რაულ უსუპოვის მამა: გიორგი ბარამიძე ზურა ჟვანიას პირველი მოღალატეაყოფილ პრემიერ-მინისტრ ზურაბ ჟვანიასთან ერთად, 2005 წლის 3 თებერვალს გარდაცვლილი რაულ უსუპოვის მამის იაშარ უსუპოვის განცხადებით, წლის ბოლომდე, ჟვანიასა და უსუპოვის საქმე გადაკვალიფიცირდება.
ამის შესახებ იაშარ უსუპოვი გაზეთ „ასავალ-დასავალთან“ ინტერვიუში საუბრობს.
უსუპოვის თქმით, გაზით გაგუდვა მკვლელობით შეიცვლება.
„
ჩემთვის ცნობილია, რომ წლის ბოლომდე ჟვანიასა და უსუპოვის საქმის გადაკვალიფიცირება მოხდება. მოლოდინის რეჟიმში ვართ, ექსჰუმაციის საკითხი ისევ დღის წესრიგშია, მაგრამ თარიღზე საუბარი ჯერჯერობით არ ყოფილა. მთავარია, რომ საქმეს სხვა კვალიფიკაცია მიეცემა - გაზით გაგუდვა მკვლელობით შეიცვლება.
ძაძამია და ხარშილაძე სამსახურებრივი გულგრილობის მუხლით გაასამართლეს, როცა საქმე სხვა მიმართულებით წავა, მათი დაპატიმრება რთული არ იქნება, ეჭვი აღარ არის, რომ ჩაჩუამ ტყუილები თქვა და დავალება შეასრულა, ასევე მოიქცნენ ხარშილაძე და ძაძამია. პროკურატურა ყველაფერს მალე გამოააშკარავებს“, - განაცხადა უსუპოვმა.
მისივე თქმით, ზურაბ ჟვანიას მკვლელობით ფული ბევრმა იშოვა, მათ შორის, ჟვანიას დაცვის ყოფილმა უფროსმა კობა ხარშილაძემ.
როგორც უსუპოვი აცხადებს, ზურაბ ჟვანია და რაულ უსუპოვი საქართველოს ყოფილი პრეზიდენტის მიხეილ სააკაშვილის დავალებით მოკლეს.
„ზურაბ ჟვანიას სიკვდილით ფული ბევრმა იშოვა, იგივე კობა ხარშილაძემ, რომელიც ციხეში კი ზის, მაგრამ ზურას ღალატით მილიონერი გახდა.
ყველაფრის თავი და თავი სააკაშვილია, ეს მკვლელობა მისი ხელმძღვანელობითა და მასთან შეთანხმებით განხორციელდა. მაგისი გეგმით იმუშავეს. სწორედ სააკაშვილს აწყობდა ზურაბ ჟვანიას მოშორება და არა-სხვებს“, - განაცხადა იაშარ უსუპოვმა.
ამასთან, რაულ უსუპოვის მამა ზურაბ ჟვანიას კიდევ ერთ ყოფილ თანაგუნდელზე, „ნაციონალური მოძრაობის“ წევრ გიორგი ბარამიძეზე საუბრობს.
„გიორგი ბარამიძე ზურას პირველი მოღალატეა. კარგად მახსოვს მისი სიტყვები:სანამ მივხვდები რა მოხდა, სააკაშვილის გვერდზე ვიდგებიო. მიხვდა, რომ სააკაშვილმა მკვლელობა ჩაიდინა, მაგრამ დღესაც მის გვერდზე დგას“, - განაცხადა იაშარ უსუპოვმა გაზეთ „ასავალ-დასავალთან“ საუბრისას.
http://www.info9.ge/sazogadoeba/134273-rau...html?lang=ka-GE This post has been edited by lamazi gogo on 30 Nov 2015, 12:33
· 
გიორგი ბარამიძე ზურა ჟვანიას პირველი მოღალატეა
