#48947079 · 3 Oct 2016, 20:20 · · პროფილი · პირადი მიმოწერა · ჩატი
"მათი მხრიდან ლამაზი არ იყო ჩემი გამოყენება" - ვლადიმერ ხინჩეგაშვილის ვრცელი ინტერვიუ სააკაშვილთან გადაღებული ვიდეოს შემდეგ
ოლიმპიური ჩემპიონი ლადო ხინჩეგაშვილი სკანდალში გაეხვა. ყოფილმა პრეზიდენტმა მიხეილ სააკაშვილმა "ფეისბუქის" ოფიციალურ გვერდზე სპორტსმენთან ერთად გადაღებული ვიდეო გამოაქვეყნა, რომელიც ოდესაში, რთველის დროს არის გადაღებული. ვიდეოს ნეგატიური გამოხმაურება მოჰყვა. ითქვა, რომ ოლიმპიური ჩემპიონი უკრაინაში მიხეილ სააკაშვილთან სტუმრად ჩავიდა. როგორ აღმოჩნდა რეალურად, ლადო ხინჩეგაშვილი მიხეილ სააკაშვილთან შემთხვევით აღმოჩნდა. თბილისში დაბრუნებულმა ოლიმპიურმა ჩემპიონმა Ambebi.ge-ს ექსკლუზიური ინტერვიუში მისცა.
– როგორ მოხვდი უკრაინაში?
– როგორც იცით, ბოლო პერიოდში საკმაოდ აქტიურად ვემზადებოდი ოლიმპიადისთვის, ამიტომ გადავწყვიტე დასასვენებლად სხვა ქვეყანაში წავსულიყავი. წავედი უკრაინაში, სადაც ჩემი მეგობრები ცხოვრობენ, მათთან ჩავედი სტუმრად კიევში. იქ გავიგე, რომ ოდესაში ერთ–ერთი გრანდიოზული კლუბის გახსნა იყო, სადაც მეგობრებთან ერთად წავედი. ორი დღით დავრჩი ოდესაში.
– ოდესაში შეხვდით მიხეილ სააკაშვილს?
– ოდესაში სავახშმოდ ვიყავით ერთ–ერთ რესტორანში, სადაც მოვიდა ბატონი მიხეილ სააკაშვილი. ის ჩემი მეგობრების ნაცნობია, როცა დამინახა წარმატება მომილოცა და შემოგვიერთდა. მისი მოსვლა რესტორანში ჩემთვის მოულოდნელი იყო, ვიცოდი რომ იმ დროს ის საერთოდ არ იმყოფებოდა ოდესაში.
– რთველში როგორ აღმოჩნდით?
– სანამ კიევში დავბრუნდებოდი, ყველანი ერთად აღმოვჩნდით რთველში. რომლის მფლობელიც ფრანგი მეღვინეა, სადაც ქართული ჯიშის ღვინოს აწარმოებენ. ჩემთვის ეს სასიამოვნო იყო და საკუთარი წვლილი შევიტანე ყურძნის დაწუერვაში. თავადაც ძალიან გაეხარდათ, ჩემი სტუმრობა. იქ იყო მიხეილ სააკაშვილი, ის ერთ–ერთ არხს აძლევდა ინტერვიუს, დამიძახა და მითხრა მის გვერდით დავმდგარიყავი, ქართული ღვინის პოპულარიზაციაზე ერთად ვისაუბროთო, მან იქვე აღნიშნა, რომ ეს არ არის პოლიტიკური ვიდეო. ვიდეოს სრული ვერსია არ გამოქვეყნდა, უბრალოდ ის ნაწილი დაიდო, რაც დაიდო. სამწუხაროდ ხალხმა ნეგატიურად მიიღო ეს ყველაფერი. მივმართავ იმ ხალხს, ვინც სოციალურ ქსელში გამაკრიტიკა, ნუ გააკეთებენ დასკვნებს, სანამ რეალურად არ გაიგებენ რა მოხდა. მე ვხვდები რატომ მაკრიტიკებს ხალხი, მაგრამ არგუმენტირებულად უნდა გააკრიტიკო ადამიანი. თავის სამართლებელი
Advertisement
არაფერი მაქვს, უბრალოდ მათი მხრიდან ლამაზი არ იყო, ჩემი გამოყენება.
– როდემდე აპირებდით კიევში დარჩენას და რატომ დაბრუნდით ასე ადრე?
– 6 ოქტომბრამდე ვრჩებოდი კიევში, მაგრამ ეს ამბები რომ ატყდა, გადავწყვიტე საქართველოში დავბრუნებულიყავი იმ ხალხთან ვინც იცის მე რაზე ვარ ხელის მომწერი. ვინც გვერდით მიდგას, მათთან დავბრუნდი. მე არადროს ჩავრეულვარ პოლიტიკაში, არც ნაციონალური მოძრაობის მხარდამჭერი ვარ და არც სხვა პარტიის. მე ჩემი ქვეყნის გულშემატკივარი ვარ.http://www.ambebi.ge/sazogadoeba/178338-qmathi-mkhridan-lamazi-ar-iyo-chemi-gamoyenebaq-vladimer-khinchegashvilis-vrceli-interviu-saakashvilthan-gadaghebuli-videos-shemdeg.html
|
მიშამ ხინჩეგაშვილიც გამოიყენა, პიარისთვის , არადა 
