უკონფესიო
11) სხვა

ღმერთი არის:
1) უპიროვნო არსება
2) ღვთაებრივი არსის მქონე 1 პიროვნება.
3) ღვთაებრივი არსის მქონე 3 პიროვნება.
4) სხვა პასუხი

სულიწმინდა არის:
1) ღმერთის ძალა
2) ღვთაებრივი არსის მქონე ერთ ერთი პიროვნება.
3) სხვა პასუხი.

ძის მორჩილება:
1) ძე ემორჩილება მამას იმიტომ რომ მამა მასზე მეტია იერარქიულად
2) ძე სიყვარულით ემორჩილება მამას
3) ძე იმიტომ ემორჩილება მამას, რომ ჩვენ დაგვანახოს მორჩილების მაგალითი
4) სხვა პასუხი

იესო ქრისტე არის:
1) ადამიანი, რომელშიც ღმერთი მკვიდრობდა.
2) ადამიანი, წინასწარმეტყველი და მქადაგებელი.
3) ადამიანად შობილი ღმერთი, რომელსაც ღმერთობა არ დაუკარგავს.
4) მთავარანგელოზი მიქაელი, რომელიც ადამიანად იშვა.
5) სხვა პასუხი.

იესო ქრისტეს ბუნება და არსი:
1) 2 არსი(ბუნება): იგი არის ღმერთიც და ადამიანიც, შესაბამისად მას აქვს 2 ბუნება: ღვთაებრივი და ადამიანური.
2) მხოლოდ ღვთაებრივი, რომელმაც ილუზორულად ადამიანური სახე მიიღო.
3) ღვთაებრივი და ადამიანური ბუნებების შერევით მიღებული ღმერთკაცური არსი და ბუნება.
4) 2 არსი მაგრამ 1 ბუნება: იგი არის ღმერთიც და ადამიანიც, მაგრამ აქვს ერთი, განკაცებული ღმერთის ბუნება.
5) მხოლოდ ადამიანური, რომელშიც ღმერთი მკვიდრობდა როგორც ტაძარში.
6) ღმერთკაცური, ანუ იგი იყო ადამიანური სხეულის მქონე ღმერთი, რომელშიც სულის ადგილს ღმერთი იკავებდა.
7) სხვა პასუხი

იესო ქრისტეს ნება:
1) მას გააჩნდა 2 ნება, ადამიანური და ღვთაებრივი. (ბუნებითი ნებები)
2) მას გააჩნდა 1 პიროვნული ადამიანური ნება.
3) მას გააჩნდა 2 ნების შერევით მიღებული 1 ნება
4) მას მხოლოდ ღვთაებრივი ნება ჰქონდა
5) მას ჰქონდა 1 პიროვნული (ღმერთკაცური) ნება.
6) სხვა პასუხი

იესო ქრისტეს სხეული:
1) გაუხრწნელი იყო დაბადებიდანვე (ღვთაებრივთან შეერთების გამო)
2) გაუხრწნელი იყო, იმიტომ რომ ადამის ცოდვით დაცემამდელი ბუნება მიიღო.
3) ხრწნადი იყო აღდგომამდე. აღდგომის შემდეგ კი უხრწნელი გახდა.
4) მისი სხეული არაფრით არ განსხვავდებოდა ჩვეულებრივი ადამიანების სხეულისაგან, ანუ გახრწნადი იყო.
5) სხვა პასუხი.

იესო ქრისტეს ვნებანი
1) ქრისტეს (მხოლოდ) ადამიანურ ბუნებას ტკიოდა, შიოდა, განიცდიდა და ა.შ.
2) ქრისტეს პიროვნებას ტკიოდა, შიოდა, განიცდიდა და ა.შ.
3) ქრისტეს ვნებები წარმოსახვითი იყო.
4) სხვა პასუხი.

მარიამი იყო:
1) ადამიანი ქრისტეს მშობელი
2) განკაცებული ღმერთის(ღმერთკაცის) მშობელი
3) ქრისტეს ადამიანური ბუნების(ჰიპსოტასის) მშობელი
4) სხვა პასუხი

მარიამის ქალწულობა:
1) ჰქონდა მშობიარობამდე. მშობიარობით დაკარგა.
2) მარად ქალწულად დარჩა.
3) ჰქონდა მშობიარობამდე და მშობიარობის შემდეგაც, მაგრამ შემდეგ იოსებმა შეიცნო იგი და ბუნებრივად დაკარგა.
4) სხვა პასუხი.

რა არის ეკლესია?
1) ქრისტეს ჭეშმარიტ მორწმუნეთა ერთობლიობა
2) კონკრეტული ქრისტიანული რელიგიური ორგანიზაცია, რომელიც შეუცვლელად იცავს ქრისტეს მოძღვრებას, საკრებულოების ერთიანობა ან ცალკეული მისი ადგილობრივი სტრუქტურული ერთეულები.
3) სხვა პასუხი

ქრისტე აღსდგა:
1) ფიზიკურ სხეულში, მაგრამ შეცვლილში
2) სულიერ სხეულში
3) იგივე სხეულში, რა სხეულიც ჰქონდა სიკვდილამდე. (ქრისტეს სხეული არ შეცვლილა)
4) სხვა პასუხი

იესო ქრისტეს ცოდნა
1) მან ყველაფერი იცის იმიტომ რომ ღმერთია, მაგრამ არ ამბობს კონკრეტული მიზეზების გამო.
2) მისმა ადამიანურმა ბუნებამ არ იცის მეორედ მოსვლის ჟამის შესახებ, მაგრამ ღვთაებრივმა იცის
3) მან არ იცის მეორედ მოსვლის ჟამის შესახებ, იმიტომ რომ იგი სრულყოფილი ადამიანია
4) იგი ღმერთის სიტყვაა, და მხოლოდ ის იცის, რის გამხელაც სურს ღმერთს.
5) მან არ იცოდა მეორედ მოსვლის ჟამის შესახებ მხოლოდ დედამიწაზე ყოფნის დროს, იმიტომ რომ ნებაყოფლობით შეუზღუდა ადამიანური ცოდნა, აღდგომის შემდეგ კი სრულყოფილი ცოდნა დაუბრუნდა.
6) სხვა პასუხი

ეს ყველა კითხვა არ არის, მოგვიანებით კიდევ ჩავამატებ კითხვებს.

This post has been edited by logos on 22 Jan 2014, 19:51

5)უზენაესი მდგომარეობით სამ ჰიპოსტასში გამოხატული ერთი არსება.

ჭეშმარიტი ღმერთი.

2) ძე სიყვარულითა და ნებაყოფლობით ემორჩილება მამას, მამა ძეზე დიდია.

იესო ებრაელი კაცია, ქრისტე ღმერთია იესო ქრისტე კი ებრაელ კაცად შობილი ღმერთი.

ორბუნოვანი კაცობრივი და ღვთაებრივი, მასში ამ ორი ბუნების ჰარმონიული შერწყმა მოხდა, თუმცა არა შერევა, აღრევა.

მას როგორც ჰიპოსტასს აქვს საკუთარი ნება.

ხორციელი სხეული უხრწნელ უბერებელი არ ქონდა ვინაიდან მონის ხატებით იყო შემოსილი, სულიერი სხეული უხრწნელი აქვს.

ქრისტე განიცდიდა ყოველგვარ ვნებასა და ტკივილს ისევე როგორც ნებისმიერი ადამიანი.

მარიამი არის ღვთისმშობელი.

მარადქალწულია.

რელიგიური ნიშნით გაერთიანებულ ადამიანთა კრებული.

ფიზიკურ სხეულში რომელიც მოგვიანებით დიდებით შეიმოსა.

ღვთაებრივი ბუნებით ყოვლისმცოდნეა.

უკონფესიო

ღვთაებრივი არსის მქონე 3 პიროვნება.

მამის და ძის ღვთაებრივი სული. ღვთაებრივი არსის მქონე პიროვნება.

ძე მამის თანასწორია არსით და ბუნებითად, იგი სიყვარულით ემორჩილება მამას, ამავე დროს გვანახებს უფლისადმი მორჩილების მაგალითს.

ადამიანად შობილი ღმერთი, რომელსაც ღვთაებრიობა არ დაუკარგავს.

იგი არის ღმერთიც და ადამიანიც, მაგრამ აქვს ერთი, განკაცებული ღმერთის ბუნება.(2 არსი და 1 ბუნება)

გააჩნდა 1 პიროვნული(ჰიპოსტასური) ნება.

გაუხრწნელი იყო დაბადებიდანვე (ღვთაებრივთან შეერთების გამო)

ქრისტეს პიროვნება განიცდიდა ადამიანურ ვნებულებებს(არაცოდვისეულს), არა ბუნების აუცილებლობით და განწირულობით, არამედ ნებაყოფლობითი დაშვებით.

განკაცებული ღმერთის მშობელი

პასუხი არ მაქვს...

ქრისტეს ჭეშმარიტ მორწმუნეთა ერთობლიობა კონფესიური მიკუთვნების მიუხედავად.

იგივე სხეულში, რა სხეულიც ჰქონდა სიკვდილამდე. ქრისტეს სხეული არ შეცვლილა, უბრალოდ ქრისტეს ღვთაებრიობის სრულად გამოვლენის გამო იგი "გასხივოსნდა" ისევე როგორც ფერისცვალების დროს.

ქრისტეს არასოდეს დაუკარგავს ყოვლისმცოდნეობა, უბრალოდ მან არ გამოავლინა ეს ცოდნა, ნებაყოფლობით თქვა ამაზე უარი კაცად ყოფნის დროს, ისევე როგორც ნებაყოფლობით ევნო, ეწამა, იტანჯა, მოკვდა

This post has been edited by logos on 23 Jan 2014, 01:01