ჟურნალ "ფორბსის" მილიარდერების რეიტინგის თანახმად, 2013 წლის მარტის მდგომარეობით, ბიძინა ივანიშვილის ქონება 5.3 მილიარდ დოლარს შეადგენს. 2012 წელს კი, მისი ქონება 6,4 მილიარდ დოლარს შეადგენდა. ქონების კლების გამო, ბიძინა ივანიშვილმა 2013 წელს რეიტინგში 153-ე ადგილიდან 229-ე ადგილზე გადაინაცვლა. ბიძინა ივანიშვილის ყველაზე დიდი რაოდენობით ერთჯერადად გაცემული დახმარება დოლარში 56 500 აშშ დოლარს შეადგენდა, ხოლო ლარში - 116 250 ლარს. ექსპრემიერმა გასულ წელს 15 609 470 ლარის შემოწირულობა გასცა. როგორც ივანიშვილის დეკლარაციაშია მითითებული, შარშან მილიარდერის მიერ მომსახურების ღირებულებაზე დახარჯულმა თანხებმა 74 147 ლარი და 36 048 ევრო შეადგინა. გარდა ამისა, შარშან, ყოფილმა პრემიერმა 89 176 ლარი დახარჯა საინფორმაციო მომსახურებაზე, 296 000 ევრო - სატრანსპორტო მომსახურებაზე, 124 201 ლარი - კომუნალურ მომსახურებაზე, 84 779 ლარი - იურიდიულ მომსახურებაზე, 2 971 233 - საგადასახადო ვალდებულებების შესრულებაზე, ხოლო გადახდილ ჯარიმაზე - 48 400 000 აშშ დოლარი.
რაც შეეხება შემოსავალს, 2013 წლის პირველი იანვრიდან 31 დეკემბრამდე ბიძინა ივანიშვილის მიერ დეკლარაციაში მითითებულმა შემოსავალმა 56 120.00 აშშ დოლარი და 79 710 022 ლარი შეადგინა.
აქედან, 79710022 ლარი ყოფილი პრემიერ-მინისტრის მიერ დეკლარირებულია როგორც ჯარიმის დაბრუნებით მიღებული შემოსავალი, ხოლო 56 120 აშშ დოლარი დარიცხული პროცენტით მიღებული შემოსავალია. შედარებისათვის, 2012 წელს ბიძინა ივანიშვილმა დარიცხული პროცენტით 75 845 აშშ დოლარი მიიღო.
აღსანიშნავია, რომ 2013 წელს ბიძინა ივანიშვილმა პრემიერ-მინისტრის მოვალეობის შესრულებისთვის 9423,91 ლარის ანაზღაურება მიიღო.
რაც შეეხება ყოფილი პრემიერის აქტივებს, როგორც წარდგენილი დეკლარაციიდან ირკვევა, ყველაზე მეტი, 6 020 000 აქცია ბიძინა ივანიშვილს კომპანია Rolls Royce Hld. Shs.--ში აქვს, რომელთა ფასი მითითებული არ არის. რაოდენობით მეორე ადგილზეა ქართული "პროგრესბანკის" აქციები - ყოფილ პრემიერი "პროგრესპანკის" 3 794 500 აქციას ფლობს (თითო აქციის ღირებულება - 1 ლარი).
ბიძინა ივანიშვილი ასევე ფლობს 2,3 მილიონ აქციას ბრიტანულ ფონდში AXA Framlington Units Class, საერთო ღირებულებით 3 მილიონი დოლარი.
ფონდში J O Hambro Capital Management Umbrella ბიძინა ივანიშვილს 2,5 მილიონ აქცია აქვს საერთო ღირებულებით 6,5 მილიონი დოლარი, ხოლო ბრიტანულ ფონდში CF Lindsell Train – 1,1 მილიონ აქცია საერთო ღირებულებით 2,2 მილიონი დოლარი.
ყველაზე მეტი კაპიტალი გასულ წელს ბიზნესმენმა ფარმაცევტულ ბიზნესში ჩადო. ბიძინა ივანიშვილს აქვს 1,2 მილიონი აქცია Raptor Pharmaceutical-ში, რომელთა საერთო ღირებულება 16,7 მილიონი ევროა. ბიზნესმენი ფლობს ისეთი ცნობილი კომპანიების აქციებს როგორიცაა Volkswagen (ნახევარი მილიონი დოლარის ღირებულების 2 700 აქცია), Goldman Sachs ( 4,2 მილიონი დოლარის ღირებულების 250 ათასი აქცია) და Apple (1,3 მილიონი დოლარის 2 400 აქცია), Gოოგლე (1,2 მილიონი დოლარის 1 100 აქცია).
ბიძინა ივანიშვილს აქციები აქვს სასტუმროების ქსელებშიც - მაგალითად, Intercontinental Hotels-ში და ასევე, აქვს ფასიანი ქაღალდები დასავლურ ბანკებში. მათ შორის, Barclays-ში და EUTSCHE BANK - ში.
რაც შეეხება მილიარდერის საბანკო ანგარიშებს, მას აქვს საბანკო ანგარიშები როგორც ქართულ, ისე უცხოურ ბანკებში: ბანკი "ქართუ" - 84 679 ლარი, 4 155 ევრო, 305 665 აშშ დოლარი; სს კბ რასია - 203 478 ევრო, 10 1223 აშშ დოლარი;
Raiffeisen Centrobank AG - 341 იაპონური იენი, 8 083 შვეიცარიული ფრანკი, 2 687 944 ევრო, 2 560 926 აშშ დოლარი, 1 973 736 ფუნტი სტერლინგი, 136 022 უნგრული ფორინტი, 3 838 680 თურქული ლირა; Coutts TPMS Main Capital - 13 280 აშშ დოლარი, 393 116 ევრო, 155 678 რუსული რუბლი; Coutts TPMS Main Capital – 89 215 ევრო, 227 586 ფუნტი სტერლინგი, 17 753 895 აშშ დოლარი; BlackRock Institutional Liquidity Fund – 10 000 000 აშშ დოლარი.
საქართველოს ყოფილი პრემიერ-მინისტრი, ბიზნესმენი ბიძინა ივანიშვილი 2013 წელს 1 334 568 აშშ დოლარის ღირებულების Apple Inc. Shares -ის აქციების მფლობელი გახდა.
ქონებრივი დეკლარაციის მიხედვით, რომელიც მან კანონის შესაბამისად 2013 წლის ბოლოს, 31 დეკემბერს ჩააბარა, ივანიშვილმა Apple Inc. Shares -ის 2400 აქციის მფობელია. თითოეული აქციის ღირებულება 556.07 აშშ დოლარია.
ივანიშვილს წინა, 2012 წლის ქონებრივ დეკლრაციაში Apple-ის აქციები არ ფიგურირებს.
http://exclusivenews.ge/?page=view&artid=1601 
ბიძინა ივანიშვილის ქონებრივი დეკლარაცია, 2013 წლის
