არ დაიჯერებთ, 13 მარტს, თბილისის დროით, დილის 10 საათზე საქართველოში ერთობ ნიჭიერი პოეტი აღმოვაჩინე. ის აქამდე მხოლოდ პოლიტიკაში მოღვაწეობდა და თავადაც არ იცოდა, რა ნიჭის პატრონი იყო. მსგავსი მაგალითები მსოფლიო ისტორიას მრავლად აქვს: მაგალითად, უილიამ სომერსეტ მოემი სიჭაბუკის წლებში ენაბლუ გახლდათ და არც გრამატიკის ელემენტარული წესებისა გაეგებოდა რამე, მაგრამ მოგვიანებით უდიდესი მწერალი გახდა. ასევე, იყო პოლ გოგენის შემთხვევაშიც, კაცმა 47 წლის ასაკში იგრძნო, რომ ხატვა შეეძლო და იმდენი შედევრი შექმნა, ბოლოს ერთ ქოხში ჩაიკეტა, შიგნიდან მოხატა, მერე ცეცხლი წაუკიდა და თავიც დაიწვა. ყველაფერს აქვს თავისი საწყისი მიზეზი... მაგალითად, "ლეიბორისტების" ერთ-ერთი ლიდერი, გიორგი გუგავა ლარის კურსის დაცემამ ისე გაამწარა, თაროდან გალაკტიონის წიგნი გადმოიღო, გადაფურცლა და ერთი ლექსი თავისებურად გადაამუშავა:
"ლარი ქრის, ლარი ქრის,
ლარი ქრის,
ფასები დაქრიან ლარ და ლარ,
ხალხის ჯარს, ხალხის რიგს
წელში ხრის.
ბიძინა, დაყაჭე უფასო ფულები,
სადა ხარ? სადა ხარ? სადა ხარ?" დამეთანხმებით, ძალიან საინტერესო და "ნიჭიერულად" გაკეთებული ინტერპრეტაციაა, ამ შემთხვევაში მთელი დატვირთვა ლარზე, ქარზე და ბიძინა ივანიშვილზე მოდის... მართლაც, ბატონო ბიძინა, სადა ხარ, სადა ხარ, სადა ხარ? ამ ლექსს ისე ვერ გამოვაქვეყნებდი, გალაკტიონის თანაავტორს რომ არ გავსაუბრებოდი:
- გიორგი, გამარჯობა, ეს "ლარი ქრის, ლარი ქრის", თქვენი ლექსია?
- გაუმარჯოს გელას, ჩემი არა, გალაკტიონის ლექსის პერიფრაზია.
- ეგ ვიცი, კაცო, ჰოდა, ბოლო ვარიანტი თქვენი ნამუშევარია?
- კი, უფროსო.
- უნდა გამოვაქვეყნო, სხვა ლექსებიც ხომ არ გაქვთ?
- ჯერ არა.
- დასაწყისი კარგია, ასე გააგრძელეთ და ამასობაში შეიძლება ორიგინალებიც გამოურიოთ. "ვსიო", ვბეჭდავ, თან ვამბობ, ლარის კურსის დაცემამ გუგავა ისე გაამწარა, ლექსების წერა დაიწყო-მეთქი.
- როგორც გენებოთ, გელა ბატონო, თქვენა ხართ პირველი, ვინც ჩემს "შემოქმედებით ნიჭს" მიაქცია ყურადღება. იქნებ ლექსად მაინც შევაგონოთ რამე მთავრობას.
- გაიხარეთ... დიდი პოეტი რომ გახდებით, ეს აღმოჩენა არ დაივიწყოთ, მე აღმოგაჩინეთ.
- არა, ამას როგორ დავივიწყებ?
მოკლედ, რაღა დაგიმალოთ და... ლარის კურსის დაცემამ "ლეიბორისტებზე" ისე იმოქმედა, მთელი ქართული კლასიკა "ზინყზე" დასცეს ("ზინყი" აღმოსავლური სიტყვაა და ჭიდაობის დროს ზურგზე დაცემას ნიშნავს). მაგალითად, შალვა ნათელაშვილის მეუღლე, ბელა ალანია თავის წუხილს აკაკი წერეთლისებურად გამოხატავს:
"ლარიკო, ჩემო ლარიკო,
დოლარმა, ნახე, რა გიყო?
ჩამოვჯდეთ, გამოვიტიროთ,
მოდი, დარდები გავიყოთ.
ეკონომიკას დანდობა,
არა სცოდნია, გავიგოთ,
განა, ასეთი რა მოხდა,
განა, ასეთი რა იყო?
იცოდე, უნდა დაგვინდო,
ძალიან მინდა, გაგვიგო,
გემუდარები, ძამიკო,
ეგებ, ცოტათი დაიკლო?" თავის დროზე, როცა აკაკი წერეთელი ქუთაისის ბანკში "პენციის" ასაღებად მივიდა და უარით გამოისტუმრეს, ჯერ არ არისო, დაჯდა და დაწერა:
"ფულიკო, ჩემი ფულიკო,
ვერ ვნახე, დაკარგულიყო". ფულის გაუფასურება, პენსიის არმიცემა, თანხების უკმარისობა და საერთოდ, ამ თემაზე ტირილი ქართულ სინამდვილეში ახალი არ არის, ეს პრობლემა ოდითგან მოდის. მაგალითად, პოეტი ლადო გოგოლაძე თავის წუხილს ასე გამოხატავს (გული მიგრძნობს, ბატონი ლადოც "ლეიბორისტია"):
"მაშინ, როდესაც გავჩნდი,
გარეთ ყოფილა დარი,
მამას კუპონი ერქვა,
მე კი დამარქვეს ლარი.
მინდოდა, ჩემს ქვეყანაში
მარტოს მემღერა სოლო,
ალბათ, პატრონი არ მყავს,
რადგან მომეღო ბოლო.
მივიწევ ქვევით-ქვევით,
ვნატრობ ბავშვობას, წარსულს,
მე ვემსგავსები მამას -
კუპონს უდროოდ წასულს.
ჯიბე-ჯიბობდა, ერთ დროს,
თუ ჩემით იყო სავსე,
გამაგებინე, ნოდარ,
რატომ გამწირე ასე?!
რად დამაყენე ეს დღე?!
რატომ დავეშვი ყირა?!
რომ აღარ ფიქრობთ ჩემზე
მანეთი ვარ, თუ ლირა?
სიკვდილ-სიცოცხლის მიჯნას
მივუკაკუნე ნელა,
დოლარი როგორ ბრწყინავს,
ჩემთან კი როგორ ბნელა.
ვინც ვერ მოაბით თავი
ჩემს დახმარებას, შველას,
ფრთხილად იყავით აწი
გადაგიყოლებთ ყველას!" დასკვნა: ამჯერად აღმოვაჩინე ერთი პერსპექტიული პოეტი, ყურადღება მივაქციე ერთ უკვე სტილისტურად გამართულ პოეტს და ვნახე ასევე ერთი პოეტი, რომელსაც შეუძლია გარდასახვა დაჩაგრულ ლარად. განვაგრძობ ძიებას.
http://alia.ge/article.php?id=1442( აქ დავწერე თუ ჩემ ბლოგში კარგა არ მახსოვს ) ლეიბორისტებზე ნიჭიერი შემადგენლობა არცერთ პარტიაში არ არის.
დასანანია რომ მხატვარმა იოსებ შატბერაშვილმა დატოვა პარტია ...
გეცოდინებათ მისი პოლიტიკურ-სატირისტული ჩანახატი "ინფლაციის შევსება "
» სპოილერის ნახვისთვის დააწკაპუნეთ აქ «
პ/ს/
pepsi ბატონო შალვა , ვიცი რომ თქვენც ამღერებთ კალამს
გთხოვთ, თქვენც გამოამზიურეთ შემოქმედება
This post has been edited by DELUX-TP on 30 Apr 2015, 08:58 
რატომ დაიწყო ლექსების წერა გიორგი გუგავამ?
