ე.წ. ფიქტიური დასაქმების საქმეზე მერაბიშვილს და ჭიაბერაშვილს განაჩენს დღეს გამოუტანენ
10:01 17-02-2014
ე.წ. ფიქტიური დასაქმების საქმეზე მერაბიშვილს და ჭიაბერაშვილს განაჩენს დღეს გამოუტანენ ე.წ. ფიქტიური დასაქმების საქმეზე, ვანო მერაბიშვილს და ზურაბ ჭიაბერაშვილს დღეს, ქუთაისის საქალაქო სასამართლო განაჩენს გამოუტანს. განაჩენის გამოცხადება 12:00 საათზეა ჩანიშნული.
მერაბიშვილსა და ჭიაბერაშვილს ბრალად ამომრჩევლის მოსყიდვა, საბიუჯეტო თანხების გაფლანგვა და უფლებამოსილების ბოროტად გამოყენება ედებათ.
როგორც "ინტერპრესნიუსს" ვანო მერაბიშვილის ადვოკატმა ოთარ კახიძემ განუცხადა, აღნიშნული მუხლები 7-11 წლამდე თავისუფლების აღკვეთას ითვალისწინებს.
ადვოკატისთვის უცნობია, დაესწრება თუ არა ვანო მერაბიშვილი განაჩენის გამოცხადებას.
აღნიშნული სისხლის სამართლის საქმის ფარგლებში, ბრალდებული ზურაბ ჭიაბერაშვილი გირაოს სანაცვლოდ არის გათავისუფლებული.
დასავლეთ საქართველოს საოლქო პროკურატურამ ყოფილ პრემიერ-მინისტრ ვანო მერაბიშვილის და ჯანდაცვის ექსმინისტრ ზურაბ ჭიაბერაშვილის ე.წ. დასაქმების პროგრამასთან დაკავშირებით ბრალი გასული წლის მაისში წაუყენა.
საქმის განხილვა კი, ქუთაისის საქალაქო სასამართლომ 2013 წლის ოქტომბერში დაიწყო.
http://www.interpressnews.ge/ge/samartali/...gamoutanen.html 
· 
ვანო ხერხემალს დღეს განაჩენს გამოუტანენ
