"ზუკა რომ ვნახე უკვე ხროტინებდა, მან ჩემს ხელში დალია სული" - რას შეეწირა 21 წლის ბიჭის სიცოცხლე?
ჯოკრის თამაშის გულისთვის მოკლული 21 წლის ბიჭი ბავშვობის მეგობრებმა უპატრონოდ მიატოვეს?
"მძიმედ დაჭრილი ზუკა თურმე ფეხზე ძლივს იდგა და ისე ბანდნენ"
"ის გოგო ფეხმძიმედაა, პატარას ელოდნენ და ძალიან ბედნიერი იყო"
12 თებერვალს, საღამოს 11 საათზე, თბილისში, ხუდადოვზე, მარუაშვილის ქუჩაზე, კიდევ ერთი მკვლელობა მოხდა. 21 წლის ზუკა ოჩიგავა თანატოლმა მოკლა. მკვლელი შემთხვევის ადგილიდან მიიმალა, სასიკვდილოდ განწირული, სიცოცხლით აღსავსე ბიჭი, ქუჩაში მიაგდეს. იგი ქალბატონმა მარინე სუხაშვილმა შემთხვევით, თავისი სახლის წინ, ტროტუარზე იპოვა. დაჭრილი საავადმყოფოში გადაიყვანეს, თუმცა მისი გადარჩენა ვეღარ მოხერხდა.
მკვლელობის მიზეზად თანატოლებს შორის შელაპარაკება სახელდება, ამბობენ, ზუკას მკვლელთან "ჯოკერში" 100 ლარი ჰქონდა წაგებული. დამნაშავე ამ ფულს ითხოვდა, მას თანხა თან არ ჰქონდა, დამნაშავემ არ დაინდო და სავარაუდოდ "მაკაროვიდან" გასროლით მოკლაო. რამდენად რეალურია ეს ვერსია, ამას გამოძიება დაადგენს, მაგრამ საქმეში ბევრი დეტალი გასარკვევია, მათ შორის ყველაზე მთავარი, რეალურად სად მოკლეს ზუკა ოჩიგავა, ჰყავდა თუ არა ფაქტს თვითმხილველები და ხომ არ მიატოვეს ის უპატრონოდ ბავშვობის მეგობრებმა?
ზუკა ოჩიგავა დიღმის მასივში ცხოვრობდა, ოჯახიც შექმნილი ჰქონდა, ფეხმძიმე ცოლი ჰყავდა და მალე შვილის დაბადებას ელოდა. ბავშვობა, ფაქტობრივად ხუდადოვზე, დედის მშობლებთან გაატარა, ბებია-ბაბუასთან. ბევრი მეგობარი ჰყავდა და ხშირად დადიოდა მათთან, როგორც ჩანს, იმ საბედისწერო დღესაც მეგობრებთან ერთად, დოლენჯიშვილების სახლში იყო და მათ სარდაფში ჯოკერს თანატოლებთან ერთად თამაშობდა...
შემთხვევის ადგილზე მკვლელობის მეორე დღეს მივედი. მარუაშვილის ქუჩას ფეხით ავუყევი და დანაშაულის ადგილის პოვნა არ გამჭირვებია. იქვე 100 მეტრში მდებარე პატარა ჯიხურში შევედი. ჯიხურში თვალცრემლიანი ქალბატონები დამხვდნენ.
"ჩვენს ხელში გაიზარდა ზუკა, ამიტომ აქაურობა ძალიან უყვარდა. მთელი ღამე თვალი არ მომიხუჭავს, ამ ჯიხურში გავათენე. რა დამაძინებდა, ჩემი შვილიშვილის ტოლია. არ ვიცი ვინ გაიმეტა სასიკვდილოდ, გაოგნებულები ვართ",- მითხრა გამყიდველმა ქალბატონმა. მკვლელობის დროს ის ჯიხურში იჯდა, მაგრამ ირწმუნება, რომ გასროლის ხმა არ გაუგია. "გაუბედურებულები ვართ ისეთი ბავშვი მოკლეს, ამბობენ 100 ლარი ჰქონდა წაგებულიო. თურმე ბანკის კარტა დაბლოკილი ჰქონდა და უთქვამს, ხვალ მოგიტან ფულსო, მაგრამ მაინც მოკლა იმ გარეწარმა. არც ის ვიცით, ეს იმ დღის წაგებული თანხა იყო, თუ სხვა დროის ვალი იყო რამე. ამბობენ, კუკიელი ბიჭია მკვლელიო, დათო ჰქვია. 100 ლარის გამო როგორ მოკლა ბავშვი. პენსიას ავიღებდი და მე მივცემდი იმ საზიზღარს იმ 100 ლარს, ოღონდ ეს ბავშვი არ მოეკლა. ფეხმძიმე ცოლი დარჩა.", - ჩაერთო საუბარში მეორე მოხუცი ქალბატონი. ამ დროს იმ პატარა ჯიხურში კიდევ ერთი ქალბატონი შემოვიდა და ახალი ინფორმაცია მოიტანა: " გაიგეთ რა მომხდარა? თურმე ზუკა დოლენჯიშვილების სახლში მოუკლავთ. მძიმედ დაჭრილი ბიჭი ფეხზე დაუყენებიათ და სისხლი ჩამოუბანიათ, ასეთი რამ გაგიგიათ? მაშინვე წაეყვანათ საავადმყოფოში, რას ელოდებოდნენ. თურმე ფეხზე იდგა დაჭრილი და ისე ბანდნენ საწყალს და ტანსაცმელიც გამოუცვალეს ალბათ. ",- თქვა მან.
მის მოტანილ ამბავს ქალები აღშფოთებულები შეხვდნენ და გააპროტესტეს ის ფაქტი, რომ ზუკას მეგობარი დაკითხვის შემდეგ პოლიციამ გაუშვა. "ლოლო გამოუშვიათ, მის სახლში ასეთი ამბავი მოხდა და გარეთ როგორ გამოუშვეს? როგორ მიაგდეს მეგობრებმა ასე მარტო დაჭრილი? რას ჰგავს ეს? ის ოჯახი თურმე ამბობს ჩვენს სახლში არაფერი მომხდარა და დაჭრილი ბიჭი სხვა ადგილიდან მოიყვანეს და გარეთ დააგდო მკვლელმაო, არადა, ხომ შეიძლება შიგნით დაასუფთავეს ყველაფერი და გარეთ გამოიყვანეს მერე, შიგნითაც არ არის სისხლის კვალიო, ეტყობა წაშალეს კვალი? ყველას ხმა ჩაკმენდილი აქვს უბანში, არადა სიმართლე იციან. რატომ დუმს ყველა, გამაგებინეთ, როდემდე უნდა გრძელდებოდეს ასეთი ამბები? - ახმაურდნენ ქალბატონები. მათგან ისიც შევიტყვე, რომ ზუკას ბაბუა ამ ამბის შემდეგ კომაში ჩავარდნილი საავადმყოფოში მოხვდა. "მისი პაპა ავადმყოფია, რეანიმაციაში მოუთავსებიათ, ცალი ფეხი მოჭრილი აქვს, დიაბეტიკია, მკურნალობდა საწყალი და გაუბედურებული კაცს ახლა ეს ტრაგედია უნდოდა?
***
როგორც გაირკვა, ქალბატონ მარინას ხელში დალია ზუკამ სული. სწორედ მან იპოვა დაჭრილი ბიჭი. ძალიან მძიმე მოსასმენი აღმოჩნდა მისი მონათხრობი, ცრემლებს ვეღარ იკავებდა. იგი მეორე საჯარო სკოლაში ბიოლოგიას ასწავლის და უბნის ბავშვები ფაქტობრივად მის ხელში გაიზარდნენ.
მარინა სუჯაშვილი:
-ზუკა ძალიან კარგი ბიჭი იყო. ყველაზე სამართლიანი, თუ ვინმესთან კონფლიქტი ჰქონია, არასოდეს დანაზე არ უფიქრია, არც სხვა იარაღზე. თავისი სიტყვით ცდილობდა ყოველთვის თავისი სიმართლე დაემტკიცებინა. ფაქტობრივად აქ გაიზარდა, აქ ჰყავდა ბავშვობის მეგობრები. ბოლო დროს ისე ხშირად არ მოდიოდა, რადგან თავისი საქმე ჰქონდა. პატარა ასაკში შექმნა ოჯახი, პირველი ქორწინებიდან ბიჭი ჰყავს, მეუღლეს გაშორდა და მეორე ცოლი შეირთო, ახლა ის გოგო ფეხმძიმედაა, პატარას ელოდნენ და ძალიან ბედნიერი იყო. ბოლო დროს ერთმანეთისთვის იმდენად არ ეცალათ მეგობრებს, ზოგს სამსახური აქვს, ზოგი ინსტიტუტში დადის. მე ვნახე ძირს დაგდებული ზუკა პირველად და ალბათ ამას ვერასოდეს მოვინელებ, მან ჩემს ხელში დალია სული.
- როგორ აღმოაჩინეთ დაჭრილი ზუკა?
http://www.kvirispalitra.ge/justice/20583-...-sicockhle.html 
"ზუკამ ჩემს ხელში დალია სული" - ჯოკრის გამო მოკლულ, ბიჭი ბავშვების მეგობრებმა უპატრონოდ მიაგდეს 
