მართვის მოწმობების გამოცვლასთან დაკავშირებით, კითხვა/პასუხები

ე.ი. რა ხდება
გადავხედე ამ ინფოს:
მართვის მოწმობის მოქმედების ვადის ამოწურვის შემდეგ შეცვლა მართვის უფლების მისაღები გამოცდის ჩაბარების გარეშე, ჯანმრთელობის მდგომარეობის შესახებ ცნობის (ფორმა IV-100/ა) წარდგენის საფუძველზე მოხდება.

“2014 წლის 1 მარტიდან მართვის მოწმობები გაიცემა განსაზღვრული ვადით, კერძოდ, იმ პირის სატრანსპორტო საშუალებათა მართვის მოწმობის, რომელსაც მინიჭებული აქვს: „A“, „B“, „BE“, „T“, „S“, „A1“ და „B1“ კატეგორიები, (ქვეკატეგორიები) მოქმედების ვადა იქნება 15 წელი; ხოლო იმ პირის სატრანსპორტო საშუალებათა მართვის მოწმობის, რომელსაც მინიჭებული აქვს: „C“, „CE“, „D“, „DE“, „C1“, „C1E“, „D1“ და „D1E“ კატეგორიები (ქვეკატეგორიები), მოქმედების ვადა იქნება 5 წელი.

მართვის მოწმობის მოქმედების ვადის განსაზღვრა აგრეთვე ვრცელდება 2014 წლის 1 მარტამდე საქართველოში გაცემულ მართვის მოწმობებზეც, კერძოდ: 2006 წლის 1 აპრილიდან 2014 წლის 1 მარტამდე საქართველოში გაცემულ „A“, „B“, „BE“, „T“, „S“, „A1“ და „B1“ კატეგორიების (ქვეკატეგორიების) მართვის მოწმობებს მიუხედავად მინიჭების თარიღისა) იურიდიული ძალა შეუნარჩუნდებათ 2028 წლის 1 სექტემბრამდე. 2006 წლის 1 აპრილიდან 2014 წლის პირველ მარტამდე საქართველოში გაცემულ “C“, „CE“, „D“, „DE“, „C1“, „C1E“, „D1“ და „D1E“ კატეგორიების (ქვეკატეგორიების) მართვის მოწმობებს (მიუხედავად მინიჭების თარიღისა) იურიდიული ძალა შეუნარჩუნდებათ 2018 წლის 1 სექტემბრამდე.
2006 წლის 1 აპრილამდე საქართველოში გაცემულ მართვის მოწმობებს იურიდიული ძალა შეუნარჩუნდებათ 2018 წლის 1 იანვრამდე. მართვის მოწმობის მოქმედების ვადის ამოწურვის შემდეგ მისი შეცვლა მოხდება მართვის უფლების მისაღები გამოცდის ჩაბარების გარეშე, ჯანმრთელობის მდგომარეობის შესახებ ცნობის (ფორმა IV-100/ა) მომსახურების სააგენტოში წარმოდგენის საფუძველზე.

ამასთან, მართვის მოწმობის შეცვლა სავალდებულო არ არის მისი მოქმედების ვადის გასვლამდე, ხოლო ახალი მოწმობის აღდგენის ან/და შეცვლის შემთხვევაში, მისი დღეს არსებული ღირებულება დარჩება უცვლელი.

2014 წლის 1 მარტიდან საქართველოს შინაგან საქმეთა სამინისტროს მომსახურების სააგენტოში მართვის უფლების მისაღებ გამოცდაზე გასასვლელად, დაკარგული მართვის მოწმობის აღსადგენად ან დაზიანებული მართვის მოწმობის შესაცვლელად სავალდებულო იქნება დაინტერესებული პირის მიერ ჯანმრთელობის მდგომარეობის შესახებ ცნობის (ფორმა IV-100/ა) სააგენტოში წარმოდგენა”, - ნათქვამია შსს-ს მომსახურეობის სააგენტოს მიერ გავრცელებულ განცხადებაში.

**************


მერე, გადავამოწმე ჩემს მიერ მართვის მოწმობის/განახლების ვადა, (კატეგორია B-C), შეცვლის ვადად მითითებულია 18/07/2006წ.

მოცემულ ინფო/ბრძანებაში აღნიშნულია რომ "2006 წლის 1 აპრილიდან 2014 წლის 1 მარტამდე საქართველოში გაცემულ „A“, „B“, „BE“, „T“, „S“, „A1“ და „B1“ კატეგორიების (ქვეკატეგორიების) მართვის მოწმობებს მიუხედავად მინიჭების თარიღისა) იურიდიული ძალა შეუნარჩუნდებათ 2028 წლის 1 სექტემბრამდე";
ხოლო "2006 წლის 1 აპრილიდან 2014 წლის პირველ მარტამდე საქართველოში გაცემულ “C“, „CE“, „D“, „DE“, „C1“, „C1E“, „D1“ და „D1E“ კატეგორიების (ქვეკატეგორიების) მართვის მოწმობებს (მიუხედავად მინიჭების თარიღისა) იურიდიული ძალა შეუნარჩუნდებათ 2018 წლის 1 სექტემბრამდე. "

ჩემს შემთხვევაში როგორ უნდა მოიქცეს ადამიანი?


ჩემი ვარიანტი (პასუხის) ასეთია- პატარა მანქანის მართვის (პრავის შეუცვლელად!) უფლება მექნება 2028 წლის 1 სექტემბრამდე.
ხოლო, დიდი მანქანის მართვისა (აქაც პრავის შეუცვლელად!) - 2018 წლის 1 სექტემბრამდე.

ასეა?

მე, ყველა კატეგორია მაქვს, მოტოს კარდა და ჩემ შემთხვევაში, როგორღა იქნება?

ისე კი არის ჭკვიანური, მაგრამ ეგ ფორმა 100 სად უნდა აიღოს კაცმა? თუ რაიონულ პოლიკლინიკაში (2018 წელსაც თუ იგივე მდგომარეობა იქნება პოლიკლინიკებში) მისცემ მთავარი ექიმის მდივანს 20 ლარს და 15 წუთში ცნობად მზადაა. 2011 ავიღე მასე, უპრობლემოდ

ჯობია თვითონ მომსახურების სააგენტომ მოაწყოს, თვალის, სმენის და წნევის სასინჯი პუნქტები და იყოს დაბალი ფასიანი

This post has been edited by mia72 on 2 Mar 2014, 10:18