zaza1234
სამი ცხრიანი
ჯგუფი: Members
წერილები: 4913
წევრი No.: 154156
რეგისტრ.: 18-September 12
|
#47933229 · 28 May 2016, 01:47 · · პროფილი · პირადი მიმოწერა · ჩატი
თავი XXXIII
ნარკოტიკული დანაშაული
მუხლი 260. ნარკოტიკული საშუალების, მისი ანალოგის ან
პრეკურსორის უკანონო დამზადება, წარმოება,
შეძენა, შენახვა, გადაზიდვა, გადაგზავნა ან გასაღება (25.07.2006 N 3530)
1. ნარკოტიკული საშუალების, მისი ანალოგის ან პრეკურსორის უკანონო
დამზადება, წარმოება, შეძენა, შენახვა, გადაზიდვა, გადაგზავნა ან გასაღება, –
ისჯება თავისუფლების აღკვეთით ვადით თერთმეტ წლამდე. (3.07.2007 N5184)
2. იგივე ქმედება, ჩადენილი: (3.07.2007 N5184)
ა) დიდი ოდენობით;
ბ) წინასწარი შეთანხმებით ჯგუფის მიერ;
გ) სამსახურებრივი მდგომარეობის გამოყენებით;
დ) არაერთგზის;
ე) იმის მიერ, ვისაც წინათ ჩადენილი აქვს ამ კოდექსის ამ თავით
გათვალისწინებული რომელიმე დანაშაული, –
ისჯება თავისუფლების აღკვეთით ვადით შვიდიდან თოთხმეტ წლამდე.
3. ამ მუხლის პირველი ან მე-2 ნაწილით გათვალისწინებული ქმედება,
ჩადენილი:
ა) განსაკუთრებით დიდი ოდენობით;
ბ) ორგანიზებული ჯგუფის მიერ, –
ისჯება თავისუფლების აღკვეთით ვადით რვიდან ოც წლამდე ან უვადო
თავისუფლების აღკვეთით.
შენიშვნა:
1. ამ თავით გათვალისწინებული დანაშაულის ჩადენისათვის
სისხლისსამართლებრივი პასუხისმგებლობისაგან თავისუფლდება ის, ვინც
ნებაყოფლობით ჩააბარებს ნარკოტიკულ საშუალებას, მის ანალოგს, პრეკურსორს,
ფსიქოტროპულ ნივთიერებას, მის ანალოგს ან ძლიერმოქმედ ნივთიერებას, თუ მის
ქმედებაში არ არის სხვა დანაშაულის ნიშნები.
2. ამ მუხლით გათვალისწინებული ქმედებისათვის იურიდიული პირი ისჯება
ლიკვიდაციით ან საქმიანობის უფლების ჩამორთმევით და ჯარიმით.
მუხლი 261. ფსიქოტროპული ნივთიერების, მისი ანალოგის ან
ძლიერმოქმედი ნივთიერების უკანონო დამზადება,
წარმოება, შეძენა, შენახვა, გადაზიდვა,
გადაგზავნა ან გასაღება (25.07.2006 N 3530)
1. ფსიქოტროპული ნივთიერების ან მისი ანალოგის უკანონო დამზადება,
წარმოება, შეძენა, შენახვა, გადაზიდვა, გადაგზავნა ან გასაღება, –
ისჯება ჯარიმით ან გამასწორებელი სამუშაოთი ვადით ორ წლამდე ანდა
თავისუფლების აღკვეთით ვადით სამ წლამდე.
2. ძლიერმოქმედი ნივთიერების უკანონო დამზადება, წარმოება, შეძენა,
შენახვა, გადაზიდვა, გადაგზავნა ან გასაღება, –
ისჯება ჯარიმით ან გამასწორებელი სამუშაოთი ვადით ერთ წლამდე.
3. ამ მუხლის პირველი ან მე-2 ნაწილით გათვალისწინებული ქმედება,
ჩადენილი: (3.07.2007 N5184)
ა) დიდი ოდენობით;
ბ) წინასწარი შეთანხმებით ჯგუფის მიერ;
გ) სამსახურებრივი მდგომარეობის გამოყენებით;
დ) არაერთგზის;
ე) იმის მიერ, ვისაც წინათ ჩადენილი აქვს ამ კოდექსის ამ თავით
გათვალისწინებული რომელიმე დანაშაული, –
ისჯება თავისუფლების აღკვეთით ვადით სამიდან შვიდ წლამდე.
4. ამ მუხლის პირველი ან მე-2 ნაწილით გათვალისწინებული ქმედება,
ჩადენილი: (3.07.2007 N5184)
ა) განსაკუთრებით დიდი ოდენობით;
ბ) ორგანიზებული ჯგუფის მიერ, –
ისჯება თავისუფლების აღკვეთით ვადით შვიდიდან თორმეტ წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით. (3.07.2007 N5184)
მუხლი 262. საქართველოში ნარკოტიკული საშუალების, მისი
ანალოგის ან პრეკურსორის უკანონოდ შემოტანა,
საქართველოდან უკანონოდ გატანა ან ტრანზიტით
საერთაშორისო გადაზიდვა (25.07.2006 N 3530)
1. საქართველოში ნარკოტიკული საშუალების, მისი ანალოგის ან
პრეკურსორის უკანონოდ შემოტანა, საქართველოდან უკანონოდ გატანა ან
ტრანზიტით საერთაშორისო გადაზიდვა, –
ისჯება თავისუფლების აღკვეთით ვადით ექვსიდან ცხრა წლამდე.
2. ამ მუხლის პირველი ნაწილით გათვალისწინებული ქმედება, ჩადენილი:
ა) დიდი ოდენობით;
ბ) წინასწარი შეთანხმებით ჯგუფის მიერ, –
ისჯება თავისუფლების აღკვეთით ვადით რვიდან თორმეტ წლამდე.
3. ამ მუხლის პირველი ნაწილით გათვალისწინებული ქმედება, ჩადენილი:
ა) სამსახურებრივი მდგომარეობის გამოყენებით;
ბ) არაერთგზის;
გ) იმის მიერ, ვისაც წინათ ჩადენილი აქვს კოდექსის ამ თავით
გათვალისწინებული რომელიმე დანაშაული, –
ისჯება თავისუფლების აღკვეთით ვადით თერთმეტიდან თხუთმეტ წლამდე.
4. ამ მუხლის პირველი, მე-2 ან მე-3 ნაწილით გათვალისწინებული ქმედება,
ჩადენილი:
ა) განსაკუთრებით დიდი ოდენობით;
ბ) ორგანიზებული ჯგუფის მიერ, –
ისჯება თავისუფლების აღკვეთით ვადით თხუთმეტიდან ოც წლამდე ან
უვადო თავისუფლების აღკვეთით.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.
მუხლი 263. საქართველოში ფსიქოტროპული ნივთიერების, მისი
ანალოგის ან ძლიერმოქმედი ნივთიერების დიდი
ოდენობით უკანონოდ შემოტანა, საქართველოდან
უკანონოდ გატანა ან ტრანზიტით საერთაშორისო
გადაზიდვა (25.07.2006 N 3530)
1. საქართველოში ფსიქოტროპული ნივთიერების, მისი ანალოგის ან
ძლიერმოქმედი ნივთიერების დიდი ოდენობით უკანონოდ შემოტანა,
საქართველოდან უკანონოდ გატანა ან ტრანზიტით საერთაშორისო გადაზიდვა, –
ისჯება თავისუფლების აღკვეთით ვადით ორიდან ხუთ წლამდე.
2. ამ მუხლის პირველი ნაწილით გათვალისწინებული ქმედება, ჩადენილი:
ა) ჯგუფურად;
ბ) იმის მიერ, ვისაც წინათ ჩადენილი აქვს კოდექსის ამ თავით
გათვალისწინებული რომელიმე დანაშაული, –
ისჯება თავისუფლების აღკვეთით ვადით ხუთიდან რვა წლამდე.
3. ამ მუხლის პირველი ნაწილით გათვალისწინებული ქმედება, ჩადენილი:
ა) განსაკუთრებით დიდი ოდენობით;
ბ) სამსახურებრივი მდგომარეობის გამოყენებით;
გ) არაერთგზის, –
ისჯება თავისუფლების აღკვეთით ვადით რვიდან თორმეტ წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.“.
მუხლი 264. ნარკოტიკული საშუალების, მისი ანალოგის ან
პრეკურსორის, ფსიქოტროპული ნივთიერების, მისი
ანალოგის ან ძლიერმოქმედი ნივთიერების
მართლსაწინააღმდეგო მისაკუთრება ან გამოძალვა (25.07.2006 N 3530)
1. ნარკოტიკული საშუალების, მისი ანალოგის ან პრეკურსორის,
ფსიქოტროპული ნივთიერების, მისი ანალოგის ან ძლიერმოქმედი
ნივთიერების მართლსაწინააღმდეგო მისაკუთრება ან გამოძალვა, –
ისჯება ჯარიმით ან გამასწორებელი სამუშაოთი ვადით ორ წლამდე ანდა
თავისუფლების აღკვეთით ვადით ორიდან ოთხ წლამდე.
2. იგივე ქმედება, ჩადენილი:
ა) დიდი ოდენობით;
ბ) წინასწარი შეთანხმებით ჯგუფის მიერ;
გ) ძალადობით, რომელიც საშიში არ არის სიცოცხლისათვის ან
ჯანმრთელობისათვის, ანდა ასეთი ძალადობის გამოყენების მუქარით, –
ისჯება თავისუფლების აღკვეთით ვადით ოთხიდან შვიდ წლამდე.
3. ამ მუხლის პირველი ნაწილით გათვალისწინებული ქმედება, ჩადენილი:
ა) სამსახურებრივი მდგომარეობის გამოყენებით;
ბ) არაერთგზის;
გ) იმის მიერ, ვისაც წინათ ჩადენილი აქვს კოდექსის ამ თავით
გათვალისწინებული რომელიმე დანაშაული, –
ისჯება თავისუფლების აღკვეთით ვადით შვიდიდან თერთმეტ წლამდე.
4. ამ მუხლის პირველი, მე-2 ან მე-3 ნაწილით გათვალისწინებული ქმედება,
ჩადენილი:
ა) განსაკუთრებით დიდი ოდენობით;
ბ) ორგანიზებული ჯგუფის მიერ;
გ) სიცოცხლისათვის ან ჯანმრთელობისათვის საშიში ძალადობით ანდა
ასეთი ძალადობის გამოყენების მუქარით, –
ისჯება თავისუფლების აღკვეთით ვადით ათიდან თხუთმეტ წლამდე.
შენიშვნა: ამ მუხლით გათვალისწინებული ქმედებისათვის
იურიდიული პირი ისჯება ჯარიმით, საქმიანობის უფლების ჩამორთმევით ან
ლიკვიდაციით და ჯარიმით.
მუხლი 265. ნარკოტიკული საშუალების შემცველი მცენარის უკანონო
დათესვა, მოყვანა ან კულტივირება (25.07.2006 N 3530)
1. ნარკოტიკული საშუალების შემცველი მცენარის უკანონო დათესვა, მოყვანა
ან კულტივირება, –
ისჯება ჯარიმით ან თავისუფლების აღკვეთით ვადით ორიდან ხუთ წლამდე.
2. იგივე ქმედება, ჩადენილი;
ა) დიდი ოდენობით;
ბ) წინასწარი შეთანხმებით ჯგუფის მიერ;
გ) სამსახურებრივი მდგომარეობის გამოყენებით;
დ) არაერთგზის;
ე) იმის მიერ, ვისაც წინათ ჩადენილი აქვს კოდექსის ამ თავით
გათვალისწინებული რომელიმე დანაშაული, –
ისჯება თავისუფლების აღკვეთით ვადით ოთხიდან შვიდ წლამდე.
3. ამ მუხლის პირველი ან მე-2 ნაწილით გათვალისწინებული ქმედება,
ჩადენილი:
ა) განსაკუთრებით დიდი ოდენობით;
ბ) ორგანიზებული ჯგუფის მიერ, –
ისჯება თავისუფლების აღკვეთით ვადით ექვსიდან თორმეტ წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით. (3.07.2007 N5184)
მუხლი 266. ნარკოტიკული საშუალების, მისი ანალოგის ან
პრეკურსორის, ფსიქოტროპული ნივთიერების ან მისი
ანალოგის უკანონო წარმოებისათვის ფარული
ლაბორატორიის მოწყობა ან შენახვა (3.07.2007 N5184)
1. ნარკოტიკული საშუალების, მისი ანალოგის ან პრეკურსორის,
ფსიქოტროპული ნივთიერების ან მისი ანალოგის უკანონო წარმოებისათვის
ფარული ლაბორატორიის მოწყობა ან შენახვა, –
ისჯება თავისუფლების აღკვეთით ვადით ოთხიდან შვიდ წლამდე.
2. იგივე ქმედება, ჩადენილი:
ა) ჯგუფურად;
ბ) სამსახურებრივი მდგომარეობის გამოყენებით;
გ) იმის მიერ, ვისაც წინათ ჩადენილი აქვს ამ კოდექსის ამ თავით
გათვალისწინებული რომელიმე დანაშაული, –
ისჯება თავისუფლების აღკვეთით ვადით შვიდიდან თორმეტ წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.
მუხლი 267. ნარკოტიკული საშუალების შესაძენად ყალბი
რეცეპტის ან სხვა დოკუმენტის დამზადება გასაღების
მიზნით ან გასაღება (3.07.2007 N5184)
1. ნარკოტიკული საშუალების შესაძენად ყალბი რეცეპტის ან სხვა
დოკუმენტის დამზადება გასაღების მიზნით ან გასაღება, –
ისჯება ჯარიმით ან გამასწორებელი სამუშაოთი ვადით ორ წლამდე ანდა
თავისუფლების აღკვეთით ვადით სამიდან ექვს წლამდე.
2. იგივე ქმედება, ჩადენილი:
ა) არაერთგზის ან სხვისთვის მომსახურების გაწევის მიზნით;
ბ) სამსახურებრივი მდგომარეობის გამოყენებით, –
ისჯება ჯარიმით ან თავისუფლების აღკვეთით ვადით ექვსიდან ათ წლამდე,
თანამდებობის დაკავების ან საქმიანობის უფლების ჩამორთმევით ვადით სამ
წლამდე ან უამისოდ.
3. ამ მუხლის პირველი ან მე-2 ნაწილით გათვალისწინებული ქმედება,
ჩადენილი:
ა) დიდი ოდენობით;
ბ) წინასწარი შეთანხმებით ჯგუფის მიერ, –
ისჯება თავისუფლების აღკვეთით ვადით ცხრიდან ცამეტ წლამდე,
თანამდებობის დაკავების ან საქმიანობის უფლების ჩამორთმევით ვადით სამ
წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.
მუხლი 268. ფსიქოტროპული ან ძლიერმოქმედი ნივთიერების
შესაძენად ყალბი რეცეპტის ან სხვა დოკუმენტის
დამზადება გასაღების მიზნით ან გასაღება (3.07.2007 N5184)
1. ფსიქოტროპული ან ძლიერმოქმედი ნივთიერების შესაძენად ყალბი
რეცეპტის ან სხვა დოკუმენტის დამზადება გასაღების მიზნით ან გასაღება, –
ისჯება ჯარიმით ან გამასწორებელი სამუშაოთი ვადით სამ წლამდე.
2. იგივე ქმედება, ჩადენილი:
ა) არაერთგზის ან სხვისთვის მომსახურების გაწევის მიზნით;
ბ) სამსახურებრივი მდგომარეობის გამოყენებით, –
ისჯება ჯარიმით ან თავისუფლების აღკვეთით ვადით სამიდან ექვს წლამდე,
თანამდებობის დაკავების ან საქმიანობის უფლების ჩამორთმევით ვადით ერთ
წლამდე ან უამისოდ.
3. ამ მუხლის პირველი ან მე-2 ნაწილით გათვალისწინებული ქმედება,
ჩადენილი:
ა) დიდი ოდენობით;
ბ) წინასწარი შეთანხმებით ჯგუფის მიერ, –
ისჯება თავისუფლების აღკვეთით ვადით ექვსიდან თერთმეტ წლამდე,
თანამდებობის დაკავების ან საქმიანობის უფლების ჩამორთმევით ვადით სამ
წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.
მუხლი 269. ნარკოტიკული საშუალების ან პრეკურსორის დამზადების,
წარმოების, მიღების, აღრიცხვის, გაცემის, შენახვის,
გადაზიდვის, გადაგზავნის ან შემოტანის წესის დარღვევა (25.07.2006 N
3530)
1. ნარკოტიკული საშუალების ან პრეკურსორის დამზადების, წარმოების,
მიღების, აღრიცხვის, გაცემის, შენახვის, გადაზიდვის, გადაგზავნის ან შემოტანის
წესის დარღვევა, რამაც მისი უკანონო ბრუნვაში მოქცევა გამოიწვია, –
ისჯება ჯარიმით ან თავისუფლების აღკვეთით ვადით სამ წლამდე,
თანამდებობის დაკავების ან საქმიანობის უფლების ჩამორთმევით ვადით სამ
წლამდე ან უამისოდ.
2. იგივე ქმედება, რამაც დიდი ოდენობით ნარკოტიკული საშუალების ან
პრეკურსორის უკანონო ბრუნვაში მოქცევა ან სხვა მძიმე შედეგი გამოიწვია, –
ისჯება თავისუფლების აღკვეთით ვადით ორიდან ხუთ წლამდე,
თანამდებობის დაკავების ან საქმიანობის უფლების ჩამორთმევით ვადით სამ
წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.
მუხლი 270. ფსიქოტროპული ან ძლიერმოქმედი ნივთიერების
დამზადების, წარმოების, მიღების, აღრიცხვის, გაცემის,
შენახვის, გადაზიდვის, გადაგზავნის ან შემოტანის წესის
დარღვევა (25.07.2006 N 3530)
1. ფსიქოტროპული ან ძლიერმოქმედი ნივთიერების დამზადების, წარმოების,
მიღების, აღრიცხვის, გაცემის, შენახვის, გადაზიდვის, გადაგზავნის ან შემოტანის
წესის დარღვევა, რამაც მისი უკანონო ბრუნვაში მოქცევა გამოიწვია, –
ისჯება ჯარიმით ან გამასწორებელი სამუშაოთი ვადით ერთ წლამდე,
თანამდებობის დაკავების ან საქმიანობის უფლების ჩამორთმევით ან უამისოდ.
2. იგივე ქმედება, რამაც დიდი ოდენობით ფსიქოტროპული ან ძლიერმოქმედი
ნივთიერების უკანონო ბრუნვაში მოქცევა ან სხვა მძიმე შედეგი გამოიწვია, –
ისჯება ჯარიმით ან გამასწორებელი სამუშაოთი ვადით ორ წლამდე ანდა
თავისუფლების აღკვეთით იმავე ვადით, თანამდებობის დაკავების ან საქმიანობის
უფლების ჩამორთმევით ვადით სამ წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.“.
მუხლი 271. ნარკოტიკული საშუალების, მისი ანალოგის,
ფსიქოტროპული ნივთიერების, მისი ანალოგის
უკანონოდ მოხმარებისათვის ბინის ან სხვა
სადგომის დათმობა (25.07.2006 N 3530)
1. ნარკოტიკული საშუალების, მისი ანალოგის, ფსიქოტროპული
ნივთიერების, მისი ანალოგის უკანონოდ მოხმარებისათვის ბინის ან სხვა სადგომის
დათმობა, –
ისჯება ჯარიმით ან თავისუფლების აღკვეთით ვადით სამ წლამდე.
2. იგივე ქმედება, ჩადენილი:
ა) არაერთგზის;
ბ) ანგარებით;
გ) არასრულწლოვნის ან იმის მიმართ, ვინც გადის დეზინტოქსიკაციური
თერაპიის კურსს, –
ისჯება თავისუფლების აღკვეთით ვადით ორიდან ხუთ წლამდე.
3. ნარკოტიკული საშუალების, მისი ანალოგის, ფსიქოტროპული
ნივთიერების, მისი ანალოგის უკანონოდ მოხმარებისათვის სპეციალური სადგომის
ანდა ასეთ სადგომში მისი უკანონოდ მოხმარების ორგანიზება, –
ისჯება თავისუფლების აღკვეთით ვადით სამიდან ექვს წლამდე.
4. ამ მუხლის მე-3 ნაწილით გათვალისწინებული ქმედება, ჩადენილი:
ა) ორგანიზებული ჯგუფის მიერ;
ბ) არაერთგზის, –
ისჯება თავისუფლების აღკვეთით ვადით ხუთიდან ცხრა წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი
ისჯება ჯარიმით, საქმიანობის უფლების ჩამორთმევით ან ლიკვიდაციით და
ჯარიმით.
მუხლი 272. ნარკოტიკული საშუალების, მისი ანალოგის,
ფსიქოტროპული ნივთიერების, მისი ანალოგის
მოხმარებაზე დაყოლიება
1. ნარკოტიკული საშუალების, მისი ანალოგის, ფსიქოტროპული ნივთიერების,
მისი ანალოგის მოხმარებაზე დაყოლიება,
-ისჯება ჯარიმით ან თავისუფლების აღკვეთით ვადით სამ წლამდე.
2. იგივე ქმედება, ჩადენილი არაერთგზის,-
ისჯება თავისუფლების აღკვეთით ვადით სამიდან ექვს წლამდე.
3. ამ მუხლის პირველი ნაწილით გათვალისწინებული ქმედება, ჩადენილი
ორი ან მეტი პირის ან არასრულწლოვნის მიმართ,-
ისჯება თავისუფლების აღკვეთით ვადით ექვსიდან ათ წლამდე. (28.04.2006.
N2937)
მუხლი 273. პირადი მოხმარებისათვის ნარკოტიკული საშუალების,
მისი ანალოგის ან პრეკურსორის მცირე ოდენობით
უკანონო დამზადება, შეძენა, შენახვა ანდა ექიმის
დანიშნულების გარეშე უკანონოდ მოხმარება (3.07.2007 N5184)
პირადი მოხმარებისათვის ნარკოტიკული საშუალების, მისი ანალოგის ან
პრეკურსორის მცირე ოდენობით უკანონო დამზადება, შეძენა, შენახვა ანდა ექიმის
დანიშნულების გარეშე უკანონოდ მოხმარება, ჩადენილი ასეთი ქმედებისათვის
ადმინისტრაციულსახდელშეფარდებული ან ამ დანაშაულისათვის ნასამართლევი
პირის მიერ, –
ისჯება ჯარიმით ან საზოგადოებისათვის სასარგებლო შრომით ვადით ას
ოციდან ას ოთხმოც საათამდე ანდა თავისუფლების აღკვეთით ვადით ერთ წლამდე.
შენიშვნა: ამ მუხლით გათვალისწინებული ჯარიმა არ უნდა იყოს ამ
ქმედებისათვის საქართველოს ადმინისტრაციულ სამართალდარღვევათა კოდექსის
შესაბამისი მუხლით განსაზღვრული ჯარიმის ორმაგ ოდენობაზე ნაკლები.
მუხლი 274. იძულებითი მკურნალობისათვის თავის არიდება
ნარკომანის მიერ სპეციალურ სამკურნალოპროფილაქტიკურ დაწესებულებაში
იძულებითი მკურნალობისათვის ჯიუტად თავის არიდება,
-ისჯება თავისუფლების აღკვეთით ვადით ერთ წლამდე.
--------------------
-ტექსტის ფორმატი არასწორიაო და რისი ბრალია?
-ალბათ ტექსტის ფორმატია არასწორი
(c)Manuelo Costa
მაგრი თემა ეს რა აქ ვინმეს რო დაუწერო შენი დედა მოვტკანო იმ წუთას ნომერს მოგთხოვენ და რო დაგირეკავენ გეტყვიან ასე უნდა დაგეწერა #####ანო მოვტკან არ არის სწორი გრამატიკულათო (c) TOM SOIERI
|
28
