პეტიცია სავალდებულო სამხედრო სამსახურის გაუქმების მოთხოვნით
მოვითხოვთ, რომ გაუქმდეს სავალდებულო სამხედრო სამსახური, რადგან ეს სისტემა ართმევს ახალგაზრდებს ცხოვრების 1 წელს, ვერ აძლიერებს ჯარს და შესაბამისად ვერც ქვეყნის თავდაცვისუნარიანობას და რაც მთავარია, იქცა კორუფციის, ნეპოტიზმისა და გაჭირვებულთა ჩაგვრის წყაროდ.
დამოუკიდებლობის მოპოვების შემდეგ, ქართული სახელმწიფო, ყოველწლიურად, ათასობით ახალგაზრდას აიძულებს საკუთარი ცხოვრების მნიშვნელოვანი ნაწილი, სრული ერთი წელიწადი, დახარჯოს ისე, როგორც ამას გადაწყვეტს სახელმწიფო ბიუროკრატია. ყოველი ოთხი მათგანიდან, მხოლოდ ერთი ხვდება სამხედრო სამსახურში. დანარჩენები კი ნაწილდებიან შსს-ს, დაცვის პოლიციისა და სასჯელაღსრულების დაწესებულებებში უფასო მუშახელის სახით.
სავალდებულო სამხედრო სამსახურისთვის თავის დასაღწევად, წვევამდელების დიდი ნაწილი ხელახლა, მხოლოდ ფორმალურად ხდება სტუდენტი. ახალგაზრდებს ან მათ ოჯახებს უწევთ 2 ათასი ლარის გადახდა სავალდებულო სამხედრო სამსახურის გადავადებისთვის, იყენებენ თვითდაზიანებებს, გარბიან ქვეყნიდან ან ეძებენ ახლობლებს, რომლებიც გადავადებაში ან ჯარის უკეთესი პირობებით მოხდაში დაეხმარებიან. გაწვევის სისტემა კორუფციის და მოქალაქეებისგან ფულის გამოძალვის მანქანად იქცა, რის შედეგადაც ძირითადად იწვევენ ყველაზე გაჭირვებულ და დაუცველ ახალგაზრდებს, რომლებმაც ვერ შეძლეს გადავადების თანხის გადახდა, ვერ იპოვეს ახლობელი, რომელიც პრობლემას მოუგვარებდა და ვერ მოახერხეს ქვეყნიდან გაქცევა.
ხაზგასმით გვინდა აღვნიშნოთ - ეს ინიციატივა არ ნიშნავს უარის თქმას ქვეყნის თავდაცვისუნარიანობის გაძლიერებაზე. საქართველომ უნდა აირჩიოს განვითარებული ქვეყნების გზა, სწრაფად განავითაროს ეკონომიკა და საკუთარი უსაფრთხოება უზრუნველჰყოს თანამედროვე თავდაცვის სისტემებით, პროფესიონალური არმიის გაძლიერებითა და, საჭიროების შემთხვევაში, ეფექტური სარეზერვო სისტემით.
https://docs.google.com/forms/d/1bBt3dngM1R...iewform?c=0&w=1 რუსეთის მიზანი საქართველოს დაჩლუნგება, დამონება და საბოლოოდ რუკიდან გაქრობაა. ყველა, ვისაც რუსეთის სჯერა და რუსეთისაკენ მიისწრაფვის ან მიზანმიმართულად აკეთებს ამას და მტრობს თავის სამშობლოს ან რუსეთის მიერ მართული ბრიყვია.
საქართველოსათვის ევროპა ისტორიულ-ცივილიზაციური არჩევანია.
პეტიცია სავალდებულო სამხედრო სამსახურის გაუქმების შესახებ
