ექიმები 80% პროტესტის გამო ტოვებენ კლინიკას, New Life - What's up?

დავით სერგეენკო - კარგმა მენეჯერმა საქმე იქამდე არ უნდა მიიყვანოს, რომ სამედიცინო პერსონალი ქუჩაში გამოვიდეს
14:00 30-07-2014
დავით სერგეენკო - კარგმა მენეჯერმა საქმე იქამდე არ უნდა მიიყვანოს, რომ სამედიცინო პერსონალი ქუჩაში გამოვიდეს ჯანდაცვის მინისტრს კლინიკა "ახალი სიცოცხლის" მენეჯმენტთან კითხვები აქვს. როგორც დავით სერგეენკომ დღეს გამართულ პრეკონფერენციაზე "ინტერპრესნიუსის" კითხვის პასუხად განაცხადა, კარგმა მენეჯერმა საქმე იქამდე არ უნდა მიიყვანოს, რომ სამედიცინო პერსონალი ქუჩაში გამოვიდეს და ღია პროტესტი გამოთქვას.
"ამის შესახებ ინფორმირებული ვარ. რამდენიმე დღის წინ მოგვმართა კლინიკის ხელმღვანელმა, შეხვდა მინისტრის მოადგილეს ზაზა სოფრომაძეს, განიხილეს ყველა საკითხი. ჯანდაცვის სამინისტროს აქვს ორი შესაძლებლობა რომ ასეთი ტიპის კონფლიქტებში ჩაერიოს პირველი – საფრთხე უნდა შექმნას სამედიცინო დახმარების უწყვეტობას, პაციენტს, და ვალდებული ვართ რომ ამისი პრევენციაც გავაკეთოთ და მყისიერი რეაგირებაც მოვახდინოთ. მეორე - თუ აღიძრა კოლექტიური შრომითი დავა, ესეც ჯანდაცვის სამინისტროს პრეროგატივა გახდა და სამმხრივი კომისიის მიერ დამტკიცებული მედიატორი იწყებს ამ საკითხის მოგვარებას კანონით დადგენილი ფარგლებში. სხვა შემთხვევაში ეს არის კერძო დაწესებულება და დამქირავებელსა და დაქირავებულს შორის მოლაპარაკების საგანი. ეს არის ფორმალური მხარე. თუმცა, რა თქმა უნდა, ნებისმიერი სახის სამედიცინო აქტივობა, პაციენტთან ურთიერთობა მთელი საქართველოს მასშტაბით არის ჩვენი პასუხისმგებლობა. მე ნამდვილად ვერ ვიქნები ბედნიერი როდესაც ასეთი კლასის დაწესებულებაში თანამშრომელთა, პრაქტიკულად, 100 პროცენტი აცხადებს რომ უნდა წავიდეს სხვაგან; მე რამდენადაც ვიცი ისინი უაღრესად კვალიფიციური ხალხია და არ გაუჭირდებათ სამსახურის მოძებნა. მაგრამ, მე გამიჩნდა ლეგიტიმური კითხვები გამიჩნდა ამ ქსელური დაწესებულების მმართველ კომპანიასთან. არ უნდა მიიყვანოს კარგმა მენეჯერმა საქმე იქამდე, რომ სამედიცინო პერსონალი ქუჩაში გამოვიდეს და ღია პროტესტი გამოთქვას", - განაცხადა მინისტრმა.
კლინიკა "ახალ სიცოცხლის" დატოვებას ექიმების 80% 11 აგვისტოდან აპირებს. როგორც "ინტერპრესნიუსს" კლინიკის ყოფილმა დირექტორმა ზაზა სინაურიძემ განუცხადა, უკვე დანიშნულია ახალი დირექტორიც- აღნიშნულ პოსტზე გიორგი ბერიშვილი დაინიშნა. ზაზა სინაურიძემ და კლინიკის 50-მდე ექიმმა სამსახურიდან წასვლის შესახებ განცხადებები ორშაბათს დაწერეს. თუმცა, 11 აგვისტომდე ისინი ჩვეულ რეჟიმში იმუშავებენ. სინაურიძის თქმით, სამედიცინო პერსონალსა და მენეჯემნტს განსხვავებული ხედვა აქვთ, რის გამოც ექიმები მიიჩნევენ რომ შესაძლოა პაციენტების უსაფრთოება უზრუნველყოფილი ვეღარ იყოს.
სინაურიძის ინფორმაციით, ექიმების გაღიზიანება გამოიწვია შრომითმა ხელშეკრულებებმაც, სადაც მათთვის მიუღებელი რამდენიმე პუნქტია.
კლინიკა "ახალი სიცოცხლე" მმართველ კომპანიას "ევექსი" წარმოადგენს, რომელიც კლინიკის მართვას თებერვლიდან ახორციელებს.



კარგი ცხენი მათრახს არ დდაირტყამსო და კაი მენეჯერი ქუჩაში ხალხს არ გამოიყვანსო.

რა ხდება მეგობრებო?
არადა ერთ ერთი სერიოზნი კლინიკაა როგორც ვიცი.
თუ არაა?

სანამ ვინმე არ მოკვდება ან ექიმები გაფიცვას არ მოაწყობენ ეს უსაქმურები სამინისტროში არ უნდა ინტერესდებოდნენ მათ სისტემაში რა ხდება? მარტო იაფფასიანი პოპულიზმით რომ არიან დაკავებული.
მო...ეს ტვინი საყოველთაო ჯანდაცვით: როგორ შეიცვალა ჯანდაცვის ხარისხი, პაციენტებს როგორ მოწონთ ან ექიმები რა აზრის არიან ეგ არავის აინტერესებს. მარტო თვითონ არიან კმაყოფილები ამ პროექტით ქართული ჯანდაცვით, ამათი.....

საინტერესოა, რა პირობებით და რის საფუძველზე გადაეცა ამ ევექს ეს კლინიკა სამართავად? ამ სფეროში მართვის რა გამოცდილება ჰქონდათ მანამდე? სამედიცინო მომსახურების ნორმატივების სტანდარტები ამათ დაადგინეს უვარგისი და მიუღებელი მედპერსონალისათვის (კანონ-ნებადამრთავ არეალში, ცხადია) თუ კლინიკის დირექტორმა უშუალოდ და ერთპიროვნულად? თუ საერთოდ კანონს ზედ გადაუარეს ევექსელმა რეინჯერ-მენეჯერებმა?...

რას ამბობენ ყველაფერ ამაზე ღრმადპატივცემულნი სახელმწიფო ორგანონი _ სერგეენკოს უწყება და სახელოვანი ბიძპროკურატურა?...

This post has been edited by kodeqsi on 30 Jul 2014, 18:02

დააკონკრეტონ ერთი რის გამო ვეღარ იქნება პაციენტების უსაფრთხოება უზრუნველყოფილი, თორემ გულის აჩუყებისგან შეიძლება გარდავიცვალო:*

კლინიკა "ახალი სიცოცხლე" მმართველ კომპანიას "ევექსი"-ს წარმოადგენს
მაგრამ მაინც რა დებილური წინადადებაა
მმართველ კომპანიას როგორ წარმოადგენს კლინიკა?

This post has been edited by gramatikikina on 30 Jul 2014, 18:41