ქობულეთში მომხდარი ავტოავარიის შედეგად 3 ადამიანი, გარდაიცვალა

ქობულეთში მომხდარი ავტოავარიის შედეგად 3 ადამიანი გარდაიცვალა
12:39 01.12.2013
"პირWელის" ინფორმაციით, არასამგზავრო დანიშნულების 2 მიკროავტობუსი ქობულეთი-გურიის დამაკავშირებელ ცენტრალურ მაგისტრალზე ერთმანეთს შეეჯახა.

შემთხვევის შედეგად, გარდაცვლილებთან ერთად, არიან დაშავებულებიც.

ავარიის დროს დაზარალებული 4 ადამიანი სასწრაფო სამედიცინო დახმარების ბრიგადის წარმომადგენლებმა ადგილობრივ საავადმყოფოში გადაიყვანეს და მათ სიცოცხლეს საფრთხე არ ემუქრება.

ავტოსაგზაო შემთხვევის გამომწვევი ზუსტი მიზეზი ჯერჯერობით უცნობია. როგორც "პირWელს" შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდარზე უკვე აღძრულია სისხლის სამართლის საქმე.

გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.


http://pirweli.com.ge/?menuid=11&id=50712

გუშინ გავიარე მაქ და ვნახე... მეორე მარშუტკა ისეთი დალეწილი იყო, რო ვერ ვიცანი მანქანა... მანდარინებუს ყუთები ეწყო შავს... თეთრის სალონი ისეთი გადაფურჩქნული იყო კი გავიფიტრე, საწყალი ალბათ დაიღუპა მეთქი. ძალიან ცუდი ამინდი იყო და ისე წვიმდა, მინის საწმენდი ძლივს ასწრებდა გაწმენდას, არ ჩანდა არაფერი.

ღმერთმა ნათელში ამყოფოს მათი სულები...

იქნებ დააჩქარონ ამ მაგისტრალების მშენებლობა, ერთი ასად შემცირდება ავარიები.

ეგ ძალიან ცუდი მონაკვეთია თებერვალში მთელი ოჯახი დაიღუპა მაგ ადგილას

იარეთ ნელაა, ნუთუ ასე ძნელია?
ქალაქის ცენტრალურ ქუჩებზე 60 კმ რატომაა შეზღუდვაო, ზოგი ჩივის
60 კი არა, 40 უნდა იყოს შეზღუდვა.
მე საშუალოდ ქალაქში 45-50 კმ/საათში სიჩქარით დავდივარ, არსად არ ვაგვიანებ.
ერთი ჯარიმაც არ მომსვლია, ყველა წუწუნებს ჩემს გარშემო, ნუ დაარღვევთ და არც თქვენ მოგივათ.

ამას გარდა ეკონომიასაც აკეთებთ საწვავის, ქალაქის ეკოლოგიასაც ნაკლებ ზიანს აყენებთ და ზოგადად, უფრო კომფორტულია ქალაქში ცხოვრება. რატომ არ ისმის ევროპის ქალაქებში მანქანების ხმა, იმიტომ, რომ იქ შეზღუდვებია სიჩქარეზე.

ისწავლეთ ნელა სიარული!

საშინელი გზაა მანდ..მეზიზღება მაგ გზაზე მგზავრობა...მანდ რო ლამის გამიტანა სუბარუს მძღოლმა მაგის მერე მაქვს ნერვოზი და შიში.

ძალიან მომრავლდა ვიდეო კონტროლი და მივესალმები ამ ფაქტს. იმის მომხრეც ვარ, რომ გაასამმაგონ ჯარიმები სიჩქარის გადაჭარბებაზე და სიმთვრალეზე.
ერთი ბეწოა ეს ქვეყანა და დღე არ გავა საშინელი ავარია არ მოხდეს.

ეს მიკროავტობუსები ხო მოუშორებელი ჭირია



სადაა ავტობუსები...რატო გააქრეს?