გამარჯობა.
გილოცავთ ახალ წელს, ბედობას და ყველაფერს საუკეთესოს გისურვებთ.
იმედია სათანადო ადგილას გავხსენი თემა, რადგან ძალიან მაინტერესებს ამ წამლის შესახებ რაღაც-რაღაცები.
ალბათ ბევრმა იცით და უფრო ბევრმა არ იცით, რომ Slimnature (სლიმნეიჩარი) არის გასახდომი საშუალება. ინტერნეტში ძიების შედეგად ბევრ და დაზუსტებულ ინფორმაციას სამწუხაროდ ვერ მივაგენი (ალბათ ჩემი ბრალია). ვნახე ერთი ბმული, სადაც მომხმარებელი კომპეტენტურ ხალხთან ონლაინ კონსულტაციას გადიოდა, სადაც მიუთითეს, რომ ამ პრეპარატზე ზუსტი ინფორმაცია არ ჰქონდათ. შემდეგ წავიკითხე კომენტარები, სადაც ადამიანების მკვეთრად გამოხატული ორი ჯგუფი აღმოვაჩინე. ნაწილი ადასტურებდა ამ წამლის ეფექტურობას, მეორე ნაწილი კი უარყოფით კომენტარებს აკეთებდა.
პირადად მე ვიცნობ ადამიანს, რომელმაც ამ წამლის საშუალებით დაიკლო და მას შემდეგ გრამიც აღარ მოუმატებია. შეიძლება გაგიჩნდეთ კითხვა: "თუ თავად იცნობ ასეთ ადამიანს ადექი და იყიდე, ჩვენ რაღაც გვაწუხებ?" თუმცა მე მაინც თქვენთან ვამჯობინე კონსულტაციის გავლა, რადგან წამალია და არ ვიცი რამდენად მიზანშეწონილია მისი გამოყენება.
გასულ წელს სწორი კვების შედეგად დაახლოებით 2 თვეში 12 კილოგრამამდე მეც დავიკელი, მაგრამ მალევე მოვიმატე, რადგან ვარ აბიტურიენტი, მაქვს გადატვირთული გრაფიკი და სათანადო ყურადღებას ვეღარ ვუთმობ ჩემს კვებას.
სწორედ ამიტომ მოგმართეთ თქვენ. თუ იცით და გაქვთ ინფორმაცია ამ წამლიშ შესახებ, გთხოვთ დამიდასტუროთ ნამდვილად მოქმედებს თუ არა? გამოყენების შემთხვევაში უარყოფითი მოვლენები ხომ არ ახლავს? რამდენი ხნის მანძილზეა მიზანშეწონილი პრეპარატის გამოყენება?
· 
"Slimnature" - მითი თუ რეალობა?!
