#17 ციხის დირექტორი გასკვანჩეს

http://intermedia.ge/tv/იმედი/20...3-59-15/ref:url










სასჯელაღსრულების #17 დაწესებულების ყოფილი დირექტორი ბრალდებას არ აღიარებს


13:55 11-02-2015



სასჯელაღსრულების #17 დაწესებულების ყოფილი დირექტორი ბრალდებას არ აღიარებს სასჯელაღსრულების #17 დაწესებულების ყოფილი დირექტორი გიორგი ელიზბარაშვილი ბრალდებას არ აღიარებს.
როგორც "ინტერპრესნიუსს" ელიზბარაშვილის ადვოკატმა, თამარ აბესაძემ განუცხადა, მისი დაცვის ქვეშ მყოფი ამ წუთებში მოდულის შენობის წინასწარი დაკავების იზოლატორში ჰყავთ მოთავსებული და ბრალს დღის მეორე ნახევარში ოფიციალურად წარუდგენენ.
ადვოკატის ინფორმაციით, ელიზბარაშვილის დაკავების შესახებ განჩინებაში მითითებულია, რომ მას სისხლის სამართლის კოდექსის 332-ე მუხლით გათვალისწინებულ დანაშაულს ედავებიან, რაც სამსახურებრივი უფლებამოსილების ბოროტად გამოყენებას გულისხმობს.
კერძოდ, თამარ აბესაძის ინფორმაციით, ბრალდების მხარის მტკიცებით, მიმდინარე წლის 1 იანვარს, გიორგი ელიზბარაშვილმა დაწესებულების ტერიტორიაზე თავისუფალი გადაადგილების უფლება მიანიჭა გარკვეულ პატიმრებს, რომლებმაც ამავე დაწესებულებაში განთავსებული გიორგი მილაშვილი აწამეს.
ადვოკატის ცნობით, გიორგი ელიზბარაშვილი ციხის დირექტორის თანამდებობიდან დაახლოებით ერთი თვის წინ, სწორედ ამ ფაქტთან დაკავშირებით გაათავისუფლეს. ადვოკატი აცხადებს, რომ ელიზბარაშვილი დანაშაულის დროს, ციხეში არ იმყოფებოდა. ამასთან, დაკავებულის დამცველის თქმით, იქიდან გამომდინარე, რომ #17 დაწესებულება ნახევრად ღია ტიპის არის, საჭიროება არ იყო პატიმრების სრული იზოლირება.


This post has been edited by 7-november on 11 Feb 2015, 14:03