ცესკო-მ ქორწინებასთან დაკავშირებული სარეფერენდუმო საკითხი დაარეგისტრირა
საქართველოს ცენტრალურმა საარჩევნო კომისიამ დღევანდელ სხდომაზე, ამომრჩეველთა საინიციატივო ჯგუფის (შემადგენლობით: ალექსანდრე ბრეგაძე, სოსო მანჯავიძე,ზვიად ტომარაძე) 13 მაისს წარმოდგენილი სარეფერენდუმო საკითხის ფორმულირება დააზუსტა;
ცესკო-ს ინფორმაციით, კომისიის გადაწყვეტილებით, საინიციატივო ჯგუფის შემადგენლობა და მათ მიერ შემოთავაზებული სარეფერენდუმო საკითხი: „თანახმა ხართ თუ არა, რომ სამოქალაქო ქორწინება განისაზღვროს, როგორც ოჯახის შექმნის მიზნით კავშირი მამაკაცსა და ქალს შორის?“ რეგისტრაციაში გატარდა.
დღესვე, კომისიის წევრებმა ყველა საოლქო საარჩევნო კომისიაში (73 საოლქო საარჩევნო კომისია) დროებითი წევრები აირჩიეს.
http://www.epn.ge/?id=25533 ეს ყველაფერი არჩევნებზე ხალხის მისასვლელად არის გაკეთებული.ანუ იტყუებენ ხმის მისაცემად ხალხს.
არა და ადრე წავიკითხე,რომ თურმე კონსტიტუციას ეწინაარმდეგება ამ საკითხის რეფერენდუმზე გატანა და შეცვალეს კონსტიტუცია,თუ გვერდი აუარეს?
http://www.ipress.ge/new/32085-ceskom-qort...r-daaregistriraცესკომ სარეფერენდუმო კითხვა „თანახმა ხართ თუ არა, საქართველოს კონსტიტუციაში შევიდეს ცვლილება, რომ ქორწინება წარმოადგენს ოჯახის შექმნის მიზნით კავშირს მამაკაცსა და ქალს შორის?” არ დაარეგისტრირა,-ამის შესახებ ინფორმაციას ცესკო აქვეყნებს.
აღნიშნული შეკითხვის რეგისტრაციას ალექსანდრე ბრეგაძის, სოსო მანჯავიძის, ზვიად ტომარაძის და კახაბერ მიგინეიშვილის საინიციატივო ჯგუფი მოითხოვდა.
“მოცემულ შემთხვევაში საინიციატივო ჯგუფი (ალექსანდრე ბრეგაძის, სოსო მანჯავიძის, ზვიად ტომარაძის, კახაბერ მიგინეიშვილის შემადგენლობით) და მის მიერ სარეფერენდუმოდ შემოთავაზებული საკითხი: „თანახმა ხართ თუ არა, საქართველოს კონსტიტუციაში შევიდეს ცვლილება, რომ ქორწინება წარმოადგენს ოჯახის შექმნის მიზნით კავშირს მამაკაცსა და ქალს შორის?” ვერ იქნება რეგისტრაციაში გატარებული ცესკოს მიერ, რადგან სარეფერენდუმოდ გამოტანილი საკითხი ეხება არა მხოლოდ რეფერენდუმის გზით საინიციატივო ჯგუფის მიერ შემოთავაზებულ პრინციპზე გადაწყვეტილების მისაღებად ხალხის აზრის გაგებას, არამედ ამავდროულად, საკითხის მოცემული ფორმულირებით რეგისტრაციაში გატარების შემთხვევაში, ხალხის მიერ მიღებულ უნდა იქნას გადაწყვეტილება, რომ მიღებულ იქნას ამ პრინციპის მატარებელი ახალი კონსტიტუციური კანონიც, რაც ცალსახად ეწინააღმდეგება საქართველოს ორგანული კანონის „საქართველოს საარჩევნო კოდექსი” 172-ე მუხლის მე-2 პუნქტის „ა” ქვეპუნქტის და საქართველოს ორგანული კანონის „რეფერენდუმის შესახებ“ მე-3 მუხლის მე-2 პუნქტის „ა” ქვეპუნქტის მოთხოვნებს და, შესაბამისად, მოცემული სარეფერენდუმო საკითხის და შესაბამისი საინიციატივო ჯგუფის რეგისტრაციაში გატარებაზე უარის თქმის კანონით გათვალისწინებული პირდაპირი საფუძველია. აღსანიშნავია, რომ სარეფერენდუმო კითხვაში კანონის მიღების ან გაუქმების მოთხოვნით დასმული საკითხის რეგისტრაციაში გატარებისა და რეფერენდუმის ამ შინაარსით გამართვის შემთხვევაში, დაირღვევა ქვეყნის კონსტიტუციური მართლწესრიგი და მივიღებთ ისეთ 3 გარემოებას, რომლის დროსაც კანონების მიღება-გაუქმების შესახებ გადაწყვეტილების მიმღები კონსტიტუციური ორგანო – პარლამენტი, შეიძლება ჩანაცვლდეს რეფერენდუმის გზით საკანონმდებლო ნორმატიული აქტების მიღება-გაუქმების პროცედურით, რასაც, როგორც აღვნიშნეთ, საქართველოს კანონმდებლობა არ ითვალისწინებს”,-აღნიშნულია ცესკოს განკარგულებაში.
ესაც დასაბუთება,რომ მე არ დამაბრალოთ რამე.
This post has been edited by lasha1997 on 13 Jun 2016, 02:14 
ცესკო-მ ქორწინებასთან დაკავშირებული სარეფერენდუმო, საკითხი დაარეგისტრირა
