სად ჯობს კვლევის ჩატარება

ზოგადი წესია, იკეთხეო...

სად ჯობს კვლევის ჩატარება, აქ თუ საზღვარგარეთ?

Komponent
კვლევის თემა და მიზანი?

გააჩნია რა რესურსი გჭირდება, ზოგ კვლევას ლაბორატორიები და ქვეყნებიც ვერ ქაჩავენ მარტო და ქმნიან კოლაბორაციებს, როგორიცაა მაგალითად ცერნი.

რა სფეროში, რას ეხება ეს კვლევა?

არწივი9
Irakli
ეს არაა რაღაც დიდი კვლევა, კაცობრიობის გადასარჩენი, უბრალო გამოყენებითია, ავტომობილის ნაწილის გაუმჯობესება, უფრო რომ მიგანიშნოთ, ფუტურისტულ კომფორტში. ანუ ამის გარეშეც არაფერი შავდება მაინცდამაინც.

მიზანი უფრო პიროვნულია, ცოტა კაპიტალი რომ მოვაგროვო სხვა კვლევებისთვის და განვითარებისთვის. ეს კვლევა ისე მომწონდა, ჩემთვის მინდოდა, მაგრამ აბა მე როდის რას გავაკეთებ, უნდა გავყიდო. სხვა გამოსავალს ვერ ვხედავ.

Komponent
რასაც შენ ამბობ, მეცნიერეული კვლევა არ არის; ეგ გადის შენ საკვლევ სფეროში მოღვაწე კომპანიების R&D (Research & Developement) წილში. იშვიათად არის რომ მსგავს კვლევებს ლაბორატორები აკეთებდნენ. როგორც წესი მსგავსი კვლევები კერძო კომპანიების მიერ ფინანსდება და მაგათ პროექტებს უწოდებენ; ისინი აფაინანსებენ კვლევებს, უხდიან ხელფასს თანამშრომლებს და შემდეგ შედეგებს აპატენტებენ კიდეც. შენთვის უფრო უპრიანია ამ ნიშაში არსებულ კოპანიებს მიმართო შენი იდეით და შესთავაზო თანამშრომლობა.

22მაისამდე სახლში


სერიოზულად, კი დაფინანსების წყაროს გააჩნია. ვინ არის პროექტით დაინტერესებული? თქვენ თუ ვინმე გიკვეთავთ?

Irakli

მეც ვფიქრობ, მართალი ხარ, აქ არაა მასეთი კარგი გარემო.
აი, როგორ უდგებიან
https://en.wikipedia.org/wiki/Technology_readiness_level
https://en.wikipedia.org/wiki/Technology_life_cycle
აქ მართლა არავის შევთავაზებ, დავუშვათ რამე ნაწილი ძვირი დაჯდეს და გაიაფება არ მოხერხდეს. ტყვუილად დახარჯული ფული გამოვა.
აქ, მოხნან, დათესონ, მოიყვანონ ნატურალური პროდუქტი, არც ესაა ცუდი საქმე, მეც ვაკეთებ ხოლმე ამას : )
Heart_of_Darkness

კი კორონას გამო ჯერ მართლა ვერსად წავალ.
დაინტერესებულები როგორ არ არიან, ძალიან ბევრი მუშაობს მაგ თემაზე, ბევრი პატენტები და სტატიებიც არის. ბრენდებიც. აუმჯობესებენ კიდეც.
შეკვეთები არ მაქვს, იმედია რამეს მოვახერხებ.

ამ ტექნოლოგიაში გამოყენებული პრინციპები შეიძლება გამოყენებულ იქნეს ორთვლიან, ოთხთვლიან და მრავალთვლიან სატრანსპორტო საშუალებებში.
ეს ტექნოლოგია არის ამორტიზაციის სისტემა. რიგითი ადამიანი ალბათ გაიფიქრებს, რომ მეტი კომფორტი კეთდება. ხოლო სრულად გააზრებისთვის, მეტი ცოდნა მოითხოვება. (ბევრი სპეციალისტი ამბობს, რომ თვალის ხუთ სანტიმეტრიანი შეწევა (კუმშვა) საკმარისია იმისთვის, რომ მთელი კომფორტი განხორციელდეს და ამ ხუთ სანტიმეტრში დევს მთელი „ფილოსოფიაო“).
ტექნოლოგია მიმართულია მთავარი დილემის გაქრობისკენ, რომელიც არსებობს ავტოწარმოებაში; ესაა, „მაგარი თუ რბილი“.
1) რბილ ავტოს ტვირთამწეობას ვერ უკეთებენ და მაგარს კომფორტს.
ზოგიერთი ავტო შეიძლება ტვირთამწედაც მოგვეჩვენოს და კომფორტულადაც მაგრამ, ასეთები მძიმე ავტოები არიან, თუმცა წონასთან შედარებით, ტვირთამწეობა მაინც სუსტად გამოიყურება.
ასევე, ამ დილემის გამო, მძღოლები შენიშნავენ, რომ დატვირთული ავტო უფრო რბილად დადის.
აქვე უნდა აღინიშნოს, რომ რაცარუნდა რბილი ავტო იყოს, როცა უგზოობაში მოხვდება, მაინც საჭიროა სიჩქარის ძალიან შემცირება, შეიძლება იმხელა რწევები ჰქონდეს, ისევ მაგარმა აჯობოს.
2) აღნიშნული დილემა დაკავშირებულია კიდევ ერთ პრობლემასთან, ესაა დისკომფორტი მოსახვევში. რბილი ავტო, ცენტრიდანული ძალის გამო ძალიან კოტაობს. მაგალითად მაღალ სიჩქარეზე ოდნავ მოხვევისას, მძღოლი შეიძლება მშვიდად იყოს მაგრამ, მგზავრები ვერ ხვდებიან რამდენად კონტროლირებადია სიტუაცია.
ამის გამოა რომ სპორტულ ავტოებს, მაგარს აკეთებენ. უფრო შეიგრძნობა ავტო და რეაქციაც უფრო დროულია.
ამავე საკითხს შეიძლება მივაწეროთ, დამუხრუჭებისას, ძარის წინ და უკან გადაქნევა.
3) ნაკლებ იდეალური სისტემა, ზრდის ენერგეტიკულ დანახარჯებს. მაგალითად, საბურავებში წნევის მცირე ცვლილება მკვეთრად აისახება კომფორტსა და წვაზე.
არსებულ სისტემებში კიდევ არის ერთი ფაქტორი, რომელიც ზრდის ენერგეტიკულ ხარჯებს მაგრამ, იმის აღწერა, არ მინდა ჯერ.
აგრეთვე, აღნიშნული დილემის გამოა, რომ ავტომობილის სკამებს რბილსა და ფუმფულას აკეთებენ, რაც ცუდია ძილიანობისთვის და რეაქციისთვის. ავტომობილი გარედან (ამორტიზაცია) უნდა იყოს რბილი და შიგნიდან მაგარი ( მძღოლის სკამი), ფხიზლად რომ იყოს მძღოლი. (რბილი რომ ვთქვი, ის კი არ ვიგულისხმე, არასაჭირო მომენტში იყოს რბილი).
მე რა ტექნოლოგიასაც ვაპირებ, იმის პროტოტიპია suspension bose . ოღონდ ეს სხვა პრინციპზეა. suspension bose –ზე შემდეგ ნაკლოვანებებს ამბობენ, მძიმეაო, ძვირიაო, ასევე არ ვიცი რამდენად სწრაფია და რა ენერგეტიკული ხარჯები აქვს.
რასაც ვაპირებ იმის უარყოფითია, არ ვიცი რა ეღირება, შეიძლება მწოლიარე პოლიციელიც გააქროს. ასევე არ ვიცი რა წონის გამოვა. შეიძლება ჩვეულებრივ სისტემაზე მძიმე არც გამოვიდეს.
მოველი დადებითებსაც, გაზრდილ კომფორტსა და ტვირთამწეობას ერთდროულად. ასევე სიჩქარის მატებას უგზოობისას და ენერგეტიკული ხარჯების შემცირებას. თუმცა გარანტირებულად არაფერს ვამბობ იმიტომ, რომ ჯერ არ გამომიცდია. ანუ ამ ეტაპზე, მხოლოდ წინასწარი გამოთვლებია ოპტიმისტური და რეალობამდე დიდი გზაა.
საქართველოში თუ ვინმე იყიდის ამ კვლევა–ექსპერიმენტს, რა თქმა უნდა, მივესალმები.

This post has been edited by Komponent on 7 May 2020, 12:00