კარი ოცდამესამე
მონის სყიდვისათვის
მონის სყიდვას თუ დააპირებ, ფხიზლად იყავი. ადამიანის ყიდვა რთული მეცნიერებაა. ბევრი მონა მოგეწონება, მაგრამ როცა მათ მცოდნეს თვალით შეხედავ, სულ სხვა აღმოჩნდება. ბევრს ჰგონია, მონის ყიდვა ვაჭართა საქმეა. არ იციან, რომ მონათვაჭრობა მეცნიერების დარგს განეკუთვნება. ვინცა რაიმეს ყიდულობს და მისი ნამდვილი ფასი არ იცის, წაგებული დარჩება. ყველაზე ძნელი კი ადამიანის ცნობაა.
ადამიანს ბევრი ღრსება და ნაკლი გააჩნია. ზოგჯერ ერთი ნაკლი ათას ღირსებას ჩრდილავს და ერთი ღირსება ათას ნაკლს ფარავს. ადამიანის ცნობა მხოლოდ გამჭრიახობით და დაკვირვებით შეიძლება. გამჭრიახობის უნარი მთლიანად წინასწარმეტყველების უნარს განეკუთვნება. მის არსს ბოლოდმე ვერავინ ჩაწვდება, გარდა მოციქულებისა, რომელთაც გამჭრიახობით შეუძლიათ გამოიცნონ ადამიანში დაფარული ღირსება და ნაკლი. მაგრამ რაც მონებს, მათი ყიდვის პირობებს, მათ ღირსებასა და ნაკლს შეეხება, შეძლებისდაგვარად მაინც მოგითხრობ, რათა განათლდე.
იცოდე! მონების შესყიდვის სამი პირობაა: პირველი _ გამჭრიახობით მათი აშკარა და ფარული ღირსების და ნაკლის შეცნობა; მეორე _ ფარული და აშკარა დაავადების რაიმე ნიშნებით გამოცნობა; მესამე _ ყოველი ჯურის ღირსების და ნაკლის ცოდნა.
გამჭრიახობის პირველი პირობა ასეთია: როცა მონას ყიდულობ, კარგად უნდა მოიფიქრო რისთვის გჭირდება. მონებს მრავალნაირი მუშტარი ყავს. ზოგი სახეს აქცევს ყურადღებას, ტანსა და სხვა რამეს _ არა, ზოგიერთი _ სიმსუქნესა და ფერ-ხორცს. მაგრამ ყველამ, ვინც მონას სინჯავს, პირველად სახეს უნდა მიაქციოს ყურადღება, რადგან სახე ყოველთვის დაუფარავია, ტანი კი ხანდახან. შემდეგ თვალ-წარბში შეხედე, მერე ცხვირს და ტუჩ-კბილს დაუკვირდი, ბოლოს თმა შეუთვალიერე. მაღალმა და უწმინდესმა ღმერთმა ყოველი ადამიანის სათნოება თვალ-წარბში მოაქცია, სიკოხტავე _ ცხვირში, სიტკბოება _ ტუჩ-კბილში, სინორჩე ) კანში, თმა კი ყოველივე ამის შესამკობად დააწესა, რადგან მან თმა შექმნა ვითარცა სამკაული. ყველაფერს ასეთნაურად უნდა დაუკვირდე. თუ თვალ-წარბში სათნოება აქვს, ტუჩ-კბილში სიტკბოება, ცხვირი კოხტა აქვს, კანი კი _ ქორფა, ასეთი მონა იყიდე და სხეულის სხვა ადგილები ნუ გაგიტაცებს. თუ მთიანად ასეთი არ იქნება, კოხტა მაინც უნდა იყოს. ჩემი რწმენით ულამაზო, მაგრამ მიმზიდველი სჯობს სიკოხტავეს მოკლებულ ლამაზს.
ნ ა თ ქ ვ ა მ ი ა: მონა ყოველი საქმისათვის გამოდგებაო. უნდა იცოდე, რატომ და რისთვის ყიდულობ. თუ მონა საწოლისათვის და საალერსოდ გინდა, ზომიერი უნდა იოს, არც მაღალი, არც დაბალი, არც მსუქანი და არც გამხდარი, არც ფერმკრთალი და არც ღაჟღაჟა, არც სქელი და არც თხელი, არც ხუჭუჭთმიანი და არც სწორთმიანი. თუ ისეთ მონას ნახავ, რომელსაც ლბილი ხორცი, ნატიფი კანი, თანაზომიერი კიდურები, მოშაო ფერის თმა, შავი წამწამები, მუქი ნაცრისფერი თვალები, შავი და მოქნილი წარბები, სწორი ცხვირი, ვიწრო წელი, გამოკვეთილი გავა, მრგვალი ნიკაპი, წითელი ტუჩები, თეთრი, სწორი კბილები და სხეულის ყველა ნაწილი ამის შესაბამისი ექნება, ასეთი მონა ლამაზი, ალერსიანი, კეთილი ბუნების, ერთგული, ნაზი და ღირსეული იქნება.
მცოდნე და მარჯვე ღოლამის ნიშნებია: სწორი აღნაგობა, ზომიერი სიმსუქნე, ფართო ხელისგულები, თითის შუა სახსარი მსხვილი, ფართო შუბლი, ფეროვანი, მუქი ნაცრისფერი თვალები, ნათელი სახისა, გაუცინარი. ასეთი მონა სწავლაში, ხაზინადრობაში და ყოველგვარ საქმეში გამოსადეგია.
ნიშნები ღოლამისა, რომელიც გასართობადაა გამოსადეგი: ლბილი ხორცის მქონე და ხმე-ხმელი უნდა იყოს, განსაკუთრებით ზურგიდან; წვრილი თითები, არც გამხდარი და არც მსუქანი. მონა, რომელსაც სახეზე ზედმეტი ხორცი აქვს, ვერაფრის შესწავლას შესძლებს. მას უნდა ჰქონდეს რბილი ხელისგული, თითის შუა სახსარი სმხვილი, ნათელი სახე, ნატიფი კანი, თმა არც ძალიან გრძელი და არც ძალიან შავი. კარგია თუ ფეხისგულები სწორი ექნება. ასეთი მონა ყოველგვარ მეცნიერებას სწრაფად აითვისებს, განსაკუთრებით მუსიკას.





ამიტო გყავთ თქვენ ჩინური ბანძი ზანგები, მალე რო ფუჭდბიან