პენტაგონი ევროპისთვის სამხედრო დახმარების ხარჯებს ოთხჯერ გაზრდის. "ბი-ბი-სის" ინფორმაციით, ამერიკელი მაღალჩინოსნები ძირითად საფრთხედ ასახელებენ დაჯგუფება "ისლამურ სახელმწიფოსა" და რუსეთს, რომლის ქცევასაც ისინი ახასიათებენ, როგორც "სულ უფრო მეტად აგრესიულს".
მათი თქმით, "ევროპული უსაფრთხოების უზრუნველყოფის ინციატივაში" ცვლილებები ძირითადად, აუცილებელია მოკავშირეების დასამშვიდებლად, რომლებიც შეშფოთებულები არიან რუსეთის მიერ ყირიმის ანექსიით და რუსეთის მიერ უკრაინის აღმოსავლეთ საზღვარზე სეპარატისტების მხარდაჭერით, რასაც რუსეთის ხელისუფლება უარყოფს.
ამერიკის თავდაცვის უწყების წარმომადგენელთა განცხადებით, შემოთავაზებული ინიციატივა 3,4 მილიარდი აშშ დოლარი დაჯდება და საშუალებას იძლევა გაიზარდოს სამხედროების როტაცია, წვრთნების რაოდენობა და ევროპაში განათავსოს სამხედრო ტექნიკა.
"ჩვენ პოტენციურ მტრებს უნდა ვუჩვენოთ, რომ თუ ომს დაიწყებენ, ჩვენ გვაქვს მისი მოგების საშუალება", - განაცხადა ამერიკის თავდაცვის მინისტრმა ეშტონ კარტერმა სამხედრო ბიუჯეტის განხილვისას.
მისი თქმით, "ისლამურ სახელმწიფოსთან" ბრძოლის ხარჯები ორჯერ გაიზრდება - 7,5 მილიარდ დოლარამდე. კარტერის განცხადებით, რუსეთი სულ უფრო მზარდ საფრთხეს წარმოადგენს ამერიკისთვის.
___________________________________________________________________________________________________________________________________
"ჩვენ სერიოზული და აწონილი მიდგომები გვაქვს იმისთვის, რომ წინ აღვუდგეთ რუსულ აგრესიას. ამაზე 25 წლის განმავლობაში არ ვწუხდით და მინდა, რომ ეს სხვაგვარად ყოფილიყო, მაგრამ ახლა ჩვენ შეშფოთებულები ვართ" - განაცხადა პენტაგონის ხელმძღვანელმა.
აშშ-ის პრეზიდენტი ბარაქ ობამა ცენტრალური და აღმოსავლეთ ევროპის ნატო-ს ქვეყნებში მძიმე შეიარაღების, სამხედრო ტექნიკისა და სხვა სამხედრო აღჭურვილობას მნიშვნელოვნად გაზრდას აპირებს. პენტაგონის მაღალჩინოსნების ინფორმაციით, დამატებითი ძალები და სამხედრო აღჭურვილობა შესაძლოა, უნგრეთში, რუმინეთსა და ბალტიისპირეთის ქვეყნებში გაიგზავნოს. ამის შესახებ გავლენიანი ამერიკული გამოცემა "ნიუ იორკ თაიმსი" ამერიკელ მაღალჩინოსნებზე დაყრდნობით წერს.
გამოცემის თანახმად, ეს იქნება თეთრი სახლის ადმინისტრაციის ნაბიჯი, რომელიც მიმართულია რუსეთის შეკავებისკენ რეგიონში შესაძლო აგრესიისგან.
"თეთრი სახლი ევროპაში ამერიკული შეიარაღების განლაგების მიზნით რეკორდულ 3,4 მილიარდი აშშ დოლარის დახარჯვას აპირებს" , - წერს გამოცემა რამდენიმე ამერიკელ მაღალჩინოსანზე დაყრდნობით.
თეთრი სახლის ადმინსიტრაციაში "ნიუ იორკ თაიმსთან" საუბარში აცხადებენ, რომ გაზრდილი სამხედრო პოტენციალი ევროპაში იქნება სიგნალი ვლადიმერ პუტინისთვის იმის შესახებ, რომ დასავლეთი კვლავ ეჭვის თვალით უყურებს მის ზრახვებს ევროპის რეგიონში.
"ეს არის გრძელვადიანი პასუხი ევროპაში უსფრთხოების კუთხით შეცვლილ გარემოზე და ასახავს ახალ სიტუაციას, რომელშიც რუსეთი უფრო რთული მოთამაშე გახდა", - განაცხადა ერთ-ერთმა მაღალჩინოსანმა გამოცემასთან საუბარში.
"ნიუ იორკ თაიმსი" წერს, რომ ჯერჯერობით უცნობია, რა რეაქცია ექნება მოსკოვს ნატო-ს აღმოსავლეთ ფლანგის გაძლიერებაზე, მაგრამ, როგორც პენტაგონის ყოფილმა თანამშრომელმა ეველინ ფარკასმა განაცხადა, ეს იქნება "უდიდესი სიგნალი", რომ დასავლეთი კვლავ ერთგული რჩება გააგრძელოს რუსეთის შეკავების პოლიტიკა და "გააძლიეროს პარტნიორობა საქართველოსთან, უკრაინასა და მოლდოვასთან".
http://www.nytimes.com/2016/02/02/world/eu...eter-putin.htmlმოკლედ ასეთი ამბებია ბრატცი და ბა თქვენ იცით, იმედია ამ მხარდაჭერას არ გააუფურელებთ და გამოიყენებთ
არა რუსეთს, დედის ტყვნა და შიმშილი ვალოდას!
პენტაგონი "ისლამურ სახელმწიფოს" და რუსეთს, ძირითად საფრთხედ ასახელებს
