მწვავე აქციების მოწყობა არ დაგავიწყდეთ ქოცებო, ვანახოთ ევროპას ჩვენი ნამდვილი სახე, იცოდნენ რომ არავის მონები არ ვართ
გიგი წერეთელი - ჯოზეფ დაული საქართველოში რამდენიმე დღეში ჩამოვა
18:37 28-03-2016
გიგი წერეთელი - ჯოზეფ დაული საქართველოში რამდენიმე დღეში ჩამოვა პრეზიდენტი დაული საქართველოში რამდენიმე დღეში ჩამოვა, გააკეთებს განცხადებებს და თუ რაიმე კითხვები იქნება, უპასუხებს, - ამის შესახებ "ინტერპრესნიუსს" "ნაციონალური მოძრაობის" წევრმა გიგი წერეთელმა განუცხადა. მისი თქმით, ხელისუფლებაში ყოფნის დროსაც და დღესაც, "ნაციონალური მოძრაობა" ყველანაირად ცდილობს, ვიზალიბერალიზაციის პროცესის დაჩქარებას.
წერეთლის განცხადებით, "ევროპის სახალხო პარტია" საქართველოს მეგობარი პარტიაა და ყველა ევროკომისარი, ვინც ვიზალიბერალიზაციის პროცესშია ჩართული, EPP-ის წარმოადგენს.
"ჩვენი პარტიის მოსაზრება აბსოლუტურად ჩამოყალიბებულია, რომ საქართველომ რაც შეიძლება სწრაფად უნდა მიიღოს უვიზო მიმოსვლა. ხელისუფლებაში ყოფნის დროსაც და დღესაც, ჩვენ ყველანაირად ვცდილობთ, ამ პროცესის დაჩქარებას. ერთადერთი, ვისაც შეუძლია არასწორად იმოქმედოს, საქართველოს ხელისუფლებაა. "ევროპის სახალხო პარტია" საქართველოს მეგობარი პარტიაა. მან გამოხატა თავისი მხარდაჭერა ვიზების ლიბერალიზაციის პროცესში. მაგრამ ერთია ტექნიკური ნაწილი, რაზეც განცხადებები გაკეთდა და მეორეა პოლიტიკური ნაწილი. ევროპარლამენტი სწორედ ორივე მიმართულებით იღებს გადაწყვეტილებებს და ის, რომ საქართველოსთან მიმართებაში არის შენიშვნები, კრიტიკა და მოწოდებები – შერჩევით სამართალზე, ინსტიტუტებზე, შეტევაზე, ოპოზიციასთან არასწორ დამოკიდებულებაზე, პოლიტპატიმრებზე, პოლიტიკურად მოტივირებულ საქმეებზე და სხვა ბევრი მაგალითია, რომელიც კითხვის ნიშნებს აჩენს. ეს კითხვის ნიშნები კი მიდის ხელისუფლებასთან. ამიტომ ამ გზავნილების შემდეგ, ხელისუფლებამ ვიღაცისკენ თითის გაშვერა და ლანძღვა კი არ უნდა დაიწყოს, არამედ უნდა იმუშაოს იმაზე, თუ რატომ დაისვა ეს კითხვები, რა მიზეზია და ჯერჯერობით არის დრო იმისთვის, რომ საქართველოს მიზეზით არ შეფრხდეს ეს პროცესი", - განუცხადა "ინტერპრესნიუსს" გიგი წერეთელმა. მისივე თქმით, რადგან ახლა დაისვა კითხვები, ესე იგი მას აქვს კონკრეტული მიზეზები, რასაც ხელისუფლებამ უნდა უპასუხოს.
"ევროპის სახალხო პარტიის" საპატიო პრეზიდენტმა ჯოზეფ დაულიმ "რუსთავი 2"-თან ინტერვიუში განაცხადა, რომ ევროპარლამენტში, ევროპის სახალხო ჯგუფი მხარს დაუჭერს ვიზალიბერალიზაციას მხოლოდ იმ შემთხვევაში, თუ საქართველოში საპარლამენტო არჩევნები თავისუფალი და სამართლიანი გზით ჩატარდება.
http://www.interpressnews.ge/ge/politika/3...hi-chamova.html 
ჯოზეფ დაული საქართველოში რამდენიმე დღეში ჩამოვა
