ეიძლება თამამად ითქვას, რომ ამ ზაფხულს საქართველოში ყველა თქვენი მუსიკალური ოცნება ახდება. რობი უილიამსი – თბილისში, “მარუნ 5”, ლორენ ჰილი, ქუინსი ჯონსი, კრის ბრაუნი და სხვა ვარსკვლავები – ბათუმში ჩამოდიან. თუმცა არის კიდევ ერთი ძალიან მყვირალა ივენთი, რომლის შესახებ ჯერ არაფერი იცით და INFOS.GE ამის შესახებ ერთ-ერთი პირველი მოგახსენებთ.
საუბარი გვაქვს თანამედროვეობის ერთ-ერთ საუკეთესო პროდიუსერზე, მუსიკოსსა და შემსრულებელზე, როგორიც არის ფარელ უილიამსი. ჩვენი წყაროს ცნობით, ის ბათუმში ივლისში საკუთარი შოუთი ჩამოდის.
კონკრეტული თარიღი არ სახელდება, მაგრამ მოლაპარაკებები უკვე დიდი ხანია მიმდინარეობს. ჩვენთვის ცნობილი გახდა, რომ მისი კონცერტით გაიხსნება ბიძინა ივანიშვილის მიერ შეკვეთილში აშენებული Black Sea Arena. ეს გახლავთ უზარმაზარი საკონცერტო დარბაზი, რომელიც ათი ათასამდე ადამიანს იტევს. მისი ინფრასტრუქტურა და აპარატურა, რომელიც არენაზეა დამონტაჟებული, მსოფლიოში ნებისმიერი სირთულის შოუს გამასპინძლებას გაუმკლავდება.
ისეთი რეიტინგული მუსიკოსები, როგორიც ფარელ უილიამსია, ორგანიზატორებს საკმაოდ მსუყე ტექნიკურ მოთხოვნებს უყენებენ, რისი დაკმაყოფილების შესაძლებლობაც საქართველოში უკვე გაჩნდა.
ოფიციალურად, ჯერჯერობით, ფარელ უილიამსის ჩამოსვლა არ დასტურდება, თუმცა ამბობენ, რომ მოლაპარაკებები თითქმის დასრულებულია.
ვინაიდან ამ კონცერტს სახელმწიფო არ აკეთებს, ისეთი დემოკრატიული ფასები არ იქნება, როგორიც სხვა კომცერტებზეა, მაგრამ სავარაუდოდ, ძალიან მაღალ ფასსაც არ დაადებენ.
http://infos.ge/37/geo/blogბილეთები გაყიდვამდე აღარ იქნება
"The Ferrari is a dream - people dream of owning this special vehicle and for most
people it will remain a dream apart from for those lucky few." Enzo Ferrari
ფარელ უილიამსი ბათუმში, ივლისში კონცერტს გამართავსო
