ახალი ნარკოტიკი, რომელმაც 1 კვირაში 7 ახალგაზრდა მოკლა, ოფიცილუარად და ისე უფრო მეტი და კიდევ მეტს მოკლავს !!!
რაღაც მარილის მსგავსია შემოსული ტუ აქ ნაწარმოები უამარავს კლავს, საქმე იმაშია არ იციან ამ ბავსვებმა რა არის, ასინჯებენ და ეგრე კვდებიანიცოდეტ არაფერი გასინჯოტ!!!
მკვლელი ნარკოტიკი, შესაძლოა საქართველოშიც მზადდებოდეს – რამდენიმე ახალგაზრდა უკვე დაიღუპა
ბოლო სამი კვირის მანძილზე თბილისში ნარკოტიკული საშუალების ზედოზირებით რამდენიმე ახალგაზრდა გარდაიცვალა. „პრიმტაიმის“ ინფორმაციით, გარდაცვალების ფაქტები დაფიქსირდა დიდუბის, ნაძალადევისა და საბურთალოს რაიონებში. განსაკუთრებით საშიში და მკვლელი ნარკოტიკი, რომელსაც ინტრავენური გზით მოიხმარენ, ამფეტამინის სახელითაა გავრცელებული. თუმცა ის, სავარაუდოდ, ბიონარკოტიკის ერთ-ერთი სახეობაა.
როგორც „პრაიმტაიმისთვის“ სხვადასხვა წყაროებიდან ხდება ცნობილი, მკვლელი ნარკოტიკი ვიზუალურად თეთრი ფხვნილის მასაა და ის სინთეტიკური ნარკოტიკების ჯგუფს მიეკუთვნება. ნარკოდამოკიდებული ადამიანები მას რამდენიმე გზით მოიხმარენ, ე.წ. ბიოამფეტამინს ეწევიან, სასუნთქი გზების მეშვეობით იყნოსავენ და ინტრავენური გზით მოიხმარენ. აღსანიშნავია ის ფაქტი, რომ გარდაცვალების შემთხვევები ძირითადად ინტრავენურად მოხმარების ფაქტებს უკავშირდება. როგორც თავში აღვნიშნეთ, თბილისის რამდენიმე უბანში ზედოზირების შემთხვევები დაფიქსირდა. როგორც ირკვევა, ბიოამფეტამინის მოხმარებას უმძიმესი შედეგები მოჰყვება. ამასთანავე, ის იწვევს გამოხატულ ლტოლვასა და დამოკიდებულებას. თბილისში მომხდარმა შემთხვევებმა, რომლებიც ახალი ფსიქოაქტიური ნივთიერების მასობრივი მოხმარების ფაქტებს უკავშირდება, ცხადია, შეკითხვები გააჩინა იმის შესახებ, რა გზებით ხვდება სინთეტიკური ნარკოტიკები საქართველოში და რამდენად ხელმისაწვდომია ის. ჩვენ შევეცადეთ, მაქსიმალურად მეტი ინფორმაცია მოგვეპოვებინა. „პრაიმტაიმი“, ანონიმურობის დაცვით, რამდენიმე ნარკომომხმარებელს ესაუბრა. როგორც ისინი აცხადებენ, გარდაცვალების ფაქტები ახალი წლის დღეებში რამდენიმე უბანში დაფიქსირდა.
როგორც ჩვენთვის გახდა ცნობილი, დანიშნულია ექსპერტიზა, საიდანაც დადგინდება, კონკრეტულად, რა ნივთიერებას შეიცავს მომაკვდინებელი ნარკოტიკი. რაც შეეხება ამ ნარკოტიკის გავრცელებას, პირად საუბრებში მომხმარებლები ამბობენ, რომ ბიოამფეტამინი, დიდი ალბათობით, საქართველოში კუსტარულად მზადდება. აღნიშნული ინფორმაციის დამამტკიცებელი ფაქტები ჩვენს რესპონდენტებს არ გაჩნიათ, თუმცა ცალსახად აცხადებენ, რომ დაბალი ფასი და ნარკოტიკზე ხელმისაწვდომობა ამ ვარაუდის დაშვების საშუალებას იძლევა. რაც შეეხება ნარკოტიკის გავრცელებას, „პრაიმტაიმს“ ანონიმური წყარო იმ სქემის შესახებ უყვება, რომლის მეშვეობითაც ბიოამფეტამინის გავრცელება ხდება.
როგორც ირკვევა, მკვლელი ნარკოტიკის შეძენა ინტერნეტის გამოყენებით ხორციელდება. გამსაღებელი ინტერნეტში სხვადასხვა მეტსახელითაა დარეგისტრირებული და, შესაბამისად, მისი იდენტიფიცირება შეუძლებელია. მყიდველი გამსაღებელს მხოლოდ ინტერნეტის საშუალებით ეკონტაქტება, რეალიზატორი წინასწარ ითხოვს თანხის ჩარიცხვას კონკრეტულ ანგარიშზე. თანხის ჩარიცხვა მარტივად, ე.წ. სწრაფი ჩარიცხვის აპარატებიდან ხდება. მას შემდეგ კი, რაც ტრანზაქცია დასრულდება და რეალიზატორის ანგარიშზე თანხა დაიდება, ის მკაცრად გაწერილი სქემით ახორციელებს ნარკოტიკის მიწოდებას. კერძოდ, რეალიზატორი ნარკოტიკულ საშუალებას რომელიმე საცხოვრებელი სახლის სადარბაზოში ან სკვერში ტოვებს კონკრეტული უბნების მიხედვით. მას შემდეგ კი, რაც ე.წ. ფხვნილის ჩეკს კონკრეტულ ადგილას მოათავსებს, გამსაღებელი ზუსტ მისამართს წერს ინტერნეტის საშუალებით მომხმარებელს. „პრაიმტაიმთან“ საუბარში ნარკომომხმარებლები აცხადებენ, რომ ე.წ. ბიოამფეტამინის ფასი 200 ლარიდან 600 ლარამდე მერყეობს. აღნიშნული თანხით რაოდენობრივად ბევრი, თუმცა სიცოცხლისთვის საშიში ნივთიერება მოსდით. აღსანიშნავია ის ფაქტი, რომ აღნიშნული ნარკოტიკის მოხმარების წესები განსხვავდება ტრადიციული მეთოდებისგან. მომხმარებლები ამბობენ, რომ ბიოამფეტამინს ხშირ შემთხვევაში ნახევარ საათში ერთხელ მოიხმარენ, რადგან მისი ე.წ. ნარკოტიკული თრობის ხანგრძლივობა 15 წუთიდან ნახევარ საათამდე გრძელდება. იმის გამო, რომ ე.წ. კაიფი მალე სრულდება, აქტიური მომხმარებლები ბიოამფეტამინს დღეში, საშუალოდ, 5-ჯერ მაინც მოიხმარენ. ნარკოლოგები აცხადებენ, რომ ახალი ფსიქოაქტიური ნივთიერება, რომლის მოხმარების მაჩვენებელიც წინასაახალწლო დღეებში გაიზარდა, დამოკიდებულებას მალევე იწვევს. ის განსაკუთრებით საშიშია ჯანმრთელობისთვის. ზედოზირების შემთხვევაში აპრობირებული სამედიცინო მანიპულაციები ეფექტურად ვერ გამოიყენება. იწვევს ტაქიკარდიას, რამაც შესაძლოა, გულის მუშაობის ბლოკირება მოახდინოს. უფრო დეტალურად ამ თემაზე „პრაიმტაიმს“ ექიმი ნარკოლოგი ხათუნა თოდაძე ესაუბრა.
– ამფეტამინის მსგავსი სტიმულატორები ძალიან ბევრნაირია სხვადასხვა ქიმიური სტრუქტურით. ასეთ სტიმულატორებს ახასიათებს უფრო ხანმოკლე მოქმედება. საქართველოში რაც ვრცელდება, ეს არის ემპიტივი. როგორც აღვნიშნე, ხანმოკლე მოქმედება ახასიათებს და ამის გამო დღეში რამდენჯერმე იღებენ. უნდა აღინიშნოს, რომ იწვევს გამოხატულ ლტოლვას, რის გამოც სურვილი, რომ კვლავ მიიღოს, დიდია და ამ ფონზე შესაძლოა, მთელი რიგი გართულებები განვითარდეს, ერთი მხრივ, ფსიქიკური ხასიათის შფოთვა, აგრესიულობა, არაადეკვატური ქცევები. მეორე მხრივ, იწვევს ტაქიკარდიას, არტერიული წნევის მომატებას. შეიძლება გამოიწვიოს კრუნჩხვები და ამ ყველაფერმა შესაძლოა, ლეტალური შედეგი დააყენოს. აქვე მინდა აღვნიშნო, რომ ელვისებური სისწრაფით შეიძლება დამძიმდეს ადამიანის მდგომარეობა და გამოიწვიოს სიკვდილი ისე, რომ პირველადი სამედიცინო დახმარების გაწევაც კი ვერ მოესწროს.
– თუ თქვენ მიერ ჩამოთვლილი სიმპტომები განვითარდა, რა პირველადი დახმარება უნდა გაეწიოს ამ დროს ადამიანს?
– ახლა მთელ მსოფლიოშია მეტამფეტამინების ბუმი და ამ ახალი ფსიქოაქტიური ნივთიერებების მთელი პრობლემა ის არის, რომ შესაძლოა, კონკრეტულ ნივთიერებებს სამედიცინო სფერო და სასწრაფო დახმარების ექიმები კარგად არ იცნობდნენ, ამ დროს კი არის იმის დიდი ალბათობა, რომ შავ ბაზარზე შემოიყაროს ეს ნარკოტიკი და გამოიწვიოს ასეთი გვერდითი ეფექტები, მასობრივი გარდაცვალების ფაქტები და ა.შ. ამიტომ, ერთი მხრივ, სამედიცინო სფერო უნდა გაფრთხილდეს და, პირველ რიგში, სასწრაფო დახმარება, „ემერჯენსი“ და, რასაკვირველია, ნარკოლოგები უნდა ვიყოთ ყურადღებით. თვითონ მომხმარებლები უნდა გაფრთხილდნენ, თუ კი არ იცნობენ ნივთიერებას, მცირე დოზით და სიფრთხილით უნდა მიიღონ, ანუ ზიანის შემცირების პრაქტიკას უნდა მისდიონ და, რა თქმა უნდა, პოლიციამ უნდა აღკვეთოს.
– და მაინც, აქ საუბარია ადამიანის სიცოცხლეზე და იგივე სასწრაფოს ექიმებმა როგორ უნდა იმოქმედონ ამ დროს, რადგან აქ კლასიკური მეთოდები არ გამოიყენება, იგივე ნარკანისა და სხვა…
– დიახ, ამ შემთხვევაში ნარკანი არ მოქმედებს, რადგან ეს ნივთიერება არ მიეკუთვნება ოპიატების ჯგუფს, სადაც ნარკანი ახდენს გარკვეულ ეფექტს. სტიმულატორით გამოწვეულ ინტოქსიკაციასთან ნარკანი არის უძლური. ამ შემთხვევაში იგივე სასწრაფო დახმარების ბრიგადა მუშაობს ძირითადად სიმპტომატურად, ანუ თუ ხედავს, რომ იქ არითმიაა, არითმიას მკურნალობს, მაღალი წნევაა, შესაბამისად მოქმედებს და ა.შ. სასწრაფო დახმარება ხომ მაინც სიმპტომებზე მუშაობს და ცდილობს, სასიცოცხლო ფუნქციები შეინარჩუნოს და პაციენტი კლინიკაში დროულად გადაიყვანოს, მაგრამ, შესაძლოა, ამ ნარკოტიკთან უძლური იყოს ყველა სამედიცინო სერვისი, რადგან, როგორც გითხარით, არის შემთხვევები, როცა ელვისებურად მძიმდება ადამიანის მდგომარეობა და მისი გადარჩენა პრაქტიკულად შეუძლებელი ხდება.
http://primetime.ge/%E1%83%9B%E1%83%99%E1%...83%90%E1%83%AB/
მიმაგრებული სურათი
Do not argue with a fool. He will drag you down to his level and beat you with experience!
OPEN YOUR MIND, THINK WIDE ;-)
ახალი ნარკოტიკი,რომელმაც 1კვრაში 7ახალგაზრდა მოკლა, გაფრთხილდით, არ გასინჯოტ!!! სასიკვდილოა!!!!
