მოკლედ: მოკლედ, მართალია, ეკონომიკის და ჩინოვნიკების ხელფასების/მანქანების მხრივ მაინც და მაინც არაა კარგი სიტუაცია, მაგრამ, სამაგიეროდ, არც ომია და თან მედია სუნთქავს თავისუფლად.
TI ("საერთაშორისო გამჭირვალობა") განსაკუთრებით აღნიშნავს თავისუფლად სუნთქვის დონეს კონკრეტული გამოცემის, "ქრონიკა+"-ის 18 ნოემბრის გამოშვებაში.
ხსენებულ გამოშვებაში, რომელიც უპრობლემოდ იყიდება ყველგან, (უბრალოდ, დიდი ინტერესის გამო, მთელი ტირაჟი გაიყიდა და ხსენებულ 18 ნოემბრის ნომერს ვეღარ იყიდით), არის მოყვანილი შემდეგი ფაქტები:
1) გიორგი ზედელაშვილის ოჯახის წევრებისა და ნათესავების მფლობელობაში არსებულ კომპანიების მიმოხილვა და მათი მონაწილეობა სახელმწიფო ტენდერებში
2) ნახსენებია რამდენიმე სხვა თანამდებობის პირი, მათ შორის რეგიონული განვითარებისა და ინფრასტრუქტურის მინისტრი დავით შავლიაშვილი და საავტომობილო გზების დეპარტამენტის თავმჯდომარის მოადგილე ვაჟა ფანჩულიძე
3) მასალაში ასევე საუბარია „ქართული ოცნების" პოლიტსაბჭოს აღმასრულებელი მდივნის ზვიად ჯანყარაშვილის ბიზნეს ინტერესებზეც.
სტატიიდან ირკვევა, რომ ყველა ზემოთ აღნიშნული პირი ერთმანეთს სხვადასხვა კომპანიებში არსებული საერთო წილების მეშვეობით უკავშირდება.
ხო და წარმოიდგენდით ასეთ სტატიაც ნაცებეს დროს, ჰაა, ნაცულიკებო?
მადლობა, ბატონო ბიძინავ, თქვენ გაიხარეთ...
ძალიან საყვარელი ფოტოშოპია, იმჰო, ძალიან კარგად ასახავს ბატონი ბიძინას ადამიანობას, ალტრუიზმს, სიბრძნეს:
ორიგინალი:
„საერთაშორისო გამჭვირვალობა – საქართველო” ეხმიანება გაზეთ „ქრონიკა +”-ის 18 ნოემბრის ტირაჟიდან ამოღების საეჭვო გარემოებას
გაზეთ „ქრონიკა +”-ის 18 ნოემბრის ნომერში გამოქვეყნებული იყო სხვა მასალასთან ერთად სტატია, რომელიც შინაგან საქმეთა მინისტრის პირველი მოადგილის გიორგი ზედელაშვილის ოჯახის წევრებისა და ნათესავების მფლობელობაში არსებულ კომპანიებს მიმოიხილავს და აღწერს მათ მონაწილეობას სახელმწიფო ტენდერებში. სტატიაში მოხსენიებულია რამდენიმე სხვა თანამდებობის პირი, მათ შორის რეგიონული განვითარებისა და ინფრასტრუქტურის მინისტრი დავით შავლიაშვილი და საავტომობილო გზების დეპარტამენტის თავმჯდომარის მოადგილე ვაჟა ფანჩულიძე. მასალაში ასევე საუბარია „ქართული ოცნების" პოლიტსაბჭოს აღმასრულებელი მდივნის ზვიად ჯანყარაშვილის ბიზნეს ინტერესებზეც. ჯანყარაშვილი შინაგან საქმეთა სამინისტროში გენერალური ინსპექციის ყოფილი უფროსია. სტატიიდან ირკვევა, რომ ყველა ზემოთ აღნიშნული პირი ერთმანეთს სხვადასხვა კომპანიებში არსებული საერთო წილების მეშვეობით უკავშირდება.
ჩვენს ხელთ არსებული ინფორმაციით გაზეთ „ქრონიკა +”-ის ბოლო გამოშვების შესყიდვა ორგანიზებულად ყველა დისტრიბუტორიდან ერთდროულად მოხდა და იგი საბოლოო მომხმარებლებამდე ვერ მივიდა. “საერთაშორისო გამჭვირვალობა – საქართველომ” ეს ინფორმაცია გადაამოწმა თბილისსა და საქართველოს სხვა დიდ ქალაქებში (ბათუმი, ქუთაისი და ზუგდიდი) გაზეთების რამდენიმე ჯიხურში და აღმოჩნდა, რომ გაზეთი „ქრონიკა +”-ის 18 ნოემბრის გამოშვება არ იყიდება.
თანამდებობის პირების შესაძლო ბიზნეს ინტერესები და მათთან დაკავშირებული სახელმწიფო შესყიდვები საზოგადოებრივი ინტერესის შემცველი საკითხია, რადგანაც მსგავსი მასალები მოქალაქეებს აწვდის ინფორმაციას ინტერესთა კონფლიქტისა და კორუფციის შესაძლო შემთხვევებზე.
„საერთაშორისო გამჭვირვალობა – საქართველო” არ ფლობს ინფორმაციას სტატიაში მოცემული ფაქტების სისწორის შესახებ, თუმცა, ის გარემოება, რომ გაზეთის ეს ნომერი გაყიდვაში არ არის, აჩენს ეჭვებს, რომ ადგილი ჰქონდა ინფორმაციის გავრცელების გამიზნულად შეფერხებას იმ მიზნით, რომ მოქალაქეებს ხელი არ მიუწვდებოდეთ თანამდებობის პირების შესახებ გამოქვეყნებულ კრიტიკულ ჟურნალსიტურ მასალებზე.
წყარო (ტრანსპარენსი.გე)
TI, ქრონიკა+ და თ-ლი მედიის თავისუფლად სუნთქვა, გიორგი ზედელაშვილის ოჯახის კომპანიების მიმოხილვა
