მოგესალმებით, სანამ უშუალოდ საქმეზე გადავალ მინდა 2 სიტყვით პრობლემაზე მოგიყვეთ, რომელსაც მე პირაად წავაწყდი. საქართველოში (და სხვა ქვეყნებშიც) რთულია 1000 ლარიან ხელფასზე ცხოვრება დამოუკიდებელი ადამიანებისათვის (დამოუკიდებელში მამიკო და დედიკო რო არ უფარავენ სხვადსხავა ხარჯებს იმას ვგულისხმობ) სესხები როცა გაქვს, ქირასაც თუ იხდი საერთოდ არაფერი გრჩება ხარჯების მერე, დანაზოგის გაკეთებაზე ხომ საუბარიც ზედმეტია. ხოდა ვიფიქრე რამე დამატებით სამსახურს ვნახავ თქო, საღამოს 6 დან გვიანობამდე ან თუნდაც შაბათ-კვირა მთელი დღით, მაგრამ დიდი ხნის ძებნის მერე ვერაფერი ვიპოვე.
ისმის კითხვა: რატომ არ არის ასეთი ვაკანსიები ქართულ დასაქმების სექტორში?
აქვე მარტივი პასუხი: ასეთი ტიპის სამუშაოები საქართველოში არ არსებობს.
ეს პასუხი არ შეესაბამება სიმართლეს, რადგან საქართველოში არსებობს რამდენიმე საწარმო რომელსაც სჭირება ასეთი კადრები, ისეთ სამუშაოზე რომელსაც არც 4 დიპლომი უნდა და არც 8 წლიანი გამოცდილება, ასევე არსებობს სხვადასხვა სამუშაოები (ჩამოთვლა შორს წაგვიყვანს) რომლის არსებობასაც ხედავ შენს ქვეყანაში, მაგრამ იქ როგორ საქმდებიან ვერ ხვდები.
ჩნდება მე 2 კითხვა: თუ ასეთი სამსახურები არსებობს მაშინ, რატომ ვერ პოულობენ მათ ჩვეულებრივი ადამიანები?
პასუხი აქ უკვე მარტივია: არსებობს კომუნიკაციის პრობლემა, ანუ ასეთი ვაკანსიები სააშკარაოზე არ გამოდის!!!
გამოსავალი აქაც მარტივი იქნებოდა. ბაზარზე არის 2 მსხვილი დასაქმების საიტი jobs.ge და hr.ge მათ დიდ კატეგორიის ჩამონათვალში უნდა იყოს კატეგორია "დამატებითი სამუშაო" სადაც განთავსდება ასეთი ვაკანსიები. ასეთი ველის არსებობის შემთხვევაში უკვე სტიმული იქნება დამსაქმებლისათვის შექმნას ასეთი ვაკანსიები და განათავსოს. იმედია კითხულობს ფორუმს ამ საიტების ადმინისტრაცია და გაითვალისწინებს ყოველივე ამას .
ეხლა ისეც ვთქვათ რას მოგვიტანს ასეთი ვაკანსიების სიმრავლე და რატომ იქნება ის კარგი ამ ქვეყანაში მცხოვრები ადამიანებისათვის.
პირველ რიგში ქვეყნისთვის და ზოგადად საზოგადოებისათვის, რადგან დამატებითი შემოსავლის მქონე ადამიანებს არაღ ექმნება საჭიროება ვივუსებს და ლომბარდებს მიაკითხოს, რაც საბოლოო ჯამში საზოგადოების გაღარიბებიდან ამოსვლის მცირეოდენ წინსვლას მოგვცემს.
დამსაქმებლისათვის: დაუჯდება იაფი გარკვეული სამუშაოს შესასრულებად კადრის დაქირავება + არ დააზღვევს მას და არ იქნება ვალდებული სამუშაოს შესრულების დროს გაწიოს დამატებითი ხარჯები და ა.შ.
ხოლო თვითონ დაქირავებული პირისათვის, რატომაც იქნება კარგი ალბათ გასაგებია
და ბოლოს მაინტერესებს თქვენი აზრი როგორ უნდა მოგვარდეს ზემოთ ნახსენები პრობლემები და როგორ უნდა გაიჩინოს 25 წლის ბიჭმა დამატებითი შემოსავლის წყარო, რომელსაც აქვს მაგისტრის ხარისხი ბიზნეს ადმინისტრირებაში, იცის ინგლისური და რუსული,აქვს "რაღაც" სერთიფიკატები, კარგად ერკვევა კომპიუტერში, იცის ექსელი და აქვს მუშაობს 5 წლიანი გამოცდილება აქედან 2 გაყიდვებში და 3 ფინანსურ სექტორში, ჯანიც მოსდევს და არც ფიზიკური შრომა ეზარება?
მადლობა
Part Time Job, ანუ პრობლემა დამატებითი შემოსავალის მოძიებაში
