სასოფლო-სამეურნეო კოოპერატივების განვიტარების სააგენტო, სასოფლო-სამეურნეო კოოპერატივები წარმოადგენენ „მეწა

სასოფლო-სამეურნეო კოოპერატივის სტატუსის მოპოვების სურვილის შემთხვევაში დაინტერესებული პირი ვალდებულია დააფუძნოს კოოპერატივი, ხოლო თუ ის უკვე რეგისტრირებულია კანონით დადგენილი წესით, რეგისტრირებული მონაცემები შეუსაბამოს „სასოფლო-სამეურნეო კოოპერტივების შესახებ" საქართველოს კანონის მოთხოვნებს და შემდეგ მიმართოს უფლებამოსილ ორგანოს სტატუსის მინიჭების მოთხოვნით. სასოფლო-სამეურნეო დანიშნულების კოოპერატივის რეგისტრაციის მოთხოვნის შემთხვევაში დაინტერესებულ პირს შესაძლებლობა აქვს იხელმძღვანელოს წინამდებარე წესდების ნიმუშით.

„სასოფლო-სამეურნეო კოოპერატივების შესახებ" საქართველოს კანონით რეგულირებულია სასოფლო-სამეურნეო კოოპერატივების ფუნქციონირებასთან და საქმიანობასთან დაკავშირებული სამართლებრივი საკითხები. კანონის მიზანს წარმოადგენს სოფლისა და სოფლის მეურნეობის განვითრების ხელშეწყობა, სასოფლო-სამეურნეო წარმოების პროდუქტიულობის გაზრდა, კონკურენტუნარიანობის გაუმჯობესება და რენტაბელობის ამაღლება, ეროვნული ეკონომიკის განვითარება, სოფლად სიღარიბის დაძლევა და სოფლიდან მოსახლეობის მიგრაციის შეჩერება, ბიოლოგიური მეურნეობის განვითრების ხელშეწყობა, საკომლო (საოჯახო) მეურნეობების განვითარება, მათი კოოპერირება და სიცოცხლისუნარიანობის გაძლიერება.

This post has been edited by gigerh on 20 May 2014, 20:46

იქნებ ამიხსნათ სასოფლო-სამეურნეო კოოპერატივის სტატუსის მოპოვების შედეგად რა უპირატესობა მექნება ჩვეულებრივ გლეხთან შედარებით? ან ეს კანონი როგორ შეუწყობს ხელს ზემოჩამოთვლილ პრობლემების გადაჭრას?

სასოფლო-სამურნეო კოოპერატივი მცირემიწიანი ფერმერებისათვის შემოსავლების გაზრდის რეალური გზა
სასოფლო-სამეურნეო კოოპერატივებთან დაკავშირებით, სახელმწიფომ მთელი რიგი ხელშემწყობი ღონისძიებები შეიმუშავა, მათ შორის იაფი საკრედიტო რესურსი და გრანტები (საჩუქარი). საჭირო ტექნიკის უფასოდ ან ლიზინგით (გრძელვადიანი იჯარა-გამოსყიდვის უფლებით) გადაცემა, მნიშვნელოვანი საგადასახადო შეღავათები.
ასევე, სახელმწიფო ხელშეწყობის ფარგლებში განსაზღვრულია სარეკომენდაციო და საკონსულტაციო სამუშაოების ჩატარება, რაც ფერმერებს საორგანიზაციო საკითხების წარმართვაში დაეხმარება.
• სასოფლო სამურნეო კოოპერატივში გაწევრიანება ნებაყოფლობითია
• მისი მართვა, დემოკრატიული პრინციპით ხორციელდება. ყველა წევრი თანასწორია. მნიშვნელობა არა აქვს რა რაოდენობის ქონებით შევა ფერმერი კოოპერატივში - 100 ჰექტრისადა 1 ჰექტრის მფლობელი გადაწყვეტილებას ერთნაირად იღებს. ერთი წევრი - ერთი ხმა!
• მაღალმთიან რეგიონში კოოპერატივის წევრთა რაოდენობა 3-ზე, ხოლო საქართველოს დანარჩენ ტერიტორიაზე 5-ზე ნაკლები არ უნდა იყოს.
• სასოფლო-სამურნეო კოოპერატივის ქონება იქმნება წევრთა (მეპაიეთა) შენატანით (პაით), სასოფლო-სამეურნეო საქმიანობით მიღებული მოგებით, გრანტით ან სხვა წყაროებით.
• კოოპერატივების შექმნისას კერძო მფლობელობაში არსებული მიწების გაერთიანება სავალდებულო არ არის, თუმცა სურვილის შემთხვევაში და წევრთა ერთობლივი გადაწყვეტილებით შესაძებელია.

ზემოთხსენებული შეღავათებით ისარგებლებენ ის გაერთიანებები ან კოოპერატივები, რომლებიც სასოფლო-სამეურნეო კოოპერატივის სტატუსს მიიღებენ.
სასოფლო-სამეურნეო კოოპერატივის სტატუსს ანიჭებს სასოფლო-სამეურნეო კოოპერატივის განვითარების სააგენტო.
სანამ მსურველი სააგენტოს მიმართავს, ის სამეწარმეო იურიდიულ პირად უნდა დარეგისტრირდეს. სააგენტოში წარდგენილ განაცხადს თან უნდა ერთვოდეს კოოპერატივის წესდება, მიწასა და/ან ქონებაზე საკუთრების დამადასტურებელი დოკუმენტი.

შეიძლება თუ არა კოოპერატივში გაერთიანდეს დარგობრივი საინფორმაციო საშუალება, მაგალითად http://agrokavkaz.ge/
თქვენ ჩემზე კარგად იცით, რამხელა დაბრკოლებები შექმნა სწორედ ინფორმაციის ნაკლებობამ. არა მარტო კოოპერაციული მოძრაობის, (რომლის დიდი გულშემატკოვარიც ვარ, რადგან მიმაჩნია რომ, ქვეყანაში არსებული შრომის ორგანიზაციის, მიგრაციის, დარგობრივი განათლების და სხვა მრავალის დღევანდელი დონის გამო, კოოპერაცია საუკეთესო საშუალებაა სოფლის მეურნეობისა და სასოფლო დასახლებების განვითარებისთვის) არამედ ზოგადად დარგობრივი განვითარებისთვის აუცილებელია საინფორმაციო საშუალებების სტიმულირება, შექმნა, განვითარება.
წინასწარ მადლობთ პასუხისთვის http://agrokavkaz.ge/

This post has been edited by agrokavkaz on 3 Sep 2014, 22:19