კოალიცია „ქართული ოცნების“ ლიდერს ბიძინა ივანიშვილს, როგორც ევროკავშირის მოქალაქეს, 11 ოქტომბერს საქართველოს ტერიტორიაზე ყოფნის ვადა ეწურება. „ინტერნეტ.ჯი“-სთან აღნიშნული საკითხის კომენტირებისას ივანიშვილის ადვოკატმა შალვა თადუმაძემ აღნიშნა, რომ ამ კითხვით 2 ოქტომბერს შეგვიძლია მივმართოთ.
„ივანიშვილი საპარლამენტო არჩევნებზე იმარჯვებს. ამიტომ მოხდება თუ არა მისი დეპორტაცია, ან რა პროცედურა უნდა გაიაროს ბატონმა ბიძინამ საქართველოში ცხოვრების გასაგრძელებლად, ამის შესახებ შეკითხვა არჩევნებში გამარჯვების შემდეგ დამისვით“,- განაცხადა ადვოკატმა.
თადუმაძისგან განსხვავებით კოალიციის წევრი და ადვოკატი ზაქარია ქუცნაშვილი ამბობს, რომ არჩევნებზე ნებისმიერი შედეგის მუხედავად, ბიძინა ივანიშვილს ქვეყნიდან დეპორტაცია კანონით ვერ დაემუქრება.
მისი თქმით, დამარცხების შემთხვევაში ივანიშვილი გააგრძელებს იმ საქმიანობას რასაც ახლა აკეთებს.
„იმის გათვალისწინებით, რომ ბატონი ივანიშვილი საქართველოს მოქალაქის, ეკატერინა ხვედელიძის მეუღლეა, არ არსებობს იმის ალბათობა რომ მის მიმართ დეპორტაცია განხორციელდეს,“ - განაცხადა ქუცნაშვილმა.
http://www.internet.ge/?l=GE&m=2&sm=0&ID=10263 
ბიძინა ივანიშვილს 11 ოქტომბერს საქართველოში ყოფნის, ვადა ეწურება 
