უსუპოვი: ხარშილაძის ჩვენება ტყუილია

ზურაბ ჟვანიასთან ერთად გარდაცვლილ რაულ უსუპოვის მამას იაშარ უსუპოვს ზურაბ ჟვანიას საქმეში ბრალდებული დაცვის ყოფილი უფროსის, კობა ხარშილაძის დღევანდელი ჩვენების არ სჯერა და ამბობს, რომ ეს იმ სცენარის გაგრძელებაა, რომელიც ზურაბ ჟვანიასა და რაულ უსუპოვის გარდაცვალების დღეს მოიფიქრეს.

„კვირასთან“ საუბრისას იაშარ უსუპოვმა ხარშილაძის დღევანდელი ჩვენება თავის დაცვის მცდელობად შეაფასა.

„ხარშილაძის ჩვენება არანაირ უხერხულობას არ წარმოადგენს ჩემთვის. ეს არის იგივე სცენარის მეორე ნაწილი, რომელიც მაშინ იყო დადგმული. ეს არის ტყუილი. ეს არის დაცვის წევრების მხრიდან თავის გამართლება. მაგათ იმ ღამეს უღალატეს ჟვანიას, არ დაიცვეს ობიექტი, დაარღვიეს კანონი, ჩაიდინეს დანაშაული. სამთავრობო დაცვის წევრების მოვალეობა ის არის, რომ დაიცვან ის ობიექტი, რომელსაც იცავენ. მათ არ დაიცვეს. მაგათ ტყუილებს რომ ვუსმენ, უფრო დამაჯერებელია, რომ რაული და ზურა არიან მოკლულები. მოკლეს და ბინაში მიიყვანეს. ამათ კიდევ უთხრეს, თუ არ გაჩუმდებით, თქვენც მოგხვდებათო. ვინმე ჰკითხავდა მაგათ რამეს? ვის სჯერა მაგ ტყუილის. მაგას მთელი საქართველოს 2 პროცენტი თუ დაიჯერებს. ეს იყო მკვლელობა. არ რცხვენიათ? პირიქით, ვამაყობ იმით, რომ ტყუილებს ლაპარაკობენ. ვინ დაიჯერებს, რომ ისინი ბინაში რაიმე სხვა მიზნით იყვნენ მისულები?! საინტერესო იცით რა არის, რომ ვთქვათ, ისინი სჩადიოდნენ გაუკუღმართებულ საქციელს, შენ რატომ არ დაიცავი ობიექტი? რატომ არ დაიცავი ის, ვინც უნდა დაგეცვა, რატომ უღალატე? აგე ამაზე პასუხი. მე შეიძლება დავთვრე, გონზე აღარ ვარ, ხომ შეიძლება სხვა მიზეზით მომკვდარიყო ადამიანი? ხომ გაქვს ფიცი დადებული, ბოლომდე რატომ არ დაიცავი? რა თქმა უნდა, ეს ის სცენარია, რაც თავიდან მოიფიქრეს. ამით გვაშინებენ?“, – განაცხადა იაშარ უსუპოვმა და იმედი გამოთქვა, რომ აღნიშნულ საქმეზე ნაფიცი მსაჯულები გააზრებულ გადაწყვეტილებას გამოიტანენ.

http://kvira.ge/%E1%83%98%E1%83%90%E1%83%A...83%AB%E1%83%98/



მიმაგრებული სურათი

ტყუილი და მორიგი ზღაპარი რომ არის მაგას ყველა ხვდება მგონი .
ეს ნაფიცი მსაჯულები ხო საერთოდ , საქართველოში ნაფიცი მსაჯული არ იმუშავებს , შანსი არ არის .