SPIRIT CRUSHERეს არის 2010 წლის სტატია
თურქულ-ქართული კლუბი მცხეთა-ქოჯაელად მონათლეს
http://www.opentext.org.ge/index.php?m=18&y=2010&art=4696წეროვანში ქართულ-თურქული კლუბი მცხეთა-ქოჯაელი ჩამოყალიბდა. ის თბილისში არსებული მაუდის ბაზაზე დაფუძნდა და როგორც შევიტყვეთ, საკმაოდ სერიოზული გეგმებიც აქვს. თურქული მხარის დაფინანსებით წეროვანში აშენდება სპორტული კომპლექსი - საფეხბურთო მოედანი და სასტუმრო, რომელიც ახალ კლუბს მოემსახურება და თურქულ-ქართული კლუბი მცხეთა-ქოჯაელი იქნება, რომელსაც სამომავალოდ დიდი გეგმები აქვს, - გვითხრა თურქულ-ქართული საზოგადოება მეგობრობის წევრმა ნათია გოგიტიძემ, რომელიც დიასპორის თემით დაინტერესებული ჟურნალისტი გახლავთ.
ჩვენ კი უფრო დეტალურად დავინტერესდით, რა კლუბი ყალიბდება, რა გეგმები აქვს... ამ თემაზე მაუდის მთავარ მწვრთნელ ზურაბ ნადარეიშვილს გავესაუბრეთ...
- ბატონო ზურაბ, ვინ დააარსა მცხეთა-ქოჯაელი და როდის?
- სამი კვირის წინ დაარსდა. დამფუძნებელი მიხეილ გულიაშვილია, პრეზიდენტი კი არჩილ ზოიძე.
- მხოლოდ საფეხბურთო კლუბი იქნება, თუ სხვა სახეობებსაც მიაქცევენ ყურადღებას?
- პრიორიტეტული იქნება ფეხბურთი და ჭიდაობა, თუმცა ყურადღება სხვა სახეობებსაც მიექცევა.
- რა დონის კლუბის ჩამოყალიბებას ფიქრობთ?
- გააჩნია, რა დოზით იქნება დაფინანსება თურქული მხრიდან. არ არის გამორიცხული, საწყის ეტაპზე გუნდმა პირველ ლიგაშიც ითამაშოს... მოკლედ, რა სახეს მიიღებს კლუბი, მალე გახდება ცნობილი.
- ანუ მთავარი დამფინანსებელი თურქული მხარეა?
- დიახ, ასეა.
- შეგიძლიათ გვითხრათ, კერძო ბიზნესმენი გაფინანსებთ თუ რომელიმე კომპანია?
- თურქი ბიზნესმენია, წარმოშობით ლაზი... სხვათა შორის, ქოჯაელში ბევრი ლაზი ცხოვრობს და მათი ინტერესი ჩვენთვის გასაგებია - საქართველოს დახმარება სურთ.
- სპორტული კომპლექსის მშენებლობაში კონკრეტულად რა არის დაგეგმილი?
- წეროვანში საკმაოდ დიდი ტერიტორიაა გზის პირას, სადაც არის მოედანი, მაგრამ მოსაწყობი და მისახედია. სწორედ ამ მოედნის ადგილასაა გათვალისწინებული სტადიონის მშენებლობა.
- სტადიონი რამდენ მაყურებელზე იქნება გათვლილი?
- პატარა სტადიონი იქნება, მაქსიმუმ 2 ათას მაყურებელს დაიტევს, მაგრამ ახალი კლუბისთვის ესეც საკმარისია. ამას გარდა, პატარა საწვრთნელი კომპლექსის მოწყობაც იგეგმება და ვნახოთ... უფრო დეტალურად მალე გადაწყდება და მერე გეტყვით, სად რა აშენდება.
- თუ მრავალპროფილიანი კლუბი ყალიბდება, მხოლოდ საფეხბურთო კომპლექსი როგორ გეყოფათ?
- მოჭიდავეებისთვის მცხეთაში, ვიტ ჯორჯიას სტადიონთან საჭიდაო დარბაზია და მის რეკონსტრუქციას აპირებენ.
- როდის დაიწყება მშენებლობა?
- უახლოეს მომავალში, უფრო დეტალურად კი 25 ან 26 აპრილს კლუბის კრება გაიმართება და ყველაფერი იქ გადაწყდება.
- რატომ დაინტერესდნენ თურქები ქართული კლუბის ჩამოყალიბებით, აქ ხომ ფეხბურთი წამგებიანია?
- როგორც მივხვდი, თურქეთში ბიზნესმენისთვის საფეხბურთო კლუბის დაფინანსება პრესტიჟის საქმედ ითვლება. ისინი ფეხბურთის ფანატები არიან.
- როგორც გავიგეთ, მაუდმა თურქეთში ამხანაგური მატჩი გამართა. ესეც ლაზი ბიზნესმენის ორგანიზებული იყო?
- არა, ეს სხვა კავშირებით მოხერხდა. სხვათა შორის, მაუდმა, რომელიც ძირითადად, მოყვარული სტუდენტებისგანაა დაკომპლექტებულ 17 აპრილს თურქეთის ქალაქ არდახანში ამავე სახელწოდების კლუბთან ამხანაგური მატჩი გამართა. შეხვედრის ინიციატორი თურქულ-ქართული ურთიერთობების არასამთავრობო ორგანიზაცია მეგობრობა იყო, რომლის ხელმძღვანელი მცხეთა-ქოჯაელის დამფუძნებელი მიხეილ გულიაშვილია. ორგანიზაცია 1997 წლიდან არსებობს და ამჯერად სპორტული პროექტებითაა დაინტერესებული. მატჩმა დიდი ინტერესი გამოიწვია. სტადიონზე იმყოფებოდნენ არდახანის გუბერნატორი, არდახანის მუნიციპალიტეტის დეპუტატები, ქალაქის მერი, ყველა ადგილობრივი სამთავრობო სტრუქტურა... მატჩი მაუდის გამარჯვებით, 1:0 დასრულდა. მართალია, არდახანი დაბალი ლიგის გუნდია, მაგრამ საკმაოდ კარგად ფინანსდება და როგორც გვითხრეს, მისი წლიური ბიუჯეტი ერთი მილიონი ლირაა. დაბალი ლიგის კლუბისთვის ეს საკმაოდ დიდი თანხაა... მეორე ტაიმში თურქულ გუნდში მაუდის აღზრდილი ორი მოთამაშე გამოჩნდა - გიორგი ტატუაშვილი და ჭაბუკა ოქროპირიძე, რომლებიც კლუბში ისინჯებიან. მატჩის შემდეგ არდახანის ხელმძღვანელობამ კიდევ ორი ფეხბურთელი შეარჩია. ისინი თურქეთში სატრანსფერო სეზონის გახსნის შემდეგ, აგვისტოში გაემგზავრებიან.
ქიჯაელი მცხეთა
