გეი ქორწინების კურთხევის პრაქტიკა ქრისტეს ეკლესიაში, თავს ვერ დავდებ, თუმცა ასე ამბებობენ 17 მაისის სასტავი

კიევის ხელოვნების მუზეუმში სინას მთის წმ. ეკატერინეს სახელობის მონასტრიდან წამოღებული ორი ქრისტიანი წმინდანის ხატი ინახება. წმინდანთა შორის რომაული ტრადიციისამებრ მეჯვარეა (pronubus) გამოსახული, რომელიც ქორწილის მეთვალყურედ არის მიჩნეული. ამ შემთხვევაში Pronubus არის ქრისტე, ხოლო წყვილიდან, რომელიც ქორწინდება, ორივე მამაკაცია.

ბუნებრივია, ჩნდება კითხვა – ხატზე გამოსახული გეი „ქორწილი“ ქრისტეს მიერ ეკურთხება? იდეა ბევრისთვის შესაძლოა შოკისმომგვრელი ჩანს, მაგრამ ამ კითხვაზე პასუხის გაცემა თვითონ ხატზე გამოსახული წმინდანების ისტორიიდან შეიძლება. ხატზე ორი რომაელი ჯარისკაცი წმინდა სერგი და ბაქოსია, რომლებიც ქრისტესთვის ეწამნენ (დაახლ. 303 წელი). წმინდანები რომაელმა იმპერატორმა მაქსიმიანემ ქრისტეს რჯულზე გადასვლისთვის მოაკვლევინა. მათგან ბაქოსი წამების დროს გარდაიცვალა, ხოლო სერგიმ წამებას გაუძლო და შემდეგ თავი მოჰკვეთეს. გადმოცემის თანახმად, მომაკვდავ სერგის ბაქოსი ანგელოზის სახით გამოეცხადა და უთხრა, არ შეშინებოდა, რადგან მალე სამოთხეში შეერთდებოდნენ. (წმინდანთა შესახებ მეტი ინფორმაციისთვის ნახეთ “წმინდანთა ცხოვრება” ტომი IV, თბილისი, 2003 წ.)

მაშინ, როდესაც წმინდანთა წყვილები, განსაკუთრებით ქრისტიანობის ადრეულ პერიოდში, უჩვეულოდ არ აღიქმებოდნენ, წმ. სერგისა და ბაქოსის ურთიერთობა ინტიმურად იყო მიჩნეული. სევერუსი, ანტიოქიის პატრიარქი (512-518) განმარტავდა, რომ “წმ. სერგი და წმ. ბაქოსი ცალ-ცალკე არ უნდა მოვიხსენიოთ, რამდენადაც ისინი ცხოვრებაშივე შეერთებულნი იყვნენ“.

რა თქმა უნდა, ეს „ძმობის“ შემთხვევა არ არის – მეათე საუკუნის ქრისტიანული მსახურებისას წმ. სერგი ღიად მოიხსენიებოდა, როგორც წმ. ბაქოსის „ტკბილი თანამგზავრი და საყვარელი“. ბაქოსისა და სერგის ახლო ურთიერთობა ძალიან ბევრ თანამედროვე მკვლევარს აფიქრებინებს, რომ ისინი მიჯნურები იყვნენ და არცთუ უსაფუძვლოდ. ამ თვალსაზრისით ყველაზე დამაჯერებელი მტკიცებულებაა მათი წამების შესახებ უძველესი ჩანაწერი (ინგლისური თარგმანი ხელმისაწვდომია აქ – “The Passion of SS. Serge and Bacchus”), სადაც ისინი მოხსენიებულნი არიან როგორც “erastai” – მიჯნურები, სხვა სიტყვებით რომ ვთქვათ, ჰომოსექსუალი წყვილი. მათი ორიენტაცია და ურთიერთობა არამხოლოდ აღიარებული, არამედ სრულად მიღებული იყო ადრეული ქრისტიანული ეკლესიის მიერ, რომელიც ბევრად უფრო ტოლერანტული იყო, ვიდრე თანამედროვე. შესაბამისად, იმ დროის ეკლესია ჩვეულებრივად აღნიშნავდა მათ მოსახსენიებელ დღეს. თუმცა, თანამედროვე კათოლიკე და მართლმადიდებელი (აღმოსავლეთ და ორიენტალური) ეკლესიაც, მათ შორის საქართველოს მართლმადიდებელი ეკლესია, დღესაც აღნიშნავს წმ. სერგისა და წმ. ბაქოსის ხსენების დღეს – 20 (ძვ. 7) ოქტომბერს.

მკვლევარების აზრით, ქორწინების ქრისტიანული კონცეფცია ქრისტეს არსებობის დროიდან არ ჩამოყალიბებულა, არამედ ის ნელ-ნელა ვითარდებოდა როგორც რიტუალი.

sergi-baqosi
წმ. სერგი და წმ. ბაქოსი – მე-7 საუკუნის ხატი
იელის უნივერსიტეტის ისტორიის დეპარტამენტის ხელმძღვანელმა პროფესორმა ჯონ ბოსველმა (1947-1994), რომელიც სექსუალობის შესახებ უამრავი თეოლოგიური კვლევის ავტორია, აღმოაჩინა, რომ უძველესი ქრისტიანული ეკლესიის ლიტურგიულ დოკუმენტებში, გარდა ჰეტეროსექსუალური ქორწინების ცერემონიებისა, მოიპოვება რიტუალები სახელწოდებით „ერთი სქესის ადამიანთა კავშირის წესი“(X-XI საუკუნეები) და „ორი მამაკაცის გაერთიანების შესახებ ბრძანება“ (XI-XII საუკუნეები).

ამ რიტუალს ჰეტეროსექსუალური ქორწინებისთვის დამახასიათებელი ყველა სიმბოლო და ატრიბუტი ჰქონდა: ხალხი ეკლესიაში იკრიბებოდა, წყვილი ილოცებოდა, მარჯვენა ხელებს ერთმანეთს ჭიდებდნენ, წმინდა აღთქმა იდებოდა, მოძღვარი აკურთხებდა, აზიარებდა და შემდეგ საყოველთაო ზეიმიც იწყებოდა. ყველა ეს კომპონენტი ბიზანტიის იმპერატორ ბასილ I (867-886 წლები) და მის კომპანიონ იოანეს წმინდა შეერთების თანამედროვე ილუსტრაციებშიც ჩანს.

მსგავსი კავშირების, თანამედროვე ენაზე რომ ვთქვათ, ლგბტ ქორწინების ან გეი ქორწინების, შემთხვევები მე-12 საუკუნის მიწურულისა და ადრეული მე-13 საუკუნის ირლანდიაშიც ხდებოდა. ამის შესახებ ცნობები უელსის მემატიანე ჯერალდმა (Geraldus Cambrensis) შემოგვინახა.

ამდაგვარი ცერემონიები უამრავი გხვდება პრე-მოდერსნიტულ ევროპაშიც. ერთი სქესის ადამიანთა შორის ქორწინების ჩანაწერები ეკლესიის უძველეს ლიტურგიულ დოკუმენტებშიც აღმოჩნდა. მაგალითისთვის, მე-13 საუკუნის ბერძნული ჩანაწერში „ბრძანება ერთი სქესის ადამიანთა კავშირის შესახებ“ ვკითხულობთ: „წმ. სერგისა და წმ. ბაქოსის სახელით, დაე ღმერთმა შეაერთოს მისი მსახურები [ნ და ნ], მოჰმადლოდეთ ერთმანეთისადმი სიყვარული და უერთგულონ ერთმანეთს სიძულვილისა და შუღლის გარეშე ცხოვრების ბოლომდე, წმინდა ღვთისმშობლისა და ყველა წმინდანთა წყალობით“. რიტუალი ასე მთავრდებოდა: „დაე ეამბორონ წმინდა წიგნს – ბიბლიას და შემდეგ აკოცონ ერთმანეთს“.

ამასთან, სხვა, მე-14 საუკუნის სერბულ-სლავური „ერთი სქესის ადამიანთა კავშირის წესი“, რომელიც ორ კაცს ან ორ ქალს აერთიანებდა, რიტუალის დროს წყვილის მიერ მარჯვენა ხელების ბიბლიაზე შეხებას ითვალისწინებდა. ამავდროულად, წყვილს მარცხენა ხელებში ქრისტეს ჯვარცმა უნდა სჭეროდათ. ბიბლიაზე ამბორის შემდეგ, წყვილს ერთმანეთისთვის უნდა ეკოცნა, რის შემდეგაც მღვდელი მათ აზიარებდა.

ქრისტიანულ ტრადიციაში ჰომოსექსუალური კავშირების შესახებ ჩანაწერები სხვადასხვა ქვეყნების არქივებშია გაბნეული და მათი ნახვა როგორც ვატიკანში, ისე სანკტ-პეტერბურგში, პარიზში, სტამბულსა და სინას მთაზეა შესაძლებელი. ეს დოკუმენტები მე-8-დან მე-18 საუკუნემდე პერიოდს ითვლიან. დომინიკანელმა მისიონერმა და აბატმა, ჟაკ გოარმა (1601-1653) მსგავსი ცერემონიების ნაბეჭდი კოლექცია ბერძნული მართლმადიდებლური ლოცვანის წიგნებში შემოგვინახა, “Euchologion Sive Rituale Graecorum Complectens Ritus Et Ordines Divinae Liturgiae” (პარიზი, 1667).

მაშინ, როდესაც ჰომოსექსუალობა გვიანდელ რომაულ პერიოდში არალეგალური იყო, ჰომოფობიური ჩანაწერები დასავლეთ ევროპაში მე-14 საუკუნის მიწურულამდე არც კი გამოჩენილა. მეტიც, ჰომოსექსუალური კავშირების კურთხევის პრაქტიკა აქ ჩვეულებრივ გრძელდებოდა.

წმინდა იოანე ლატერანის რომში 1578 წელს ცამეტი ჰომოსექსუალური კავშირი ეკურთხა უმაღლესი მესას დროს, რომელიც ვატიკანის სამღვდელოებასთან ერთად ტარდებოდა. ამის შესახებ თანამედროვე ჩანაწერებში ვკითხულობთ, რომ „ამ დროს ზიარების საიდუმლოც შესრულდა და ქორწინების კურთხევა ჩვეულებრივი წესით მოხდა“. ამასთან, ორი ქალის კავშირის კურთხევის შესახებ ცნობა მე-18 საუკუნის დალმატიას ჩანაწერში გვხვდება.

პროფესორ ბოსველის აკადემიური სწავლებები იმდენად დიდ და საფუძვლიან გამოკვლევებს ეყრდნობა და დოკუმენტებითაა გამყარებული, რომ ფუნდამენტალურ კითხვებს აყენებს როგორც თანამედროვე ეკლესიის ლიდერების, ისე ჰეტეროსექსუალი ქრისტიანების წინაშე და ეს კითხვები სწორედ ჰომოსექსუალობასთან დაკავშირებით მათ დამოკიდებულებებს ეხება.

ბუნებრივია, ძალიან რთულია ეკლესიისთვის უარყოს ის მტკიცებულებები, რომელიც მისსავე არქივში ინახება. თუმცა, ჩანს, რომ ის უარყოფის პრაქტიკას აგრძელებს მიუხედავად იმისა, რომ ეს მტკიცებულებები საკმაოდ დამაჯერებლად უჩვენებს, რომ თანამედროვე ეკლესიის პოზიცია – ჰომოსექსუალობასთან დაკავშირებით დამოკიდებულების უცვლელობის შესახებ, აქ საერთოდ არაფერ კავშირშია, რადგან ეკლესიას ჰომოსექსუალი წყვილების ქორწინების კურთხევის ხანგრძლივი პრაქტიკა ჰქონდა.

ეს მტკიცებულებები ცხადყოფს, რომ უკანასკნელი ათასწლეულების განმავლობაში სხვადასხვა ეპარქიებსა და კათედრალებში მთელი საქრისტიანოს მასშტაბით ირლანდიიდან დაწყებული, სტამბულით დამთავრებული და თვით რომის შუაგულშიც კი, ჰომოსექსუალური ურთიერთობა მიღებული იყო, როგორც ღვთით ნაბოძები სიყვარულისა და ვალდებულების გამოხატულება სხვა ადამიანის მიმართ, სიყვარული, რომელიც ზეიმობდა და დალოცვილი იყო თვით იესო ქრისტეს სახელით.

შენიშვნა: პროფესორი ჯონ ბოსველი რელიგიისა და ჰომოსექსუალობის თემაზე არაერთი კვლევის ავტორია. მისი წიგნებისა და სტატიების ნახვა ინგლისურ ენაზეა შესაძლებელი. ბოსველის ერთ-ერთი ყველაზე ცნობილი წიგნია „Same-Sex Unions in Premodern Europe“ – (1994 წელი).

ავტორი: თეონა გიგაური

В Риге прошел Европрайд-2015 (фото)
http://baltnews.lv/photo/20150620/1014003159.html



This post has been edited by Besa on 21 Jun 2015, 18:01

აი სულ მკიდია ქრისტეც და წმინდა ბაქოს შმაქოსიც, პიდარასტი პიდარასტია, და ნუ გაღუნეს ამ მეტრაკეებმა ტვინი რა.
კაცს იმისთვის აბია და ქალს იმისთვის აქვს ის რაც აქვს, რომ ერთმანეთისთვისაა შექმნილ-გამიზნული და არა ნაწლავში სადღნაუროდ, გენეტიკის და ბუნების წინააღმდეგ წასვლა კარგ შედეგამდე არ მიგვიყვანს.

ფერმის გამგე აპექსი,
ბიბლიოთეკარი ალექსი

და მისი ვაჟი ამბროსი

სადაა ხატი


დადეთ



............................................................

dustribushen

ქრისტიანობაში იყო ცერემონია Adelphopoiesis

https://en.wikipedia.org/wiki/Adelphopoiesis

მაგრამ ეს გეი ქორწინება არაა. თუ სწორად გავიგე, ამაზეა საუბარი

არცერთი მონოთეისტური რელიგია (არ ვგულისხმობ სხვადასხვა სექტებს სადც გაუკუღმართებული ურთიერთობები დოგმაა)
არცერთი საღვთო, წმინდა წიგნი არ ცნობს ერთსქესიანთა ერთობას. მსგავს მოსაზრებას ვერ ამოიკითხავთ ვერც ბიბლიაში, ვერც ყურნში და ა.შ. ვერსად. ხატის შესახებ გამოტანილი დასკვნა ცრუ ინტერპრეტაციაა. ისინი არიან უღმერთოდ დარჩენილი უმცირესობა და რაგინდ ბედნიერად, თავისუფლად გრძნობდნენ თავს არ მიესვლებათ არცერთ ღმერთთან. სანამ თვითონ არ მოინდომებენ ამას.

Alex_Bergman

რაღაც სისხლნაფიცობის მსგავსია