საკონსტიტუციოსთან მიმართებაში ა.ს.ო.-ები პრეზიდენტს, თხოვენ ხელის მოწერა დროში გაწელოს

ბევრი სატია და მსჯელობა წავიკითხე ამ ახაილი კანონის შესახებ და ვერაფერი გავიგე.
ამიტომაც გეკითხებით აქაურო ექსპერტებო და ანალიტიკოსებო. ბოლოს და ბოლოს ის რაც ხდება საკონსტიტუციოსთან მიმართებაში. კარგია თუ ცუდი?

ქვეცნობიერად თითქო ისე აღვიქვამ, რომ არ უნდა ჩანდეს მთლად მოსაწონი.
არადა, ეს ნაცები და მისი სატელიტი ა.ს.ო.-ებ ი რომ აკტიტიკებენ, აქ უკვე ეჭვი მეპარება, მგონი კარგი ამბები ხდება-თქო
ხოდა ახსენით რა ვინმე მადლიან გასაგებ ენაზე.
-------------------

არასამთავრობოების ნაწილი პრეზიდენტს ურჩევს, ”საკონსტიტუციო სასამართლოს შესახებ” კანონში შეტანილი ცვლილებების ხელმოწერა დროში გაწელოს
15:00 16-05-2016
არასამთავრობო ორგანიზაციების ნაწილი საქართველოს პრეზიდენტს ურჩევს, ”საკონსტიტუციო სასამართლოს შესახებ” კანონში შეტანილ ცვლილებებს ხელი მოაწეროს, თუმცა ხელმოწერა დროში გაწელოს.

ამის შესახებ არასამთავრობო ორგანიზაციების წარმომადგენლებმა ქვეყნის პირველ პირთან შეხვედრის დაწყებამდე ჟურნალისტებს განუცხადეს.

როგორც ”საქართველოს დემოკრატიული ინიციატივის” წევრმა გიორგი მშვენიერაძემ ჟურნალისტებს განუცხადა, ეს კანონი არის ხელისუფლების დანაწილების პრინციპის მომშლელი, რადგან კონსტიტუციური კონტროლის ფუნქციას ართმევს სასამართლოს.

კითხვაზე, პრეზიდენტმა ვეტო უნდა დაადოს კანონს, თუ ხელი უნდა მოაწეროს, გიორგი მშვენიერაძემ განმარტა, რომ პრეზიდენტმა ხელმოწერა დროში უნდა გაწელოს, რათა არასამთავრობოებს მიეცეთ დრო, კანონი კარგად შეისწავლონ და მოამზადონ სარჩელი, თუმცა, ამავე დროს, კანონმა ამოქმედება ვერ მოასწროს.

თავის მხრივ, არასამთავრობო ორგანიზაცია IDFI-ს თავმჯდომარის ლევან ავალიშვილის განცხადებით, არასამთავრობოებს განსხვავებული პოზიცია აქვთ იმასთან დაკავშირებით, უნდა მოაწეროს თუ არა ხელი პრეზიდენტმა კანონს თუ ვეტო უნდა დაადოს.

ავალიშვილის თქმით, IDFI- აღნიშნულ კანონს აუცილებლად გაასაჩივრებს და რა ვადებში მოხდება ეს, უკვე კანონზე ხელმოწერაზეა დამოკიდებული.

პრეზიდენტის ავლაბრის რეზიდენციაში ქვეყნის პირველი პირი მრჩევლებთან ერთად არასამთავრობო სექტორის წარმომადგენლებს ხვდება.

პრეზიდენტის ადმინისტრაციის ინფორმაციით, ”საკონსტიტუციო სასამართლოს შესახებ” კანონში შეტანილ ცვლილებებზე კონსულტაციები გაიმართება.
IPN


მოდერატორებო!
ა.ს.ო-. შემოლებულად რომ იწერება, ბევრად უფრო იოლია ასაკრებად და ამიტომ გამოვიყენე ეს აბრევიატურა. იმედია თქვენს სათუთ თვალს და ყურს არაფერს ავნებს

This post has been edited by Lаki on 16 May 2016, 16:30

ირინა იმერლიშვილი - საკონსტიტუციო სასამართლოსთან დაკავშირებულ ცვლილებებზე მე დავსვი კითხვები, მაგრამ პასუხგაუცემელი დარჩა
16:50 16-05-2016
პრეზიდენტი ”საკონსტიტუციო სასამართლოს შესახებ” კანონში შეტანილ ცვლილებებზე ხელმოწერის ან ვეტოს საკითხს არასამთავრობო სექტორთან კიდევ ერთი კონსულტაციის შემდეგ მიიღებს, - ამის შესახებ ჟურნალისტებს ეროვნული უშიშროების საბჭოს მდივანმა ირინა იმერლიშვილმა, ქვეყნის პირველი პირისა და არასამთავრობო სექტორის შეხვედრის დასრულების შემდეგ განუცხადა.

იმერლიშვილის თქმით, პრეზიდენტი ყოველთვის იცავს დამოუკიდებელ ინსტიტუტებს და კონსტიტუციით, მათი გამართულად მუშაობის გარანტია.
”კანონი, რომელც პარლამენტმა მიიღო, ძალიან ბევრ შეკითხვას ბადებს იმ კონტექსტში, რომ იგი არ იყო შეთანხმებული და გაგზავნილი არც საკონსტიტუციო სასამართლოში და არ იყო გათვალისწინებული მათი მოსაზრებები, ასევე არც ვენეციის კომისიაში, რასაც ჩვენ ევროსაბჭოს წევრობა გვავალდებულებს.

მე თავად ვიყავი ჩართული საკომიტეტო განხილვებში - კითხვები დავსვი, მაგრამ პასუხგაუცემელი დარჩა. პრეზიდენტი ატარებს კონსულტაციებს და საბოლოო გადაწყვეტილებას მას შემდეგ მიიღებს, რაც კანონის საბოლოო ვერსიას ნახავს და არასამთავრობო სექტორთან კიდევ ერთხელ გამართავს კონსულტაციებს”, - აღნიშნა იმერლიშვილმა.

მისივე თქმით, აღნიშნული კანონის კონსტიტუციურობასთან მიმართებაში კითხვის ნიშნები დგას.

თავის მხრივ, არასამთავრობო ორგანიზაციების ნაწილი პრეზიდენტს ურჩევს, ვეტოს უფლება გამოიყენოს, ხოლო ნაწილი მიიჩნევს, რომ ქვეყნის პირველმა პირმა კანონს ხელი უნდა მოაწეროს.

This post has been edited by Lаki on 16 May 2016, 17:36