უკრაინის მოვლენებთან დაკავშირებულ დეკლარაციას, ნაც-ების გარეშე მიიღებენ (გენაცვალეთ!)

უკრაინაში მიმდინარე მოვლენებთან დაკავშირებულ დეკლარაციას "ნაციონალური მოძრაობის" წევრების გარეშე მიიღებენ
11-12-2013, 18:53
წაკითხულია: 17


განცხადებას უკრაინაში მიმდინარე მოვლენების შესახებ, რომელსაც სხდომაზე დღეს დაპირისპირებაც მოჰყვა, პარლამენტი, სავარაუდოდ, მაინც მიიღებს. უმრავლესობამ დადგენილების საკუთარი პროექტი წარადგინა. უმცირესობის განცხადებით, დოკუმენტში არ არის გაწერილი რუსეთის ფაქტორი. ის მოითხოვს, აღინიშნოს, რომ უკრაინაში მიმდინარე მოვლენები რუსეთს უკავშირდება და მისი დესტრუქციული ქმედებების შედეგია. შენიშვნები უმრავლესობას უკვე გადაეგზავნა. აქტიურად მიმდინარეობს კონსულტაციები.

უმრავლესობა მიიჩნევს, რომ ყველაზე მნიშვნელოვანია, ქართულმა მხარემ, მხარდაჭერა გამოხატოს მოძმე ხალხის, ევროატლანტიკური სივრცის მიმართ.

პარლამენტში, უკრაინაში მიმდინარე მოვლენებთან დაკავშირებულ დეკლარაციას, დღესვე, "ნაციონალური მოძრაობის" წევრების მონაწილეობის გარეშე მიიღებენ. შეგახსენებთ, რომ "ნაციონალურმა მოძრაობამ", პლენარულ სხდომაზე მომხდარი ინციდენტის გამო დარბაზი დატოვა.



http://timer.ge/15257-ukrainashi-mimdinare...-miigheben.html

პარლამენტმა უკრაინაში მიმდინარე მოვლენებთან დაკავშირებით განცხადება მიიღო
21:15 11-12-2013
საქართველოს პარლამენტმა უკრაინაში მიმდინარე მოვლენებთან დაკავშირებით განცხადება მიიღო.
განცხადება პარლამენტის დღევანდელ პლენარულ სხდომაზე დეპუტატებმა 86 ხმით არც ერთის წინააღმდეგ მიიღეს.
"საქართველოს პარლამენტი, უცხადებს რა სრულ სოლიდარობას არჩევანის თავისუფლებისთვის მებრძოლ უკრაინელ ხალხს, ღრმა შეშფოთებას გამოთქვამს ბოლო დროს განვითარებული მოვლენებისა და მშვიდობიანი მოქალაქეების წინააღმდეგ გამოყენებული ძალადობის გამო.
საქართველოს პარლამენტი მხარს უჭერს უკრაინელი ხალხის ნებას გახდეს ევროპული ოჯახის სრულფასოვანი წევრი და სჯერა, რომ მიუხედავად არსებული პრობლემებისა საქართველოც და უკრაინაც ღირსეულ ადგილს დაიკავებს საერთაშორისო დემოკრატიული თანამეგობრობის სივრცეში.
საქართველოს პარლამენტი მიესალმება საერთაშორისო თანამეგობრობისა და დემოკრატიული სამყაროს ძალისხმევას აღმოსავლეთ პარტნიორობის ქვეყნების მხარდაჭერისა და მათი სუვერენიტეტის დაცვის მიზნით და აცხადებს, რომ ევროპული ინტეგრაციის პროცესში ამ ქვეყნებს უნდა ჰქონდეთ ხელუყოფელი არჩევანის გაკეთების თავისუფლება და რუსეთს, ან ნებისმიერ სხვა ქვეყანას არ აქვს უფლება ჩაერიოს აღნიშნულ პროცესში.
საქართველოს პარლამენტი ასევე მიესლამება ევროკავშირისა და უკრაინის ძალისხმევას განახლდეს მხარეებს შორის მოლაპარაკებები ასოცირებისა და ღრმა და ყოვლისმომცველი თავისუფალი ვაჭრობის სივრცის შესახებ შეთანხმების ხელმოწერის თაობაზე და ამ მიმართულებით შესაბამისი პრობლემების დროულად მოგვარების მიზნით. გვჯერა, რომ უკრაინის პოლიტიკური ლიდერები გამონახავენ ღირსეულ, მშვიდობიან და ხა