რა კავშირშია ზურაბ კობეშავიძის ოჯახი იოსებ გიორხელიძის გატაცების ფაქტთან

შს სამინისტროში 19 წლის იოსებ გიორხელიძის გატაცების ფაქტზე, გამოძიების კითხვებს მომღერალ ზურაბ კობეშავიძის უფროსი ძმა ჰამლეტ კობეშავიძე პასუხობს.
შს სამინისტროს პრესსამსახურის ინფორმაციით, დღესვე გამოძიება მომღერალ ზურაბ კობეშავიძესაც დაჰკითხავს. როგორც „კვირასთან“ მომღერალმა განაცხადა, მან მომხდარის შესახებ გუშინ შეიტყო.
„შემთხვევით ჩავედი არმაზში, სადაც ჩვენი საგვარეულო აგარაკია და იქ შევიტყვე იოსებ გიორხელიძის გატაცების შესახებ. ეს აგარაკი ჯერ კიდევ 1958 წლიდან მამაჩემს ეკუთვნოდა. მამაჩემი – მიხეილ (გრიგოლ) კობეშავიძე სახალხო არტისტი იყო და ის რამდენიმე წლის წინ გარდაიცვალა. სახლის მესაკუთრე ჩემი უფროსი ძმაა. ამ აგარაკზე ზაფხულობით ჩავდივართ ხოლმე, მე ჩემი ოჯახით და ჩემი უფროსი ძმა თავისი ოჯახით. ძალიან ცუდი ფაქტი მოხდა. მამუკა ჭუმბურიძე, ჩვენი სიძეა. ჩემი ძმის შვილის მეუღლეა. ის რამდენიმე წელია კერძო დაცვაში მუშაობს და სამი შვილის მამაა. ის გამოძიებასთან თანამშრომლობს და რამდენჯერმე დაჰკითხეს კიდეც. მოკლედ, ძალიან ცუდ ამბავში აღმოვჩნდით, ამ ეტაპზე გამოძიების უწყება ჯერ არ მიმიღია. თუ გამოძიებას კითხვები ჩემთანაც გაუჩნდება, მზად ვარ ვითანამშრომლო“, – აღნიშნა ზურაბ კობეშავიძემ „კვირასთან“ საუბრისას. http://kvira.ge/?p=101344

მიმაგრებული სურათი