მსოფლიოს ნაკრები 7 ივნისს კეიპთაუნში სამხრეთ აფრიკის ეროვნულ გუნდს დაუპირისპირდება.
პლანეტის საუკეთესო მოთამაშეების შერჩევა სამხრეთაფრიკელ მწვრთნელ ნიკ მალეთს ანდეს. თუმცა, ცნობილია, რომ რაგბი, ისევე როგორც სპორტის სხვა სახეობები, მაყურებლისთვის არსებობს და აგერ Planetrugby-ს ერთ-ერთმა ქომაგმა, ვინმე შეინ მადენმა წერილი მისწერა.
"მინდა მსოფლიოს ნაკრების ჩემეული ვერსია შემოგთავაზოთ. იდეა იმაში მდგომარეობს, რომ ძირითად შემადგენლობაში მსოფლიოს რეიტინგში პირველი თხუთმეტი ქვეყნიდან თითო მოთამაშე შემეყვანა. ერთადერთი, იაპონიის ნაცვლად საქართველო ჩავსვი, რადგან ჩემს გუნდში აუცილებლად უნდა იყოს მამუკა გორგოძე.
აი, როგორია ჩემეული მსოფლიოს ნაკრები:
15. იზრაელ ფოლაუ (ავსტრალია), 14. ნაპოლიონი ნალაგა (ფიჯი), 13. მანუ ტუილაგი (ინგლისი), 12. ვესლი ფოფანა (საფრანგეთი), 11. ფეტუ ვაინიკოლო (ტონგა), 10. დენ კარტერი (ახალი ზელანდია), 9. კენ ფოტუალიი (სამოა). 1. კიან ჰილი (ირლანდია), 2. ბისმარკ დუ პლესი (სამხრეთ აფრიკა), 3. ადამ ჯოუნზი (უელსი), 4. რიჩი გრეი (შოტლანდია), 5. ჯიმი კუდმორი (კანადა), 6. მამუკა გორგოძე (საქართველო), 7. ხუან მარტიმ ფერნანდეს ლობე (არგენტინა), 8. სერჯო პარისე (იტალია). "
ეს იდეა Planetrugby-ს ძალიან მოეწონა და ქომაგებს სთავაზობს თავიანთი ვერსიები წარმოადგინონ.
http://www.planetrugby.com/contact-us/0,26101,,00.html 
მამუკა გორგოძე მსოფლიოს ნაკრებში!, შეგვიძლია დავეხმაროთ არჩევაში ნიკ მალეთს
