ცვლილებები ცნობის გაცემის ვადებსა და ღირებულებაში

მომსახურების სააგენტოში სხვადასხვა ცნობის გაცემის ვადებსა და ღირებულებაში ცვლილებები შევიდა.
იცვლება საინფორმაციო მომსახურების ვადები და ღირებულება. კერძოდ, დაინტერესებულ პირს ნასამართლეობის შესახებ ცნობის მიღება შეეძლება 1 სამუშაო დღის შემდეგ 25 ლარად, 3 სამუშაო დღის შემდეგ - 15 ლარად, ხოლო აღნიშნული ცნობის გაცემა 5 სამუშაო დღის შემდეგ უფასოა.
შსს-ს ცნობით, ცვილებები ასევე შეეხო საქართველოს სახელმწიფო საზღვრის კვეთის, პირის უგზო-უკვლოდ დაკარგვის გამო ძებნის გამოცხადების, სისხლის სამართლებრივი პასუხისმგებლობის დაკისრების თაობაზე და საქართველოს კანონმდებლობით განსაზღვრული წესით საქართველოს შსს-ს მონაცემთა ბაზაში დაცული ინფორმაციის შესახებ ცნობების დაჩქარებული წესით გაცემის ვადებსა და ღირებულებას: 1 სამუშაო დღის შემდეგ - 25 ლარი, 3 სამუშაო დღის შემდეგ - 15 ლარი, ხოლო აღნიშნული ცნობების არადაჩქარებული წესით გაცემის ღირებულება შეადგენს 20 ლარს და გაიცემა 5 სამუშაო დღის შემდეგ.

http://www.interpressnews.ge/ge/samartali/..._ref_map=%5B%5D

ანუ გააიაფეს?
ადრე მგონი შესაბამისად 80, 40 და 20 ლარი ღირდა.

გმადლობ, საინტერესო ინფორმაცია მოგვაწოდე

http://police.ge/ge/tsvlilebebi-momsakhure...ebulebashi/6056

http://www.interpressnews.ge/ge/sazogadoeb...-shemcirda.html
მომსახურების სააგენტოში სხვადასხვა ცნობის გაცემის ღირებულება მცირდება. შინაგან საქმეთა სამინისტროს ინფორმაციით, ნასამართლეობის შესახებ ცნობის გაცემა 5 სამუშაო დღეში არის უფასო. აქამდე მოქმედი ტარიფით ნასამართლეობის შესახებ ცნობის გაცემა 3 სამუშაო საათში 80 ლარი ღირს, 1 სამუშაო დღეში საფასური შეადგენს 40 ლარს, ხოლო 2 სამუშაო დღის განმავლობაში – 20 ლარს.
დღეიდან კი შეიცვლება აღნიშნული ცნობების გაცემის ვადები და საფასურები. კერძოდ, ნასამართლეობის შესახებ ცნობის გაცემა მოხდება 1 სამუშაო დღეში და მისი საფასური გახდება 25 ლარი და 3 სამუშაო დღეში - 15 ლარი.
სამინისტროს ინფორმაციით, აღნიშნული ცვლილების მიზანი იყო, დაჩქარებული მომსახურებისთვის განკუთვნილი მაღალი საფასური შემცირებულიყო მოსახლეობის მოთხოვნისა და გადახდისუნარიანობის გათვალისწინებით.
ცვლილებები ასევე ეხება საქართველოს სახელმწიფო საზღვრის კვეთის, პირის უგზო-უკვლოდ დაკარგვის გამო ძებნის გამოცხადების, სისხლისსამართლებრივი პასუხისმგებლობის დაკისრების თაობაზე და საქართველოს კანონმდებლობით განსაზღვრული წესით საქართველოს შინაგან საქმეთა სამინისტროს მონაცემთა ბაზაში დაცული ინფორმაციის მიღებას. მისი საფასური ამჟამად შეადგენს 20 ლარს და გაიცემა მხოლოდ 5 სამუშაო დღეში.
შსს-ს ინფორმაციით, აღნიშნულ ცნობებზე ამ ეტაპზე არ მოქმედებს დაჩქარებული წესით მომსახურება და მოთხოვნიდან გამომდინარე 18 იანვრიდან შესაძლებელი იქნება ცნობის აღება 1 და 3 სამუშაო დღეში. დაჩქარებული მომსახურებით სარგებლობის საფასური განისაზღვრება 1 დღეში 25 ლარით და 3 სამუშაო დღეში 15 ლარით, რომელიც დაემატება ცნობის საფასურს.