ქართველი დიპლომატები პარკინგის ჯარიმების გადაუხდელობით ნორვეგიაში აკრედიტებულ დიპლომატიურ წარმომადგენლებს შორის ლიდერობენ, - ამის თაობაზე ინფორმაციას ნორვეგიული Osloby ავრცელებს.
მედიაპორტალის ცნობით, 5 იანვრის მონაცემებით, საქართველოს საელჩოს ნორვეგიაში პარკინგის ჯარიმის გადაუხდელობის გამო 101 850 კრონის ოდენობის დავალიანება დაუგროვდა, რაც დაახლოებით 27 500 ლარს შეადგენს.
"სამშაბათს, ოსლოში მდებარე უცხო ქვეყნების საელჩოებს პარკინგის ჯარიმის სახით 307 500 კრონის ოდენობის დავალიანება დაუგროვდათ. ამ სიის სათავეში პატარა რესპუბლიკა მოექცა", - წერს Osloby.
რაც შეეხება სხვა ქვეყნებს, პორტალის ინფორმაციით, მეორე ადგილს მაროკოს საელჩო (30 150 კრონი), მესამეს - ვიეტნამის (25 600 კრონი), ხოლო მეოთხეს - ერაყის საელჩო (22 800 კრონი) იკავებს.
"ჩვენ დავუკავშირდით საქართველოს საელჩოს, სადაც ქალბატონს ვესაუბრეთ. როგორც მან გვითხრა, ჯარიმების შესახებ ინფორმაცია არ აქვს და პირადად ის ავტომობილსაც არ მართავს. ამის შემდეგ საელჩოს ელექტრონული ფოსტით მივმართეთ და მივიღეთ პასუხი, რომ ისინი ინფორმირებულები არიან და აღნიშნულ საკითხზე მუშაობენ", - წერს სტატიის ავტორი.
გამოცემის ცნობით, ოსლოს ხელისუფლება პარკირების მოსაწესრიგებლად იბრძვის, თუმცა რადგან უცხოურ საელჩოებს დიპლომატიური იმუნიტეტი იცავს, ადგილობრივი მთავრობა პრობლემის მოგვარებას ვერ ახერხებს.
http://www.interpressnews.ge/ge/msoflio/36...-lideroben.htmlგანმარტება არ უნდა გააკეთოს ვინმემ ამაზე? რა საქციელია ეს? ანუ რახან იმუნიტეტი აქვთ ამ 27000-ს ლარს აღარ გადაიხდიან? თუ მაინც უწევთ? და რომც არ მოუწიოთ გადახდა, რა სირცხვილია, რამდენი კი უნდა დაარღვიოს, რომ 27000 ჯარიმა დაგროვდეს? სულ მაქსიმუმ ორი მანქანა ეყოლებათ, ალბათ. მაგარი ქვეყნების გვერდზე კი მოვხვდით, ვერაფერს იტყვი
ძალიან ბევრი ფული გვაქვს და ვფლანგოთ რა გვენაღვლება
This post has been edited by ვიღაც on 8 Jan 2016, 13:34 
საქართველოს საელჩო ნორვეგიაში, რას ნიშნავს ეს ყველაფერი?
