საქართველოს “მწვანეთა პარტიამ” საპარლამენტო უმრავლესობა დატოვა.

ამის შესახებ პლენარული სხდომიდან გამოსულმა „მწვანეთა პარტიის“ თავმჯდომარე გიორგი გაჩეჩილაძემ განაცხადა.

პარლამენტის თავმჯდომარემ გაჩეჩილაძეს სიტყვით გამოსვლის უფლება არ მისცა, რამაც დეპუტატის განაწყენება გამოიწვია.

„უმრავლესობის დატოვების შესახებ განცხადება „მწვანეთა პარტიამ“ ჯერ კიდევ ბიძინა ივანიშვილის პოლიტიკიდან წასვლამდე გააკეთა. ჩვენ სწორედ ამ მომენტს ველოდით, თუმცა ივანიშვილის პოლიტიკიდან წასვლის შემდეგ, ამ დრომდე პოზიციებს ვინარჩუნებდით. „მწვანეთა პარტია“ იქნება დამოუკიდებელი, ობიექტური და მიუკერძოებელი“, – განაცხადა გაჩეჩილაძემ.
- See more at: http://frontnews.ge/ge/news/27337-%E2%80%9...h.9XoXxB9l.dpuf