დიდი პატივისცემით გესალმებით ჩემო კეთილო და თბილო თანაფორუმელებო.
ალბათ თემის სათაურიდან გამომდინარე მიხვდით რატომაც გავხსენი ეს თემა.
მოკლედ და კონკრეტულად რომ ვთქვა ვეძებ სამსახურს, რათა სექტემბრისთვის ცოტაოდენი თანხა რაც მექნება იმდროისთვის, მოვახმარო ჩემს განათლებას და ცოტა შეღავათი გავუკეთო ჩემს მშობლებს.
რამდენიმეგან მქონდა იმის შანსი, რომ დამეწყო მუშაობა, მაგრამ როგორც სათაურში ავღნიშნე ვარ აბიტურიენტი და სხვა რამისთვის დრო აღარ მრჩება, ამიტომ უმჯობესია ისეთ სამსახურს თუ ვნახავ, რისი გაკეთებაც სახლიდან გაუსვლელად შემეძლება.
როგორ მოვახერხებ მუშაობას ეგ უკვე ვთქვი და ახლა ერთი-ორი სიტყვით ჩემს გამოცდილებაზეც მოგახსენებთ:
1) 13 წლის ასაკში, ბიძაჩემთან ერთად ვმუშაობდი დისტრიბუტორად კომპანია "შატილში". იმდროისთვის ჩემი თვიური შემოსავალი 50 ლარი იყო, მაგრამ დებიუტი პირველ სამსახურში დიდხანს არ გაგრძელებულა. რამდენიმე თვის შემდეგ სამწუხაროდ თავის დანებება მომიწია.
2) 15 წლის ასაკში, მეგობარმა მუშაობა დამაწყებინა კომპანია "Barami Logistix-ში". ჩემი მოვალეობა კი მდგომარეობდა შემდეგში: უცხოეთში მდებარე ავტომობილები უნდა განმეთავსებინა ქართულ ავტოპორტალებზე. თვიური შემოსავალი მაქსიმუმ 200 ლარი (გამომუშავებაზე იყო დამოკიდებული და განცხადებების სიმრავლესა და ხარისხზე). ამ კომპანიაში ვიმუშავებ ერთ წელზე დიდხანს, ალბათ წელიწად ნახევარიც.
3) 17 წლის ასაკიდან, ისევ ჩემი მეგობრის დახმარებით დავიწყე მოღვაწეობა Google Adsense-ში, მაგრამ განსაკუთრებული ფუნქციები არ მქონდა დაკისრებული, მხოლოდ მარტივი საქმეებით ვიყავი დაკავებული და თვიური შემოსავალიც შესაბამისი იყო. თითო ანგარიშიდან 10, მაქსიმუმ 20%. (აქ ზუსტი თანხის დაკონკრეტება ძნელია, რადგან აქაც გამომუშავებით ხდება ყველაფერი.)
სამწუხაროდ დიდი წინსვლა არც ბოლო სამსახურში მქონია და ვარ ახლა ბედის ანაბარა.
რამდენიმე თვეში სრულწლოვანი გავხდები და მალე სასკოლო წლის ბოლოც მოვა. რა თქმა უნდა, მანამ, სანამ სექტემბერი დადგება და ცხოვრების ახალ ეტაპზე გადავალ და სანამ უნივერსიტეტის კარებს შევაღებ, ზაფხულში სადმე აუცილებლად ვიმუშავებ, რომ კაპიტალი დავაგროვო, მაგრამ ზაფხულამდე დიდი დროა და მინდა, რომ ეს დროც ნაყოფიერად გამოვიყენო და ამ რამდენიმე თვეშიც შევძლო მცირედი თანხის დაგროვება.
ძალიან გამიგრძელდა მგონი სიტყვა და მოდი ამით დავასრულებ.
ალბათ წარმოდგენა შეგექმნად უკვე ვინ ვარ და რას წარმოვადგენ (მცირე დოზით, მაგრამ მაინც). თუ ხართ ისეთი, ვისაც ჭირდება ადამიანი ვინც სახლიდან გაუსვლელად დაეხმარება ან თუ იცით ისეთი კომპანია ან პიროვნება ვისაც ასეთი ადამიანი სჭირდება, მადლობელი დაგრჩებით თუ გამაგებინებთ და დამეხმარებით.
This post has been edited by BOBOKHA on 1 Jan 2016, 20:53 
სამსახური აბიტურიენტისათვის
