გამარჯობა
ამ განყოფილებაში არ ვაქტიურობ განსაკუთრებით და თუ არ ვცდები, ეს ჩემი პირველი თემაა აქ.
დარწმუნებული ვარ ასეთი თემა იარსებებს, მაგრამ მოდერებს ვთხოვ მომიტევონ ახალი თემის გახსნა.
მოკლედ ლაპარაკი მაქვს სიტუაციაზე, როცა ქალი მამაკაცზე გაცილებით უმცროსია და უკვე მომდევნო თაობას ეკუთვნის.
ქართული სინამდვილიდან ეხლა კოტე თოლორდავა და ნიკა გრიგოლია მახსენდება.
არ ვკითხულობ რატომ უნდა აინტერესებდეს მამაკაცს ასეთ (გაცილებით უმცროს) ქალთან ურთიერთობა. აქვს ამას თავისი კარგი მხარეები... სიტყვას მოყვა და უარყოფითიც კაი ბლომად.
მაინტერესებს ქალს რატომ უნდა აინტერესებდეს ეს.
1. რატომ უნდა მოსწონდეს ქალს უფროსი მამაკაცი, მისი უფროსობის გამო?
2. თუ ასეთი განსხვავება არ იზიდავს, მაშინ რატომ არ უნდა იყოს ეს მისთვის დაბრკოლება?
ზუსტად რომ მიხვდეთ რამხელა განსხვავებაზეა საუბარი, დავაკონკრეტებ.
აი ზემოთ კოტე და ნიკა ვახსენე. თუ არ ვცდები, სადღაც 12-14 წლით უმცროსი ცოლი ჰყავს ორივეს (ისე ორივე მეორე ქორწინებაა
).
ავიღოთ საშუალოდ 13 წელი.
აი მე ვარ ეხლა 37 წლის. მინუს 13 არის 24.
მე ვერ წარმომიდგენია, რამ უნდა აიძულოს 24 წლის ბავშვი, ჩემთან რამე სერიოზული ურთიერთობა მოინდომოს.
სიმართლე გითხრათ მე ისიც ვერ გამიგია, მე რამ უნდა მაიძულოს ეს და რახან დავიწყე, ბარემ ჩამოვთვლი ჩემი მხრიდან დაბრკოლებებსაც.
პირველ რიგში მინდა გითხრათ, რომ ამხელა სხვაობა ასაკში არასერიოზული ურთიერთობისთვის (დავკონკრეტდები: სპორტული სექსი) ნორმალურია.
აი დანარჩენზე რა გითხრათ...
უბრალოდ მახსოვს მე ჩემი თავი 24 წლის ასაკში და მიუხედავად იმისა, რომ ეხლაც არაა ჩემთვის უცხო ახალგაზრდული სისულელეები, მაინც სულ სხვანაირად აღვიქვამ ყველაფერს. ჩემი ახალგაზრდული სისულელეებიც არაახალგრაზრდის მიერ ჩადენილი ახალგაზრდული სისულელეებია. შეიძლება ის 24 წლის ბავშვი ვერ ხვდებოდეს როგორ შეხედავს სამყაროს 13 წლის მერე, მაგრამ მე ხომ ვიცი როგორ იყო ეს 13 წლის წინ... შეიძლება მისი გაგება არ გამიჭირდეს, მაგრამ მიღება(?!)...
და ნუ რა გამოდის, ის 24 წლის გოგო უნდა გადაერთოს 37 წლის კაცის მსოფლმხედველობაზე, ცხოვრების სტილზე, რეჟიმზე და ათას უბედურებაზე კიდევ? რატომ უნდა "გაიფუჭოს" ახალგაზრდობა?
და თუ არ გაიფუჭებს, ელემენტარულად როგორ უნდა გაუგონ ერთმანეთს?
უბრალო ენით რომ ვთქვა, 24 წლისას სუუულ სხვანაირად უქრის თავში (რაც გინდა სერიოზული ადამიანი იყოს) და 37 წლისას სულ სხვანაირად (რაც გინდა არასერიოზული იყოს).
არ ვიცი... კიდევ ბევრი კითხვა/სათქმელი მქონდა, მაგრამ ჯერ ამაზე გავჩერდები.
მაზოხისტ იუზერს სადისტი მოდერი შეუქმნის ინტიმურ გარემოს რა პრობლემაა? © გუბაზიანი
· 
როცა კაცი ქალზე გაცილებით უფროსია, რატომ უნდა მოუნდეს ქალს ასეთი ურთიერთობა?
