ქართველი ერის გადარჩენის ერთადერთი ფორმა დამოუკიდებელი სახელმწიფოა. დამოუკიდებელი სახელმწიფო კი ჩვენ არა გვაქვს 1921 წლის 25 თებერვლის შემდეგ. ამ დღეს ჩვენ ჩაგვითრიეს საბჭოთა სისტემაში და მიუხედავად იმისა რომ ეს საბჭოთა კავშირი 23 წლის წინ დაიშალა ჩვენ მაინც ამ სისტემაში ვართ ჩარჩენილები. ვეძებთ ევროკავშირში თუ ევრაზიაში ინტეგრაციის გზებს და ვაკეთებთ ყველაფერს გარდა იმისა რომ დამოუკიდებელი ქართული სახელმწიფო ავაშენოთ, რაც ჩვენი ეროვნული გადარჩენის ერთადერთი გზა არის.

როგორც უკვე იცით საქართველოს სახელმწიფოებრიობის აღდგენის მოთხოვნა 1989 წლის 9 აპრილის აქციაზე პირველმა მე დავაყენე. ეს იდეა ბევრს მოეწონა, მაგრამ ჩემს გარდა დღემდე ვერავინ ვერ გაიაზრა თუ კონკრეტულად რას ნიშნავს ეს სახელმწოფოებრივი დამოუკიდებლობის აღდგენა და მითუმეტეს თუ რა გზებით ხდება სახელმწიფოებრივი დამოუკიდებლობის აღდგენა. ამიტომ დაერივნენ ქართველები ერთმანეთს და ვინ ვის რისთვის ებრძვის კაცი ვერ გაიგებს. ახლა მიხეილ სააკაშვილი და ბიძინა ივანიშვილი მთელი მათი მომხრებით თავდაყირა რომ დაჰკიდო, მაინც ვერ გეტყვიან თუ როგორ უნდა ავაშენოთ დამოუკიდებელი სახელმწიფო. იგივე პრობლემა ჰქონდათ ზვიად გამსახურდიას და ედუარდ შევარდნაძესაც.

რას ჩხუბობთ, რაც ყოფთ ცხვირს იმ საქმეში, რომლისაც არაფერი გაგეგებათ?
თუ გადარჩენა და დამოუკიდებელი სახელმწიფოს შენება გინდათ, მაშინ დამიდექით გვერდით და თუ არა მაშინ დავამთავროთ ეს ჩვენი საცოდაობა. მოდით საბოლოოდ გამოვჭრათ ერთმანეთს ყელები და მოვისვენოთ. აგერ ჩემი კისერი და თქვენი დანა.