მობილური ტელეფონიდან დაკარგული ინფორმაციის, აღდგენა უკვე შესაძლებელია

მობილური ტელეფონიდან დაკარგული ინფორმაციის აღდგენა უკვე შესაძლებელია

მობილური ტელეფონიდან დაკარგული ინფორმაციის აღდგენა უკვე შესაძლებელია ნებისმიერი მობილური ტელეფონიდან დაკარგული ან წაშლილი ინფორმაციის აღდგენა უკვე შესაძლებელია. ექსპერტიზის ეროვნული ბიურო მოქალაქეებს სთავაზობს 3400-მდე დასახელების მობილური ტელეფონიდან და სიმ ბარათიდან წაშლილი მნიშვნელოვანი ინფორმაციის აღდგენასა და ამოღებას.
"საქართველოში მხოლოდ ჩვენთან, მობილური ტელეფონის გამოშვების თარიღის, ფირმის და პარამეტრების მიუხედავად, ექსპერტიზის ეროვნული ბიუროს საინფორმაციო ტექნოლოგიების და კომპიუტერული ექსპერტიზის ლაბორატორიის ახალი ხელსაწყოს UNIVERSAL FORENSICS EXTRACTION DEVICE (UFED) დახმარებით, შესაძლებელია წაშლილი კონტაქტების, მოკლე ტექსტური შეტყობინებების, ფოტო, ვიდეო და აუდიო ფაილების აღდგენა", - აცხადებენ ექსპერტიზის ეროვნულ ბიუროში.
ამ სერვისს ექსპერტიზის ეროვნული ბიურო ნებისმიერ მსურველს სთავაზობს. ექსპერტიზის ეროვნულმა ბიურომ ახალი მოდული - UFED CHINEX რამდენიმე თვის წინ შეიძინა, რომლის მეშვეობითაც ჩინური წარმოების ტელეფონებიდანაც შესაძლებელია წაშლილი და დაზიანებული ინფორმაციის აღდგენა და ამოღება.
სერვისის ფარგლებში შესაძლებელია: მობილური ტელეფონიდან და სიმბარათებიდან ინფორმაციის ამოღება და აღდგენა; სიმ-ბარათიდან მოკლე ტექსტური შეტყობინების ამოღება; მობილური ტელეფონიდან წაშლილი მოკლეტექსტური შეტყობინების აღდგენა და ამოღება; მობილური ტელეფონიდან კონტაქტების ამოღება; სიმ-ბარათიდან კონტაქტების ამოღება; მობილური ტელეფონიდან წაშლილი კონტაქტის აღდგენა და ამოღება; მობილური ტელეფონიდან ფოტო გამოსახულების ან ხმოვანი ფაილის ამოღება; მობილური ტელეფონიდან წაშლილი ფოტოგამოსახულების ან ხმოვანი ფაილის აღდგენა და ამოღება; მობილური ტელეფონიდან განხორციელებული, მიღებული, გამოტოვებული ზარების ამოღება; მობილური ტელეფონიდან წაშლილი განხორციელებული, მიღებული, გამოტოვებული ზარების აღდგენა და ამოღება.
სერვისის შესრულებას დაჩქარებული წესით 5 სამუშაო დღე სჭირდება, ხოლო ჩვეულებრივი წესით 30 სამუშაო დღე.
მობილური ტელეფონიდან და სიმ-ბარათებიდან ინფორმაციის ამოღებისა და აღდგენის სერვისის შესასრულებლად ექსპერტიზის ეროვნულმა ბიურომ ახალი ულტრათანამედროვე აღჭურვილობა UNIVERSAL FORENSICS EXTRACTION DEVICE (UFED) შეიძინა. აღსანიშნავია, რომ ჩვენი ლაბორატორია ერთადერთია საქართველოში, ვინც ამ ხელსაწყოს ფლობს. იგი სპეციალურად არის განკუთვნილი საექსპერტო სერვისების შესასრულებლად. საინფორმაციო ტექნოლოგიების და კომპიუტერული ექსპერტიზის ლაბორატორიის თანამშრომლებმა სპეციალური ტრენინგი გაიარეს, რომელიც აშშ-დან მოწვეულმა ტრენერებმა ჩაატარეს ამ მოწყობილებებთან მუშაობის შესასწავლად.
სსიპ ლევან სამხარაულის სახელობის სასამართლო ექსპერტიზის ეროვნული ბიუროს საინფორმაციო ტექნოლოგიების და კომპიუტერული ექსპერტიზის დეპარტამენტი, ციფრული მოწყობილობებიდან ინფორმაციის ამოღება/აღდგენისა და დამუშავების მიმართულებით, მომხმარებელს ოცი სხვადასხვა სახის ექსპერტიზას სთავაზობს.
2014 წლისთვის დეპარტამენტი ახალი ტექნიკით აღიჭურვება, რაც მას მისცემს შესაძლებლობას GPS მოწყობილობებში მონაცემების ფიზიკური კვლევა, მათ შორის (Garmin, Magellan, Navmap) ჩაატაროს და დაადგინოს ციფრული მოწყობილობის ადგილმდებარეობა, კავშირი.

http://www.interpressnews.ge/ge/sazogadoeb...adzlebelia.html

This post has been edited by tintoreto on 4 Dec 2013, 13:48

ყვარყვარეს სიას მიაწერეთ




და პოლიტიკიდან გადაიტანეთ