რამდენიმე დღის წინ, ზალიკო ბერგერი და ნინა წკრიალაშვილი ჰოლანდიიდან დაბრუნდნენ. იქ მეგობრებმა ხუთი დღე გაატარეს. რას ემსახურებოდა მათი ვიზიტი, ზალიკო თავად გიამბობთ.
– მე და ნინამ ნათლისღების დღესასწაულზე ჰოლანდიაში, კერძოდ, როტერდამში მოვნათლეთ ჩვენი ქართველი მეგობრების, ლიკა ლომჯარიას და დიმიტრი კორთხონჯიას შვილი, ელისაბედი. სწორედ მათ გაგვიკეთეს საჩუქარი და გვიყიდეს აეროპორტის ბილეთები. ოღონდ ბილეთებთან დაკავშირებით ისეთი ჩეპე დაგვემართა თბილისი აეროპორტში, ოცი წუთის განმავლობაში მე და ნინა გაოგნებულები ვუყურებდით ერთმანეთს. გაფრენის დრო ბილეთზე ეწერა, 06:15. ნინამ ღამის ოთხის ნახევარზე გამომიარა, არ დაგვაგვიანდესო და ხუთის წუთებზე უკვე აეროპორტში მივედით. აღმოჩნდა, რომ საღამოს შვიდის თხუთმეთ წუთზეა გაფრენა. ვდგავართ ბარგით ხელში და არ ვიცით, რა ვქნათ. ერთმანეთს ვუყურებდით, ყველა ჩვენ დაგვცინოდა. რაღას ვიზამდით, წავედით, ყავა დავლიეთ და დავიშალეთ სახლებში. საღამოს ოთხის ნახევარზე თავიდან წავედით აეროპორტში.
ჩვენი ვიზიტი საქმიანიც გახლდათ. მე, ნინა და ჩვენი იქაური მეგობარი ლიკა ვაპირებთ საერთაშორისო არასამთავრობო ორგანიზაციის შექმნას. შეხვედრა გვქონდა საქართველოს საელჩოში.
– საკუთარი თავი როგორ წარმოგიდგენია არასამთავრობო ორგანიზაციაში, რას გააკეთებ?
– გავაკეთებ იმას, რაც შემიძლია. კომუნიკაბელური ვარ, ამ კუთხით ვიმუშავებ. იურისპრუდენციის შესწავლას არ ვაპირებ. თან, ჩემს პარტნიორს, მოდელიერ, ტესა კუბსს 17 იანვარს გამოფენა ჰქონდა ამსტერდამის ცენტრში, „ვისკონტრში“. მის გამოფენასაც დავესწარით. ტესაც ჩართული იქნება მომავალში ჩვენ არასამთავრობო საქმიანობაში.
– გართობა თუ მოასწარით?
– ერთი დღე გავერთეთ მხოლოდ, შაბათს. ჩვენი მასპინძლების სახლთან არის „ვიაიპი“ კლუბი, სადაც მოხვედრა ძალიან რთულია. უნდა გიცნობდნენ ან კლუბის წევრი უნდა იყო, ან წინასწარ გადახდილი და დაჯავშნილი გქონდეს ადგილი. ჩვენმა მასპინძლებმა დაგვიბრონეს ადგილები. ჩვენი მომღერალიც სათანადოდ გამოიპრანჭა. ევროპაში მგონი არსად აღარ ეწევიან, ჰოდა, სადაც მოსაწევი ადგილი იყო, ყველგან ვიყავი, ყველა მწეველი გავიცანი და გავაცანი ნინაც. „ფემოუ სინგერ ფრომ ჯორჯია, ში ზე სთარ“, ვაცხადებ ნინაზე მთელი ხმით. იქვე ნინას და შორენას „იუთუბის“ ლინკები გავუგზავნე ყველას. მეორე დღეს ნახვებმა მოიმატა „იუთუბზე“, ნინა „პოპულარნია“ უკვე ჰოლანდიაში (იცინის). მერე ვღადაობდით, მომავალში შეიძლება გასტროლიც მოვუწყოთ ნინას ჰოლანდიაშიო. თან ისეთი ხალხი გავიცანი, ბანკის მფლობელები და ორგანიზაციების დირექტორები. 20 თებერვალს ბანკის დირექტორის ცოლის დაბადების დღეზე ვართ დაპატიჟებულები. იმ კლუბში ფოტოების გადაღება არ შეიძლებოდა, ამიტომ ბევრი ფოტო ვერ გადავიღეთ, მაგრამ ყველას გავაგებინეთ რომ ქართველი „ვიპები“ ვიყავით. საკუთარი თავი მე წარვუდგინე იქ მყოფთ (იცინის).
http://primetimenews.ge/news/%E1%83%96%E1%...83%AC%E1%83%99/კარგია
რაც მეტი ცნობადი და ხალხისთვის საყვრელი სახე ჩაერთვება პროცესებში , მით უკეთესი!
This post has been edited by DELUX-TP on 26 Jan 2015, 16:54
მიმაგრებული სურათი
· 
ზალიკო ბერგერი და ნინა წკრიალაშვილი არასამთავრობო, ორგნიზაციას ქმნიან
