გურჯაანში საპატრულო პოლიციის თანამშრომლები ცემეს. კახეთის საინფორმაციო ცენტრის ინფორმაციით, მძღოლი, რომელიც პოლიციელებმა გააჩერეს, არ დაეთანხმა მათ შენიშვნას, რომ ღვედის გარეშე მოძრაობდა, რამაც ფიზიკური დაპირისპირება გამოიწვია.
თვითმხილველების თქმით, მას შემდეგ რაც მძღოლმა საპატრულო პოლიციის თანამშრომლებს მიმართა, რომ ღვედის გარეშე არ მოძრაობდა, პოლიციელებმა ის დაადანაშაულეს, რომ მანქანის მართვის დროს მობილური ტელეფონით საუბრობდა, რასაც მძღოლი ასევე არ დაეთანხმა და პოლიციელებს უთხრა, რომ მისი მობილური გაცუდებული იყო და არ საუბრობდა. ამის მიუხედავად, საპატრულო პოლიციის თანამშრრომლებმა მისთვის ადმინისტრაციული სამართალდარღვევის ოქმის შედგენა გადაწყვიტეს, რამაც მძღოლი გააღიზიანა. მის მიერ პროტესტის გამოთქმის შემდეგ, პოლიციელებმა მძღოლის დაკავება სცადეს,რა დროსაც მძღოლმა მათ ფიზიკური შეურაცხყოფა მიაყენა. მძღოლი მას შემდეგ დააკავეს, რაც ინციდენტის ადგილზე საპატრულო პოლიციის სამი ეკიპაჟი გამოცხადდა.
შს სამინისტროში საპატრულო პოლიციის თანამშრომლების ცემის ფაქტს არ ადასტურებენ.
წყარო:
http://ick.ge/rubrics/society/21301-i.html 
This post has been edited by M-A-S-E-R-A-T-I on 31 Mar 2015, 23:46 
· 
გურჯაანში საპატრულო პოლიციის თანამშრომლები ცემეს
