მართალი რომ ვთქვა, თუ ეს ფაქტი ნამდვილია, მე საკმაოდ შემძრა და ყველას ასევე გულზე მოხვდებოდა, ვინც ოდესმე 1 დღით მაინც ყოფილა მშიერი.
http://ick.ge/articles/17057-i.html 21 წლის ახალგაზრდა, რომელსაც ჯანმრთელობასთან დაკავშირებული პრობლემები აქვს, უკვე 5 თვეა პატიმრობაშია სოფელ სამრეკლოს ეკლესიიდან 68 ლარის ქურდობის გამო. ბრალდებული აღიარებს, რომ მშიერი იყო და მოპარული ფულით პური და ძეხვი იყიდა, თანხის ნაწილი კი პოლიციელებმა ჯიბიდან ამოუღეს. სიღნაღის სასამართლო უკვე მესამე თვეა საქმეს იხილავს. ბრალდებულს 6–დან 10 წლამდე თავისუფლების აღკვეთა ემუქრება. დაზარალებულად ხორნაბუჯისა და ჰერეთის ეპისკოპოსი, მელქისედეკ ხაჩიძეა ცნობილი.
დედოფლისწყაროს რაიონის სოფელ სამრეკლოს ეკლესიის გაქურდვის ფაქტზე სისხლის სამართლის საქმე 2012 წლის 9 აგვისტოს აღიძრა. პოლიციამ, ამავე სოფელში მცხოვრები 21 წლის ახალგაზრდა მაშინვე დააკავა. ის ექვსშვილიანი ოჯახის წევრია. ოჯახი სოციალურად დაუცველია. ისინი სოფელში, ყოფილი აბანოს შენობაში, მძიმე პირობებში, ბეტონზე ცხოვრობენ მცირეწლოვან ბავშვებთან ერთად.
საქმის მასალების მიხედვით, სამართალდამცავებმა დაკავებულის ჩხრეკისას დანა და ეკლესიიდან მოპარული თანხის ნაწილი ამოიღეს.
„ეკლესიიდან ფული რომ გამოიტანა, როგორც კი დაიჭირეს, მაშინვე აღიარა. როცა ჰკითხეს რატომ წამოიღეო, მშიოდა, ძეხვი და პური ვიყიდეო, დანარჩენი კი ჯიბეში მიდევსო“,– იხსენებს ბრალდებულის მეზობელი.
21 წლის მამაკაცი წარსულში, ორჯერ იყო ნასამართლევი ქურდობისთვის, მათ შორის ერთხელ 20 ლარის ღირებულების ჯართის ქურდობისთვის და პირობითი მსჯავრი მოხსნილი არ ჰქონდა. ამ გარემოების გამო პროკურატურამ მას ბრალი სისხლის სამართლის კოდექსის 238–ე პრიმა მუხლის მეორე ნაწილის „ბ“ პუნქტით და ასევე სსკ–ის 177–ე მუხლის მეორე და მეოთხე ნაწილის „გ“ ქვეპუნქტით წაუყენა:
(21 წლის ასაკს მიუღწეველი ან ნასამართლობის მქონე ან/და ნარკოტიკების მოხმარებისათვის ადმინისტრაციულ სახდელდადებული პირის მიერ ცივი იარაღის ტარება; იმის მიერ, ვინც ნასამართლევი იყო განზრახი მძიმე ან განსაკუთრებით მძიმე დანაშაულის ჩადენისათვის, – ისჯება ჯარიმით ან თავისუფლების აღკვეთით ვადით ორ წლამდე;
ქურდობა – ჩადენილი სადგომში ან სხვა საცავში უკანონო შეღწევით, იმის მიერ, ვინც ორჯერ ან მეტჯერ იყო ნასამართლევი სხვისი ნივთის მართლსაწინააღმდეგო მისაკუთრებისათვის ან გამოძალვისათვის – ისჯება თავისუფლების აღკვეთით ვადით ექვსიდან ათ წლამდე);
მეექვსე თვე დაიწყო, რაც 21 წლის მამაკაცი, რომელსაც როგორც აღვნიშნეთ ჯანმრთელობასთან დაკავშირებით პრობლემები აქვს, 68 ლარის ქურდობის გამო, წინასწარ პატიმრობაში იმყოფება.
ბრალდებულის დედის მაია ფოცხვერაშვილის თქმით, 6 იანვარს გამართულ სასამართლო პროცესზე ნახა, რომ მის შვილს ერთი თითი დაზიანებული ჰქონდა.
„პროცესზე ჩემმა შვილმა თქვა, რომ ციხეში ცემენ. ბადრაგი აჩუმებდა. პროცესის მერე მე გონება დავკარგე, გული გამიხდა ავად, ისეთი რაღაცეები თქვა ჩემმა შვილმა, თან ნახევარი თითი აღარ ჰქონდა“, – განუცხადა კახეთის საინფორმაციო ცენტრს ბრალდებულის დედამ.
სასჯელაღსრულების სამინისტროს განმარტებით, 2014 წლის 5 იანვარს, ბრალდებულმა და მისმა თანამესაკნემ ფსიქოტროპული მედიკამენტები მოითხოვეს, რაზეც მათ სასჯელაღსრულების N8 დაწესებულების ადმინისტრაციამ უარი უთხრა.
„ამის საფუძველზე გაბრაზებულმა ბრალდებულმა ხელი კედელს მიარტყა, რა დროსაც თითი დაიზიანა. ფაქტთან დაკავშირებით შესაბამისი ოქმი შედგა. რაც შეეხება მისი ფიზიკური შეურაცხყოფის ფაქტს, ასეთი რამ დაწესებულებაში არ მომხდარა,“ – განაცხადეს სამინისტროში.
ბრალდებულს სახაზინო წესით დანიშნული ადვოკატი იცავს. დამცველის, თამაზ გურაშვილის თქმით, ის აპირებს სასამართლოს მიმართოს შუამდგომლობით, რომ ბრალდებულის სამედიცინო შემოწმება მოხდეს. „შთაბეჭდილებას ტოვებს, რომ ფსიქიკურად არის ავად. თუ დადასტურდა, რომ შეურაცხადია, მაშინ მას პასუხისმგებლობა არ უნდა დაეკისროს“, – განუცხადა ადვოკატმა კახეთის საინფორმაციო ცენტრს.
კითხვაზე, რატომ არ დანიშნა ბრალდებულის სამედიცინო შემოწმება გამოძიების პროცესში პროკურატურამ, სიღნაღის რაიონული პროკურატურის პროკურორმა ირაკლი მინაშვილმა განმარტა: „სისხლის სამართლის საქმეში არის დოკუმენტი ფსიქო – ნევროლოგიური კაბინეტიდან, სადაც აღნიშნულია, რომ ბრალდებული აღრიცხვაზე არ დგას“.
ნიშანდობლივია, რომ ბრალდებულის დედამ მაია ფოცხვერაშვილმა პროკურატურას მისი შვილის დაკავებისთანავე მიაწოდა ინფორმაცია ჯანმრთელობასთან დაკავშირებული პრობლემების თაობაზე.
„ციხიდან რომ გამოვიდა, მას შემდეგ პრობლემები ჰქონდა. ჯანმრთელობის მდგომარეობა ვერ აქვს კარგად, ხან საერთოდ ვერ აცნობიერებდა რას აკეთებდა, სად მიდიოდა. რომ ვეხვეწებოდი, მოდი, არ წახვიდე მეთქი, გარბოდა. პოლიციას ვუთხარი, ცუდადაა და უფულობის გამო ვერ ვმუკრნალობ მეთქი. არც პოლისი ჰქონდა, რომ წამეყვანა ნევროპათოლოგთან ან ფსიქოლოგთან, მაგრამ არავინ ყურადღება არ მომაქცია“,– აღნიშნავს ბრალდებულის დედა.
მისივე თქმით, დახმარებისთვის დღეს მან პრემიერ – მინისტრ ირაკლი ღარიბაშვილის მამას, ტარიელ ღარიბაშვილს მიმართა. ტარიელ ღარიბაშვილი დედოფლისწყაროს მუნიციპალიტეტის გამგეობის ხორნაბუჯის ტერიტორიული ორგანოს რწმუნებულია.
საქმეზე მომდევნო სასამართლო პროცესი სიღნაღის რაიონულ სასამართლოში 14 იანვარს, 13:00 საათზე გაიმართება.
აგერ, გახსნილი ყოფილა მეორე თემაც ამ საკითხზე:
ეკლესიიდან 68 ლარის ქურდობაში ბრალდებულს 10 წლამდე This post has been edited by ლაბარნა on 11 Jan 2014, 01:17 დუმილი არაა თანხმობის ნიშანი, ჭკუის ნიშანია; ორმხრივი ჭკუა კი თანხმობის საწინდარია © მე თვითონ :)
ეკლესია და მისი საკუთრების სოციალურად დაუცველი ქურდები, რა უნდა უყოს ასეთ ქურდს ეკლესიამ?
