2015 წლის 26 ივნისს, „ნარკომანიასთან და ნარკოტიკების უკანონო ბრუნვასთან ბრძოლის საერთაშორისო დღე“-ს, “ნარკოტიკების მომხმარებელთა საქართველოს ქსელი“ (GeNPUD) და „ზიანის შემცირების საქართველოს ქსელი“ გეგმავს ქუჩის ნარკოტესტირების მანკიერი პრაქტიკის წინააღმდეგ საპროტესტო აქციების გამართვას საქართველოს სხვადასხვა ქალაქებში.
26 ივნისს 18:00 საათზე საპროტესტო აქციები გაიმართება ერთდროულად საქართველოს ხუთ ქალაქში: თბილისი, ქუთაისი, ბათუმი, ოზურგეთი, რუსთავი. აღნიშნულ ქალაქებში აქციები გაიმართება შინაგან საქმეთა სამინისტროს ნარკოლოგიური შემოწმების დაწესებულებებთან.
თბილისი - აღმაშენებლის ხეივანი № 113 (დიღმის მთავარი სამართველოს ეზოში მდებარე ნარკოლოგიური შემოწმების სამსახური);
ქუთაისი - ორახელაშვილის ქ. № 8
ოზურგეთი - ჭავჭავაძის ქ. № 3
ბათუმი - აბუსერიძის ქ. № 11
რუსთავი - მეგობრობის ქ. № 22ა
ქუჩის ნარკოტესტირება - რეპრესიული ნარკოპოლიტიკის მანკიერი ნაწილია, რომლის ფარგლებშიც ხორციელდება ადამიანების უკანონოდ და შერჩევითად ქუჩაში დაკავება და ნარკოლოგიურ ტესტირებაზე გადაყვანა. გადაყვანას ექვემდებარება ნებისმიერი ადამიანი, რომელიც გამოიწვევს საფუძლიან ეჭვს სამართალდამცავი ორგანოების წარმომადგენლებში. აღნიშნული პრაქტიკის განსახორციელებლად წლების მანძლიზე სახელმწიფო ბიუჯეტიდან იხარჯება ათობით მილიონი ლარი, მაშინ როდესაც აღნიშნული პრაქტიკა სრულიად არაეფექტურია.
აქცია მიმართულია ქვეყანაში წლების მანძილზე არსებული ქუჩის ნარკოტესტირების პრაქტიკის აღმოფხვრისაკენ. აღნიშნული პრაქტიკა მიზნად ისახავს მხოლოდ და მხოლოდ ადამიანების დევნას და არღვევს ადამიანის ფუნდამენტურ უფლებებს.
საპროტესტო აქციის ძირითად მოთხოვნას წარმოადგენს:
გაუქმდეს ქუჩის ნარკოტესტირების მანკიერი პრაქტიკა! საქართველოს სისხლის სამართლის კოდექსიდან ამიღებულ იქნას 273-ე მუხლი, შესაბამისად გაუქმდეს სისხლის სამართლის პასუხისმგებლობა ნარკოტიკების მოხმარებისთვის. დაზოგილი თანხები გადამისამართებულ იქნას მტკიცებულებებზე დაფუძნებული (ზიანის შემცირება,მკურნალობა/რეაბილიტაცია,რესოციალიზაცია) პროგრამების დანერგვასა და გაფართოებაზე.[B]
სოციალურ ქსელ facebook -ზე გავაკეთეთ ივენთი,რომელიც კარგი საშუალებაა აქციის შესახებ ინფორმაციის გასავრცელებლად. (https://www.facebook.com/events/1492461167711345/)
https://www.facebook.com/events/1492461167711345/ 
საპროტესტო აქცია ქუჩის ნარკოტესტირების წინააღმდეგ, საპროტესტო აქცია ქუჩის ნარკოტესტირების წინააღმდეგ
