ავტომანქანების თაღლითურად მითვისების ბრალდებით ცოლ-ქმარი დააკავეს
ორშაბათი, 29 ივნისი 2015 10:21
სამართლადამცავებმა ჯგუფური თაღლითობის ბრალდებით ცოლ-ქმარი დააკავეს. შსს-ს ინფორმაციით, ბრალდებულებმა შპს „საქართველოს შესყიდვები“ დააფუძნეს. ისინი ვებგვერდ „myauto.ge“-ზე განთავსებული განცხადებებით პოულობდნენ გასაყიდად გამოტანილ სასურველ ავტომანქანებს, ავტომანქანების მესაკუთრეებს უკავშირდებოდნენ და ეცნობოდნენ, როგორც სახელმწიფო შესყიდვების წარმომადგენლები.
დაკავებულები ავტომანქანების გადაფორმებისთანავე სხვადასხვა ლომბარდსა და ფიზიკურ პირებზე ღირებულების ნახევარ ფასად ასხვისებდნენ, მიღებულ თანხას კი მართლსაწინააღმდეგოდ ეუფლებოდნენ და მანქანების მფლობელებს კუთვნილ თანხას არ ურიცხავდნენ.
აღნიშნული სქემით ბრალდებულები თაღლითურად დაეუფლნენ ხუთი მოქალაქის ავტომანქანას, რომელთა საერთო ღირებულება დაახლოებით 132 400 დოლარს შეადგენს.
სამართალდამცავებმა დაკავებულების პირადი და საცხოვრებელი ბინის ჩხრეკისას თაღლითურად დაუფლებული თანხის ნაწილი – 9785 ამერიკული დოლარი, 1660 ლარი და ოთხი ავტომანქანა ნივთმტკიცებად ამოიღეს. ვახტანგ ბ. აღიარებს ჩადენილ დანაშაულს.
გამოძიება წინასწარი შეთანხმებით ჯგუფის მიერ, არაერთგზის ჩადენილი დიდი ოდენობით თაღლითობის ფაქტზე სსკ-ის 180-ე მუხლის მე-2 ნაწილის „ა“ ქვეპუნქტით, მე-3 ნაწილის „ბ“ და „გ“ ქვეპუნქტებით მიმდინარეობს, რაც 6-დან 9 წლამდე თავისუფლების აღკვეთას ითვალისწინებს.
http://ick.ge/rubrics/society/22569-i.htmlმერამდენე ბანდაა მანქანებზე მოთაღლითე?
ნურავის გაუფორმებთ მანქანას სანამ ფულს არ ჩაიხუტებთ!
შპს „საქართველოს შესყიდვები“, უფრთხილდით თაღლითებს!
