ექსკლუზივი – "ბათუმი თაუერს" დეველოპერული კომპანია "რედკო" ყიდულობსhttp://commersant.ge/index.php?m=5&news_id=19601&cat_id=6,22„ბათუმი თაუერს" დეველოპერული კომპანია „რედკო" ყიდულობს. ობიექტზე გამოცხადებული აუქციონი დღეს 17:00 საათზე დასრულდება. ობიექტი 25 მილიონ ამერიკულ დოლარად იყიდება. ამის გარდა, კომპანიამ 15 მილიონის საინვესტიციო ვალდებულება უნდა განახორციელოს.
„რედკოს" წარმომადგენელი მალხაზ კომელაური „კომერსანტთან" აცხადებს, რომ გუშინდელი მდგომარეობით, მხოლოდ "რედკომ" გამოთქვა აუქციონში მონაწილობის სურვილი.
მისივე განცხადებით, რამდენიმე საათში თუ არაფერი შეიცვალა, „რედკო" გამარჯვებულიც გახდება.
კომელაურის განცხადებით, კომპანიამ საპრივატიზებო ქონების ბაზაზე სასტუმრო კომპლექსისა და მასთან დაკავშირებული ინფრასტრუქტურის (მათ შორის, სპორტულ-გამაჯანსაღებელი სივრცე, გასართობი ობიექტები და სხვა) შექმნისათვის საჭირო შენობა-ნაგებობების მშენებლობის/რეკონსტრუქციის და მისი მოწყობა-აღჭურვის წარმოების პროცესში პირადად ან/და მესამე პირ(ებ)ის მეშვეობით უნდა უზრუნველყოს 15 მილიონი დოლარის ინვესტიციის განხორციელება შესაბამისი ხელშეკრულების გაფორმებიდან 36 თვის ვადაში.
კომელაური აცხადებს, რომ „ბათუმი თაუერით" კომპანია „რედკო" იმიტომ დაინტერესდა, რომ ქალაქ ბათუმს დიდი ტურისტული პოტენციალი აქვს. შედეგად, მათთვის ეს პროექტი მომგებიანი იქნება.
სახელმწიფო ქონების ეროვნული სააგენტოს ვებგვერდზე გავრცელებულ ინფორმაციაში ნათქვამია, რომ აუქციონი 25 თებერვალს გამოცხადდა.
აუქციონზე გამოტანილია 4504.00 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული N01/36 მშენებარე შენობა-ნაგებობა და ამავე შენობაზე განთავსებული მოძრავი ქონება, კერძოდ, ,,მიმოხილვის (სათვალთვალო) ბორბალი" და 740 კვ.მ გარე გამოყენების ლედ-მედია ეკრანი.
პირობების ჩამონათვალია: ელექტრონული აუქციონის დასრულებიდან 30 კალენდარული დღის ვადაში 8 რვა მილიონი აშშ დოლარის გადახდა, შესაბამისი ხელშეკრულების გაფორმებიდან 6 თვის ვადაში ჯამში გადახდილმა თანხმა 15 მილიონი აშშ დოლარი უნდა შეადგინოს. ასევე შესაბამისი ხელშეკრულების გაფორმებიდან 12 თვის ვადაში გადახდილმა თანხამ 20 მილიონი აშშ დოლარი უნდა შეადგინოს. შესაბამისი ხელშეკრულების გაფორმებიდან 18 თვის ვადაში საპრივატიზებო საფასურის დარჩენილი ნაწილის გადახდა.
აღსანიშნავია, რომ დეველოპერული კომპანია „რედკო" გუდურში აპარტოტელებს ფლობს. გარდა ამისა, კომპანია გუდაურში, ბაკურიანსა და ბათუმში სასტუმროებისა და საცხოვრებელი ობიექტების ფლობს.
"ბათუმი თაუერის" მშენებლობა 2012 წელს დასრულდა, მასში ბათუმის ტექნოლოგიური უნივერსიტეტის გახსნა იგეგმებოდა. 188 მეტრი სიმაღლის შენობა 35 სართულიანია.
· 
"ბათუმი თაუერს" დეველოპერული კომპანია "რედკო" ყიდულობს
