ბაჩანა ბრეგვაძე, ქართველი განათლებული

[annavita]

განათლების მსურველებს ვაცნობებ რომ გარდაიცვალა ერთ-ერთი უკანასკნელი დიდი ქართველი განათლებული -ბაჩანა ბრეგვაძე.
შეიძლება ითქვას, თავის "ეპიტაფიაში" ის წერს:
" XX საუკუნის 90-იან წლებამდე ემიგრანტი ვიყავი ჩემს სამშობლოში. 90-იანი წლების შემდეგ -ხიზანი.
მადლობა ღმერთს, მალე მომისწრებს ამნისტია და ჩემს დასაბამიერ სამშობლოში გადავსახლდები"
ამნისტიის დღეც დადგა...
ბაჩანა ბრეგვაძემ დაგვიტოვა განათლების კერა:
1. პლატონის დიალოგები, თარგმ.ძველი ბერძნულიდან,წინასიტყვაობებითა და კომენტარებით (გამოცემულია სახვადასხვა დროს) : „ნადიმი“- 1964, „ფედონი“ - 1966, „იონი, დიდი ჰიპია, მენონი“ -1972, „ტიმეოსი“ - 1994, „ადრეული დიალოგები“ - 1997, „პარმენიდე“ - 2002, „სახელმწიფო“ - 2003.
2. ფსევდო-ლონგინე, „ამაღლებულისათვის“, .თარგმანი ძველი ბერძნულიდან. წინასიტყვაობა, კომენტარები - 1972.
3. მარკუს ავრელიუსი, „ფიქრები“. თარგმანი ძველი ბერძნულიდან. წინასიტყვაობა და კომენტარები - 1981.
4. მიგელ დე სერვანტეს საავედრა.„დონ კიხოტი“, ორტომეული. თარგმანი ესპანურიდან, 1994.
5.ნეტარი ავგუსტინე, „აღსარებანი“, თარგმანი ლათინურიდან. კომენტარები. 1995.
6. ნიკოლო მაკიაველი, „მთავარი“, თარგმანი იტალიურიდან. წინასიტყვაობა, კომენტარები. 1984.
7. ხოსე ორტეგა ი გასეტი, „მასების ამბოხი“. თარგმანი ესპანურიდან, 1993.
8.პოლ ვალერი, „სულის კრიზისი“,თარგმანი ფრანგულიდან, 1993.
9. ჰენრიკ იბსენი. დრამები. ორტომეული, 1994
10 ბლეზ პასკალი, „აზრები“, თარგმანი ფრანგულიდან. წინასიტყვაობა, კომენტარები - 1981.
11. ბაჩანა ბრეგვაძე, თხზულებანი. ოთხტომეული - 2011-2012.
12. „ახალი აღთქმა“ (ბიბლია), თარგმანი ძველი ბერძნულიდან. 1975 -1989. გამოიცა 1989, 2009, 2013წწ.

თქვენს განათლებულ სულს უკან დარჩა კვალი განათლებული, ხოლო წინ მარადიული ნათელწყარო გეგებებათ ძვირფასო ბატონო ბაჩანა


* * *
..........................................


This post has been edited by annavita on 14 Feb 2016, 18:46

[annavita]

ცუდია, ძალიან ცუდია
ექსტრა კლასის მთარგმნელი იყო, თანაც ისეთ რაღაცეებს თარგმნიდა რაც სხვებს ეკიდათ და ეკიდებათ სამარადჟამოდ

[thanos]

thanos

[thanos]

ამდენმა ადამიანმა ნახა თემა და შენ ერთი გამოეხმაურე. ეს არის ძალიან ცუდის გაგრძელება როგორც ცუდი, ძალიან ცუდი და ცუდზე ცუდი!

არადა, განათლების მსურველები არიან აქ...მათთვის გახსენი ეს თემა თორემ მე გავიზარდე ამაზე..
ის მეტი იყო ვიდრე მთარგმნელი. ესაა მთავარი. ის იყო განათლებული და ნათლის გადამცემი.

This post has been edited by annavita on 14 Feb 2016, 19:26

[annavita]

annavita

[annavita]

თარგამნებზე რომ არაფერი ითქვას, ის წინამძღვრება/გააზრებები რაც დართული ქონდა წიგნებს ცალკე აღნიშვნის ღირსია, განსაკუთრებით პარმენიდე, პასკალი და აურელიუსია გამოსაყოფი. თხზულებების ოთხ ტომეულიც მნიშვნელოვანი ნაშრომია. მე მარტო ბოლო წლების ჩანაწერები მაქვს წაკითხული და ძალიან კარგი რამეა.
სავარაუდოდ ჩაკვდება აწი საკმაო ხნით ანტიკური ლიტერატურის თარგმნის პროცესი საქართველოში...

პ.ს ვინმეს რომელიმე ბუკინისტთან თუ გეგულებათ გამომცემლობა ნეკერის წიგნები, გარდა ბერგსონისა დაწერეთ
თავის დროზე, 90-იანებში გამოსცეს ბაჩანა ბრეგვაძის ნათარგმნი წიგნები და ვერ ვიშოვე ვერსად.

[thanos]

მეორე ექვთიმე ათონელი
დიდი ადამიანი და მოღვაწე...

[thanos]

matarebeli
რომელსაც ხელისუფლებებმა აი რა დამართეს:


შეიძლება ითქვას, თავის "ეპიტაფიაში" ის წერს:
" XX საუკუნის 90-იან წლებამდე ემიგრანტი ვიყავი ჩემს სამშობლოში. 90-იანი წლების შემდეგ -ხიზანი.
მადლობა ღმერთს, მალე მომისწრებს ამნისტია და ჩემს დასაბამიერ სამშობლოში გადავსახლდები"

[matarebeli]

მადლობა ქალბატონ ანავითას ამ თემის გახსნისთვის, კარგია რომ პოლიტიკიდან
ბაჩანა ბრეგვაძე გარდაიცვალა
აქ გადმოვინაცვლეთ.

ბაჩანას როლი ქართველთა გამანათლებლობაში სრულიად განასაკუთებულია. მარტო პლატონი რომ ეთარგმნა ის ეყოფოდა უკვდავებისთვის.

არადა, პირველ პოსტში, რა შთამბეჭდავი სიაა მისი ნათარგმნების. არაქართველმა, რომ ნახოს ეს სია, გაუკვირდება: ბაჩანამდე რას აკეთებდითო? როგორ შეიძლება ამ ნაწარმოებების გარეშე ინტელექტუალური და სულიერი ცხოვრება? ეჰ, რამდენი რამეა, რისი თარგმნაც ალბათ სურდა და ვერ მოასწრო.

როგორც ვთქვი შთამბეჭდავი სია დაგვიდო ანავითამ, და იქ ჩემი უსაყვარლესი ''ფიქრებიცაა,'' აი, ის, არჩევანი რომ გქონდეთ მხოლოდ ერთი წიგნის უდაბნოში წაღების, და რომელსაც აირჩევდით..

მაგრამ სადაც არჩევანია, იქ არადანიცაა..

ჩემი არადანი მაგ სიაში არაა: ესაა დანტე. ახალი ცხოვრება. წიგნი, რომელსაც მთელი ცხოვრება ვკითხულობ. ანავითას, ალბათ იმიტომ გამორჩა, რომ ის წიგნი თამაზ ჩხენკელთან თანამშრომლობის შედეგია. ბაჩანას ბწკარებზე ჩხენკელმა დანტეს კანცონები გალექსა.

თვალი გადავავლე პოლიტიკაში მოყვანილ პოსტებს, და გული დამწყდა. კი,ყველა აქებს, მაგრამ მისი განსაკუთრებულობა თვალში საცემია. მისი შედარება თუნდაც ჯემალ აჯიაშვილთან, ვახუშტი კოტეტიშვილთან, გინდა ნოდარ ნათაძესთან არ შეიძლება. ეს ხალხი ჩინებული მთარგმნელები იყვნენ და მათი წიგნები ჩემს ბიბლიოთეკას ამშვენებს, მაგრამ ბაჩანა სხვა დონეა....


ერთმა მათემატიკოსმა დაწერა ფესიბუკზე, რომელსაც სრულიად ვეთანხმები:

''დღეს, პირველად გავეცანი მასზე ბიოგრაფიულ ცნობებს ვიკიპედიაში. თურმე, უნივერსიტეტში, ფილოლოგიურზე უსწავლია. არაფერი გასაოცარი, ერთი შეხედვით. არადა, აქამდე, დარწმუნებული ვიყავი, მას, ახალგაზრდობაში, აუცილებლად უნდა ჰქონოდა პროფესიული დამოკიდებულება მათემატიკასთან. სხვანაირად ვერ ამეხსნა, მისი მათემატიკური წიაღსვლები ''პასკალის'' წინასიტყვაობაში.
ესაა, უმაღლესი პროფესიონალიზმი, როცა პასკალის ფილოსოფიის გასაგებად, მათემატიკაც კი ისწავლა, ისე, რომ მე ნაკლი ვერ ვუპოვე მის მათემატიკურ მსჯელობებს.''

This post has been edited by THH on 15 Feb 2016, 15:39

[matarebeli]

annavita

[annavita]

თარჯიმანი ჰგავს დირიჟორს, რომელიც დირიჟორობისას თვითონაც ქმნის _ კომპოზიტორის თანაავტორი ხდება.
matarebeli

[annavita]

+.

[THH]

მის დონემდე ავიდოდა, ბერობის უღელიც რომ ეტვირთა; შესაძლოა, წმ. გიორგი ათონელის დონემდეც კი.
THH

[THH]

_ შედარება შეიძლება; გატოლება არა.

[mRvdeli giorgi sxiladze]

+.

This post has been edited by mRvdeli giorgi sxiladze on 15 Feb 2016, 16:48

[mRvdeli giorgi sxiladze]

mRvdeli giorgi sxiladze

[annavita]

მისი პიროვნების გატოლება შეიძლება ზურაბ კაკაბაძესთან, გურამ გეგეშიძესთან, XXს.სხვა განათლებულ ქართველებთან..

[annavita]

მთარგმნელი...დიახ..
მაგრამ მაინც

[tako44]

* * *
THH

[tako44]

თქვენ გმადლობთ...

[rockforever]

პირადად ვიცნობდი. ძალიან ჩუმი და უხმაურო ადამიანი იყო. რაღაც საბუთები გავუკეთე ერთხელ და მას მერე სამასი მადლობა გადამიხადა. არადა არაფერი ყოფილა განსაკუთრებული. მე მის თარგმანებზე გავიზარდე არადა. იქით მქონდა სამადლობელო.
შეძრული ვარ ამ ამბით.

[rockforever]

ერთ-ერთმა ტელევიზიამ სიუჟეტი გამოაცხო და ხან ბრეგვაძე ეწერათ,ხან ბრეგაძე, ეს მექანიკური შეცდომა არაა,ამ კაცის გვარი და სახელი პირველად გაიგეს და მაგისი ბრალია..

რამდენი ბაჩანა ბრეგვაძე ეყოფა ამ საერთო გაუნათლებლობას არ ვიცი

[annavita]

ბაჩანა ბრეგვაძეს მთაწმინდაზე დაკრძალავენ

http://www.newposts.ge/?l=G&id=99881-%E1%8...%83%95%E1%83%90

[annavita]

annavita

[Krusty_the_Clown]

თუ მთაწმინდაზე ადგილი დარჩა, ეგ ადგილი ნამდვილად ეკუთვნის მას
ღმერთმა აცხონოს...

[Krusty_the_Clown]

rockforever

[annavita]

Krusty_the_Clown

[annavita]

როდესაც საკულტო პროგნოზისტიკა /ორაკული, განნათლებულის წინასწარმრტყველება/ წარსულს ჩაბარდა, ქართულ სინამდვილეში მისი ფუნქცია აიღო სიტყვაკაზმულმა მწერლობამ, რომელიც ზოგადად კულტიდანაა დაბადებული და წილნაყარია განჭვრეტის /прорицание/ ხელოვნებასთან.

ჩვენი გენიალური მწერლები/პოეტები/ წინასწარმეტყველური ტიპის განმჭვრეტნი და განნათლებულები არიან სამყაროს მთელისა და ხდომილებათა წვდომით, რაც ათასწლეულთა სიღრმეების მიღმიერი წარსულიდან მოედინება აწმყოში და მომავალს მიემართება.

ამ ტიპის განნათლებულია ბაჩანა ბრეგვაძე, რომელიც მავანისთვის მხოლოდ სახელი და გვარია.

[Krusty_the_Clown]

[Krusty_the_Clown]

შესაძლოა, პირველად გაიგოს ადამიანმა, მაგრამ შემდგომ დაინტერესდეს და დააფასოს ადამიანის ღვაწლი, ეს ტრაგედია არაა.
annavita